Khotbah Minggu, 14 Nopember 2010: PARJAMITA 11 : 1 – 6

MARGURU MA TU PORKIS NA PALAGUT SIPANGANON DI HATIHA SABION ANSO ADONG BOHAL DI MASA NI HALEON (ETOS KERJA) HATORANGAN NI JAMITA MINGGU XXIV DUNG TRINITATIS MINGGU, 14 NOVEMBER 2010 Jamita : PARJAMITA 11 : 1 – 6  Sibasaon : LUKAS 16 : 10 – 13 I.     Patujolona Minggun sadarion di goari Minggu 24 dung Trinitatis na martemahon Etos Kerja. Muda taparrohahon angka dongan na di kota, mulai sian manyogot lopus tu borngin bergelut dohot parkarejoanna. Terkadang nada sompat be ama dohot ina marsaor dohot dakdanakna, harani waktu karejo dohot waktu ni na marsiajar. Nada tola hita mangapian muda songon na lumayan ngolu ni angka donganta na di perkotaan, harana sugari adong 28 jom sadari-saborngin habis do i dipake halahi  laho markarejo. Muda tapardimana waktu dohot cara kerja di hitaan, bia do luai, dia do umbahat waktu i tapake laho mangkarejohon karejonta  muda tabandingkon tu waktu ni donganta angka na di kota ?. Iba sandiri madung mengalami, bahwa hidup di kota kita tidak mengetahui bahwa waktu itu berjalan dan tidak terasa hari sudah petang hara ni kesibukan kerja. Jana jungada do iba sandiri tinggal di pedesaan, salaku ngolngolannoma iba mangabiskon waktu i, lolot ni hilala anso potang ari. Biasi ro pangkilalaan na songon I, hara hurang kesibukan, muda hurang kesibukan, laing saurdot do i laing humurang ma angka sihumisik, fakta na aktual do on di ngolunta. Antong, taida ma jolo sian Bibeltai taringot tu pemakaian waktu dalam bekerja. Barita na parjolo situtu di baritahon di Bibel i di halaman parjolo i ma, Debata na markarejo, jana torus markarejo lopus tu barita parpudi di Buku halumbaan pasal 21-22. Nada hum hataNa sajo didok gabe manjadi, tapi dohot do TanganNa markarejo laho mabuat tano manompa jolma dungi dilehen ma hosa hangoluan. Dung i di togu ma jolma i tu porlak Eden, ditompa ma dohot tanganNa dadaboru sian rusuk ni jolma i, di togu ma tu jolmai, dipasu-pasu ma halahi gabe ripe na giot manoruskon parkarejoan i ma laho mengolah dohot mamaliaro sude na nitompa ni Debata.. Haru pe madabu jolma i tu bagasan dosa nada marnamantak debata markarejo laho paluhon jolma, lopus di haroro ni Tuhanta Jesus na laho manobus jolma sian dosana, ihut tusi disuru do pe Tondi parbadia na marorot ganup halak na porsaya anso dapotan hangoluan na manongtong.. Bila Allah tidak pernah berhenti bekerja kecuali Hari sabath, laing songon i ma hita jolma angkon torus do markarejo., anso dapotan pasu-pasu jana mur tuancimna pandaian. II.     Hatorangan 1. Jamot jana padot ma manyarihon ari pangapudian Turpuk on patorangkon tu hita, bahaso nada adong hamaloonta dohot parbinotoanta, taringot tu na giot masa ancogot. Hara so taboto sanga na tarsongondia ngolu tu ancogot, sapanjang adong hatiha tapake ma dohot denggan (Carpe diem). Pandok ni Halak Deli : “ Sediakanlah payung sebelum hujan datang “. Jana Halak Angkola Mandok : “ Ulang jolo tarlusut anso mamantari “. Arti na ulang jolo habis, ulang jolo sega anso nijalahn dohot ni pauli. Raja Salomo na kayo i mangarahon masyarakatna, anso marguru ma tu porkis, sangan meneladani etos kerja ni porkis, na radot, na tekun, na gigih dohot na bekerja sama laho paluhutkon sipanganon di hatiha sabion, anso adong bohalna muda masa ni haleon (Poda 6 : 6-8). Muda tasulingkiti ngolu ni angka ompunta di jaman jajahan Belanda, Jepang, bo pe tarhapi parngoluon ni halahi, kesempatan kerja inda adong, kesempatan belajar inda adong, tapi laing tarbege do pitua na mandok. Bahaso angka ompuntai i ma pareme na usangon dohot parjaung na burburon, par manuk habangan dingding, parhorbo batu di pasir dohot parlombu tuktuhon longa. Arti na maduma do parngoluon ni halahi, ganop bagas adong talobatna, ganop ripe adong kobun kopina, ganop parsaba adong tobat kokalna. Bolas do nidok anggo diompunta na parjolo i,  lantoyung i bisa gabe sere, jana ingkayu lalat i mardai mera. Nada hara nijabatatan, kedudukan, pendidikan gabe tarbaen halahi songon, tapi hara ni padot, jamot halahi laho manyarihon pangapudian ni ari. Muda taparrohahon saonnari tarlumobi di huta ni ompuntaan ! Bia do luai, mangido maaf muda songon na makoras tu ate, Parkobun kopi manobusi kopi tu lopo, parsaba manabusi dahanon tu poken, parkobun-kobun manabusi ingkayu lalat tu poken aek. Muda ro koum  nada be manyuruk taruma sanga manyilo tobat kokal, tapi tu parjagal ayam potong noma dohot tu toke ihan. Nada haru niida be sopo talobat dohot sopo pangguloan di ganop huta. Ma maruba saonari, talobat na mardalan noma kacuceng tu ganop halak na sedang mardege di saba. Ma porlu takaji ulang cara ni ngoluntaa di jaman moderen on, harana mur modern jaman  tapi mur deret do parngoluon. Halak kehe tu onan hape hita kehe tu rodi. Bia do solusi ni on ? 2. Tangan na na losok parohon hapogoson, tapi tangan na ringgas maroban hakayoon ( Poda 10 :4) Nancy Jone yang tinggal di ota Midwestern mengatakan : “ Bagi yang ingin susu, jangan hanya duduk dibangku di tengah-tengah pada rumput sambil berharap sapi akan menolongnya “.  Bahat do dongan hum na mangecet dopur sajo, jana ro gulmit ni portibion dihataan, hape muda taparrohahon tu ari pangapudian na so marhatontuan dope. Jotjot do tardapot hahurangan di hita songon nanidok ni na tumobang : Mumba di gariang, berlagak orang berada rupanya hanya mengada-ada. Dosa do losok ni roha, jana nada parjambar na losok di Harajaan ni Debata, dohot nada maruli parsaulian salolot di tanoon. Antong dongan turpuk on mandok tu hita sude : Ulang painte tu ancogot, aha na tarkarejohon ho sadarion. Na marlapatan do I dongan tu hita parkarejo, tailihon ma tu jolo songon roda ni padati do ngolu on, nada adong na hot, antong salolot adong di hita kesempatan markarrejo tasarihon ma ari pangapudianta, anso muda dapot hatihana pansiun nada tarsonggot be pamatangta (Depositum fidei). Laing songon i ma di hita na marusaho di pertanian, perikanan, permanukan, peritikan dohot lan angka  na asing, ulang jolo tarlusut anso mamantari. Artina,  di hatiha sabion do hita  pasingkopkon same dohot napu, jana di hatiha manduru I do hita laho pasingkopkon sasabi dohot sigoloman songon na di hasomalkon ni angka ompunta. Anggo na jolo horbo ni halak hitaaan do na marrerak di Padang bolak, tapi anggo saonnari horbo ni halak Padangbolak noma sipakeonta muda porlu. Mangulahi tauhal sian Bibel i taringot tu na markarejo, didok si Paulus songon on : Ise halak na so ra karejo, indangkon ia mangan ( 2 Tes 3 : 10 ). 3. Orare et laborare Marsitutu ma martangiang, jana hombar ma dohot tu parkarejoan. Satonga ni tangiang do ulaon, berarti muda inda ringgas iba martangiang/marminggu sadia bahat pe na dapot i intap ni satonga ni kebutuhan do tartutupisa.. Salolot adong gogo tapukpuk ma na markarejo, salolot adong do pe hatiha, selama masih siang (Yoh 9 : 4) harus bekerja. Rabindrat Tagore mandok songon marhite pengalaman ni ngoluna : “ Tuhan menghormati aku ketika aku bekerja, dan ketika aku bekerja Tuhan bekerja di dekatku “ Aha do na di karejohon ni Tuhan di lambungta hatiha markarejo hita ? Allah  membimbing, mengajar, menolong, membela, mendengarkan, memperhatikan, memberi, menegur, menghukum, mengampuni, menyuruh, menopang, mengutus, mengaruniakan,, menyelematkan, menyertai, menunjukkan, mendidik menebus, menuntun, melindungi, menguatkan, menyembuhkan, menghidupkan, menumbuhkan, menggendong dan melayani dan seterusnya. On ma karejo ni Debata di lambungta hatiha markarejo hita. Antong pekerjaan itu adalah merupakan Ibadah yang sejati bagi Allah yang terus bekerja. III.    Panutup Kita harus bekerja keras untuk hidup kita, karena Allah  adalah Allah yang tidak berhenti bekerja ( kecuali Sabath sebagai hari pemulihan, hari penguatan untuk bekerja kembali ). Tuhan membangunkan surya tiap pagi dan menidurkan senja tiap petang sebagai pertanda bahwa manusia harus mempegunakan waktu di antara bangunnya surya dan tidurnya senja Tuhan menjadikan dirinya Tuhan yang Omni present demi jati diri kita sebagai manusia yang bekerja. Amin, Pdt. YP.Siregar, STh Praeses GKPA Distrik III SumTim