Bacaan Minggu, 9 Oktober 2011: Masmur 68 : 4 - 7

“Endehon ma hadengganan pandonganion ni Debata” JAMITA Sibasaon MINGGU XVI DUNG TRINITAS, Tgl, 09 OKTOBER 2011 Nats Jamita Sibasaon: MASMUR   68 : 4 – 7 Nats Bandingan : ANDUNG  3 : 22 – 26 Salinan Nats Turpuk Jamita Sibasaon : Masmur  68 : 4 - 7 4 Marende ma hamu di Debata, puji ma goarNia, parade ma dalan diSia na markareta ombun. TUHAN do goarNia, marolop-olop ma di joloNia. 5 Debata na maringanan di ingananNia na badia, i ma da Ama ni na so marama jana Pangondian ni angka na mabalu. 6 Dilehen Ia do inganan di halak na tarpunjung dilehen Ia haluaan dohot hatuaan di halak na tarhurung. Hape anggo halak na mangalo Tuhan, angkon maringanan do di tano na harsang. 7 Di na nitoguMu bangsoMu, ale Debata, mardalan mamolus padang na hiang, Pendahuluan Buku   Masmur on sada  bagian sian Bibel rangkaian ni buku ende dohot buku tangiang. Na dikarang ni piga-piga pujangga dibagasan  hatiha na honok sajo. Angka ende-ende dohot tangiang i dipanpungu halak Israel ma i jana dipake di ibadah ni halahi, ujungna gabe dipamasuk tu Bibel di hatihana.  Sanjak-sanjak agama on marragam rupo do isina: adong do ende pujian, ende panyombaon tu Debata; tangiang mangido pangurupion, pangondianon dohot haluaan; tangiang mangido hasesaan ni dosa; ende hatarimakasion di pasu-pasu ni TUHAN, pangidoan anso diuhum musu. Tangiang na marrsifat pribadi, tangiang nabersifat nasional. Piga-piga sian i manggambarkon perasaan ni sasahalak na mansai bagas, na asing muse patorangkon angka haporluan dohot parasaan ni sude umat ni Debata. Masmur-masmur on jotjot do dipake Tuhan Yesus, dikutip angka panyurat ni Parjanjian Naimbaru, dohot gabe buku ibadah na mansai diargai halak di Hakaristenon sian mulana. Turpuk on ima sada ende pujian dohot tarimakasi na patorangkon dohot manyaksihon angka pambaenan ni Debata. Impola ni Jamita : Masmur  68 : 4 - 7 Adong do dua bagian impola nagabe simo-mosanta marhite turpuk jamita on andorang so masuk tu hahonaan na porlu di parngoluonta. I.         Marende mamuji, marolop-olop jana parade dalan di TUHAN Debata (ay.4-5) 1.     Ende pujian dohot olop-olop angkon dipasahat tu TUHAN (ay.4) didasari kenyataan pengalaman songon nadung didok di ayat 3 Hape anggo halak na daulat marmoga-moga, marolop-olop di jolo ni Debata. Diuduti muse dohot sipaingot anso parade dalan di TUHAN. Matujuan haradeon dohot parkarejoan manomu-nomu TUHAN di bagasan hahobason na marsitutu. 2.     Debata na maringanan di inganan na badia gabe ama di naso marama jana pangondian di ina na mabalu (ay.5). Patorangkon keberadaan inganan na Badia na punjung sian sian hadosaon ni jolma, tapi dibagasan holong Debata gabe ama di naso marama jana pangondian din a mabalu. ÄSianon taligi sada ajakan marende pujian, olop-olop dohot parade dalan di haroro ni TUHAN na didasari holong dohot pangondianon-Na di angka halak na mansai mamorluhon.   II.        Marbeda do pangurupion ni TUHAN tu namangoloi dohot namangalo Ia   (ay.6-7) 1.       Dilehen inganan tu na tarpunjung dohot haluaan jana hatuaan di halak na tarhurung (ay.6a) 2.       Bangso-Na di togu mardalan mamolus padang na mahiang (ay.7) 3.       Halak na mangalo Tuhan angkon maringanan di tano na mahiang (ay.6b).   ÄDison disadarkon do hita perbedaan na mansai tangkas dipangurupion ni TUHAN tu halak namanghaporsayai sanga namangaloi Ibana harupe tarpunjung sanga tarbuang, songoni muse ditogu mardalan mamolus padang na mahiang (band.pengalaman ngolu ni bangso Israel). Sabalikna tu na sai mangalo TUHAN ingananna pe di tano na mahiang. Keadaan sisongonon laling jotjot do masa dipengalaman sejarah hajolmaon sian na jolo lopus tu ari parpudion; istimewa do pangurupion ni TUHAN tu naporsaya nasetia mangoloi Ibana dibandingkon tu halak na sai mangalo parenta-Na. Hahonaanna di ngolu ni naporsaya di hatiha on : Masmur  68 : 4 - 7 1.      Turpuk on mangajak hita anso marende mamuji, marolop-olop jana parade dalan di TUHAN. Mardomu tuson porlu do hita jujur mangarimangi dohot manghilalahon jaminan pangurupion ni TUHAN di ganup hita naporsaya. 2.      Tu ama na so marama dohot ina namabalu rade do Debata gabe Ama dohot pangondian, harani i porlu do hita mangandalhon TUHAN dingolunta na mangadopi ragam ni parungkilon. 3.      Dinapunjung sanga tarhurung pe bangso ni Tuhan, sai napaluaon-Na do i di hatihana. Toguon ni TUHAN do mardalan di padang na mahiang songon pangalaman ni bangso Israel. 4.      Antong ulang ma marnaloja hita marende mamuji-muji marolop-olop tu TUHAN dibaen sude holong dohot denggan ni basa-Na nadung tahangoluhon.              Amin. Horas ma, P d t. B. N a i n g g o l a n, M.T h   GKPA Resort Tanotombangan   Email: rev.bnainggolan@yahoo.com

JAMITA MINGGU XVI DUNG TRINITAS, 09 OKTOBER 2011: Andung/Ratapan 3 : 22 – 26

Hot do manongtong holong & asi ni roha ni Tuhan   JAMITA MINGGU XVI DUNG TRINITAS, 09 OKTOBER 2011 Jamita : Andung 3 : 22 – 26 Sibasaon : Masmur 68 : 4 - 7 Pendahuluan Buku   Andung  umumna marisihon  lima syair na  mangandungi hadadabu ni Yerusalem tu  tangan ni tentara Babel di taon 586 Andorang so Masehi, dohot  hasesego jana masa habuangan ni bangso Israel.  Harupe buku  on umumna manyuarahon nada pardangolan partangisan, tapi dibagasanna laing patar do segi haporsayaan tu Debata dohot panghirimon tu ari na giot ro na dumenggan/na tumorang. Syair-syair di bukuon dipargunahan halak Jahudi do di paribadatan ni halahi di ari-ari na khusus laho marpuaso dohot markabung.  Ari-ari khusus si songon i dipatupa do ganop taon laho marningot bala na mandondoni bangso i.  Turpukon marisihon arop niroha namangolu tu TUHAN ditonga-tonga ni pardangolan na masa. Keterangan/Tafsiran Inti Nats : Andung  3 : 22-26 I.         Hot do manongtong holong dohot asi niroha ni TUHAN (ay.22-23) 1.     Hot do manongtong holong dohot asi ni roha ni TUHAN (ay.22). Sada syair na marsifat pernyataan habonaran na manegashon hagogoon hasetiaon ni holong dohot asi ni roha ni TUHAN. Naso muba, naso mose, harupe marragam namasa sanga keadaan na muba-uba di tanoon (band. Janji Holong Halibutongan/ Pelangi kasih sian TUHAN). 2.     Mulak imbaru ganup manyogot jana songon parbincar ni mata ni ari habonaran ni TUHAN (ay.23). Manggambarhon hasegaran holong namardapot-dapot ganup mamungka ari baru, jana habonaran na manongtong songon hasetiaon ni mataniari manyondangi hasiangan on ganup ari. ÄSudenaon manegashon holong dohot asi ni roha ni TUHAN na hot manongtong jana habonaran-Na pe aktif do patar martahan songon parbincar ni mata ni ari ganup manyogot. Najot-jot masalah holong hajolmaonta dohot habonaranna na muba mose, harani ragam na masa. Ima mambaen kabur muse panandaonta di holong dohot habonaran ni TUHAN. II.        Hum TUHAN sajo do na adong di au jana Ibana pos ni rohangku (ay.24) Sian on taligi pernyataan sikap dohot haporsayaan natogu dibagasan pos ni roha marpanyoraon tu TUHAN. Pernyataan sikap haporsayaan on ro justru hatiha pardangolan hasusaan mandondoni ngolu ni banbgso Israel, tapi mur marpanyoraon pajonok diri dohot marposniroha tu TUHAN. Bisa do ta bandingkon songon dakdanak na marsitutu pos ni rohana tu pangurupion ni natorasna dibagas sang ape di luar ni bagas. Angkon lumobi sian i ma nian sikap dohot pos ni rohanta marhaporsayaan tu TUHAN di sude keadaan. ÄHaporsayaan sisongonon do na dipangido ni TUHAN tu Jolma, anso sautuhna marsigantung jana marpos ni roha tu Ibana. Ulang adong parsigantungan sanga tuhan na asing (Debta sileban), asing sian TUHAN (band.Tona Na Sampulu dohot Impolana) III.      Burju do TUHAN tu halak na mararop ni roha dohot jalak-jalak tu Sia (ay.25-26) 1.     Burju do TUHAN tu harak namararop ni roha jana jalak-jalak tu Sia (ay.24). Manggambarhon sikap/ respons ni TUHAN tu halak na aktif mararop dohot marlungun ni roha marsuo dohot Ia. Harani ido baen na disosoi Jesus anso parjolo manjalahi harajaon ni Debata sian na asing, anso dilehen muse ondeng na asing  (Band.Mat. 6 : 33).   2.     Painte ma dibagasan sonang lopus ro TUHAN mangalehen partolongan (ay.26). Laho marsaulihon haburjuon ni TUHAN dihaporluhon sikap haradeon paintehon dibagasan sonang, harana partolongan ni TUHAN inda jungada tarlambat jana pasti jeges di hatihana. ÄSian hatorangan on murtangkas ma di hita holong, haburjuon dohot habonaran ni TUHAN na hot manongtong. Namandorong hajolmaon mananggapi aktif, marhite panyoraon dohot haporsayaan na hot togu tu Ibana, anso denggan marsaulihan holong dohot asi ni roha-Na.   Hahonaanna/Aplikasi Praktis: Andung 3 : 22 – 26 01. Fakta pardangolan, parhancitan & ragam nihamaolon namandondoni ngolu ni jolma termasuk di naagoan halak nanihaholongan inda bisa tarsoadahon. Tapi songon halak naporsaya, angkon tontong do mangoku, manghaporsayai sude janji ni TUHAN manghombari na hot manongtong holong dohot habonaran ni TUHAN. TUHAN kandiri do na gabe jaminan parlinggoman dohot pangapuli di hita (I Pet. 5:10) 02.    Taingot ma tongtong haburjuon ni TUHAN, jana tu Ibana ma hita mararop ni roha nagok ahape na masa jumpa di pardalanan ni ngolunta. 03.    Muda maol hita marnida partolongan ni TUHAN jotjot do dipengaruhi posisinta na sai manjoloi langka pano-noguon-Na, gabe taposisihon dipudi TUHAN ujungna hita agoan dalan. Sadengganna Tuhan do siihutkononta, nada hita ihutkonon Nia. Muda masa pe hamaolon tapainte ma dibagasan sonang ni roha partolongan ni TUHAN na pasti dumenggan jana nada jungada tarlambat pangurupion-Na. Amen. Shaloom, P d t. B. N a i n g g o l a n ,  M.T h    GKPA Resort Tanotombangan Email: rev.bnainggolan@yahoo.com

TAKUT AKAN TUHAN   Dalam menghadapi musuh-musuh kita baik secara jasmani maupun rohani, tips yang diberikan Nehemia adalah dengan TAKUT akan TUHAN. Dengan sikap takut akan Tuhan, maka kita akan terhidar dari cercaan bangsa-bangsa lain. Tips yang sederhana ini akan memampukan kita menaklukkan musuh-musuh kita sehari-hari. Misalnya malas bekerja, malas membaca firman Tuhan, malas berdoa dan lain sebagainya. Orang yang memiliki rasa takut akan Tuhan akan terhindar dari musuh-musuh tadi. Semoga tips ini membawa kita kepada kemenangan yang sejati. Selamat berkaktifitas hari ini. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita. Nehemia 5 : 9b Bukankah kamu harus berlaku dengan takut akan Allah kita untuk menghindarkan diri dari cercaan bangsa-bangsa lain, musuh-musuh kita? Nehemia 5 : 9b BEAM No.  8 : 1,3  “Hupuji ma holong ni roha” Hupuji ma holong ni rohani Debata Jahowa i Humopkop jolma namardosa dilehon Anak-Nai Huhalupahon ma diringku marningot holong ni rohamu Huhilala angkon mar Tuhan, angkon di Ho mangolu au So dumpang au be hangoluan,ia so dibagasan Ho Martua au bope ma sonang,, muda mengihut au di Tuhan.