JAMITA MINGGU, 10 OKTOBER 2010

Si JAKOB dohot Si LABAN

HATORANGAN NI JAMITA

Minggu  19 Dung Trinitatis

Minggu,  10 Oktober 2010

Jamita : Pamungkaan 30:31-43

Sibasaon : 1 Timotius 4:13-16

Patujolo

Si Esau dohot si Ishak i ma dua halak na markahamaranggi, si linduat. Nasada markarejo sebagai parburu na sada nari sebagai petani. Dipasupasu si Ishak do anakna si Jakob nang pe sasintongna ingkon si Esau hian do na ingkon manjagit pasu-pasu hasiangkangan i. Dohot singkat nada sian dalan na denggan di jagit si Jakob pasu-pasu ni amangna si Ishak tu ibana, sian dalan-dalan na panipu do da sasintongna (27:36).

Muruk do si Esau tu anggina i pola disangkapi ia laho mamunu si Jakob. Untung do dibege natorasna si Ribka rencana jahat ni si Esau i gabe dibocorkon ia tu anak hasianna si Yakob jala disuru ia kehe mangaranto mandapotkon tulangna si Laban tu luat Haran.

Kehe ma si Jakob tu sabola habinsaran ni Kanaan maninggalkon keluarga demi keselamatan ni jiwana naung terancam dibaen abangna i. Dung mengembara ibana piga-piga leleng lalu ma tu inganan padang parmahaman ni si Laban. Dipatongon Tuhan do ibana pasuo tu angka parkarejo parmahan ni si Laban malah dohot boruna si Rahel. Dipatorang si Jakob ma sude ruhut-hurut ni parkoumon ni halahi jala tangkup do diate-ate ni si Rahel simpati do ia tu pariban nia i jala sude na diturihon na i. Mulak ma ia tu huta paboahon haroro ni si Jakob laho mandapothon halahi. Disambut si Laban do berena i huhut dibaen markarejo pola 7 taon lolotna jala diadatkon do boruna siangkaan si Lea gabe parsonduk bolon ni Jakob. Hape nada si Lea nadisolom ni mata dohot ate-ate ni si Jakob si Rahel do harana ia do na sun jogina. Hara ni persoalan adat do sasintongna naso patolahon sada anak boru mangalakkai angkangna jala beresiko do i tu si Jakob sehingga gabe nada songon mulus ni na di rohana i dijagit ibana sian tulangna si Laban. Nang pe songon i dijanjihon si Laban do tu sia laho mangalehen si Rahel gabe parsondukna na paduahon dohot syah persayaratan ingkon markarejo ma muse ia saleleng pitu ta on nari rap dohot si Laban. Demi cinta didalani si Jakob  do na pitu taon i. Demi cinta mengembara do si Jakob di padang parmahaman ni pahan-pahanan ni tulang na i.

Nada diparsoada si Laban hasil kerja ni si Jakob, dioku ibana do hum hara ni kesungguhan ni si Jakob do marmahani angka biri-biri dohot hambeng na i gabe songon i perkembangan ni hamoraonna. Suang songon i do dohot di pardagdanahon sopar do si Jakob pola dipasahat Debata tu ibana 12 dagdanak halaklahi 1 halak dadaboru. Denggan do parangena dohot parkarejoanna jala marsangap do tulangna i dikehadiran ni ibana di tonga-tonga ni keluargani tulang na i. Marsangap harani na denggan ulaonna huhut parohon arta na gok marhite-hite nasopar angka pahan-pahananna. Marsangap tulang na i baen burju do ibana marugamo jala sude halak Haran marnida i.

Laing marpikir do si Jakob tu ari na mangihut, jala dihirim rohana do peningkatan ni ngoluna anso ulang hum na gabe parkarejo lepas sajo ibana di huta ni simatuana i. Di hapulukkon ia do mangido pangurupion ni tulangna demi na manyarihon angka kesejahteraan ni parngoluon ni keluargana, anso adong muse pertahanan hidup manghereskon angka pahompuna nasalusin i.

Songon sada na tua-tua na manghaholongi boru, hela dohot pahompuna di oloi si Laban do pangidoan ni si Jakob i gari ada dilehen si Laban do kesempatan na lobi luasna tu si Jakob laho manontuhon parbagiananna.

Isi/Bohal ni Parjamita

Ayat 31-33: Manyarihon ngolu ni Keluarga

Sude do orang tua manyarihon ngolu ni angka anakhonna apalagi songon si Jakob angke pola do maranak sampulu dua marboru sasada ibana. Nada jumlah naotik be i mungkin mara lupa ibana mamio goar ni angka anakhon nai hara ni gokna. Di na diigilna silehen-lehen ni tulangna i disangkap rohana do ulang di etong i songon gajina saleleng markarejo ibana dohot tulang na i. Tinggi do harga diri dohot gengsi ni Yakob nang pe di sisi na asing marakal do ibana laho mambuat na disia anso umbahat etonganna.

Jolma na pistar do si Jakob angke muda parbagian berdasarkon etongan gaji berarti jolma siparkarejo do ibana sarupo tu angka jolma nadiparjual belihon ditingki i. Hara ni i diusulkon ia ma pegangan na lebih terbuka laho manontuhon panjaenna justru lebih berpeluang laho memiliki lebih bahat parbagiananna jala nalebih terhormat muse carana. Didongkon ibana anso sude biri-biri naturikhon gabe di ibana, sude hambeng na lomlom anso gabe luhutan ni bagianna. Harana hambeng na lomlom lebih kuat do pisik ni i, dungi diboto ia do manguba warna ni kulit/imbulu ni biri-biri i anso gabe turikhon tarida jala dikarejohon ia do akal-akal si songon i. Astuanna bisa do baenon ni si Jakob sude pahan-pahanan ni tulang na i gabe milik na tapi nada ra ibana menempuh hajahaton na songon i.

Ayat 34-36: Dipaasing bagian ni si Jakob

Tahap pertama dung marluhut sude biri-biri na turihon, hambeng na lomlom dipaasing tulang nia si Laban ma sude na i jala di pataru tu sada inganan na sun dao na pola pardalanan tolu ari lolotna.

Bahat do bisuk ni si Jakob, diusulkon ia anso polin angka na turihon dohot na berwarna na lomlom gabe nampuna nia sasintongna na manjago kecurigaan ni simatuania i do ia. Muda so pita warna warni ni angka pahan-pahanan nia i bisa do curigaan ni tulang nia i ia muse sebagai panipu sementara muda sude sarupo jala nada adong na asing tontu nada adong kecugigaan ni tulang nia i tu sia sebagai parakal-akal. Nian nada pola bantahon ni i muda adong pe halak na manudu ia sebagai parakal-akal angke ido boncirna baen terancam ngolu nia di tingki di jolo ni keluargana jala sikap sisongon i do mambaen ia gabe ingkon kehe marhuta sada manopot tulang na si Laban.

Ayat 37-40: Bisuk ni si Jakob

Dung di paasing angka biri-biri dohot hambeng bagian ni si Jakob tu inganan na khusus, lain si Jakob dope marmahani angka na sisa pahanpahanan ni tulang nia i. Di akali ia ma muse anso berubah warna-warni ni angka pahan-pahanan na sisa i harana  muda turihon sangan na lomlom ingkon masuk do sude i tuhorong ni pahanpahanan nia. Adong do diboto ia kiet ni na mangubah warna-warni ni pahan-pahanan i jala dipadalan ia do akal-bisuk nia i. Naso turihon hian biri-biri i bisa diakali ia marhite-hite palangka minumanna gabe turihon, naso lomlom hian warna ni hambeng i bisa dibaen ia gabe lomlom idaon. Otomatis hombar tu parjanjian angka na turihon dohot angka na lomlom angkon gabe masuk tu horong ni arto nia doi. I ma na masa dibaen si Jakob laho mangakali arta ni tulang nia i anso murbahat pahan-pahanan nia. Ia pe murmamora ma tutu.

Ayat 41-43: Marbisuk manghorkon hamoraon

Nada pola borat dihilala si Laban mangoloi pangidoan ni berenai harana dietong ia do si Jakob berena boti helana na wajar mewarisi sinadonganna. Sanga bia pe akal bisuk ni si Jakob mangarohai arta ni simatua nia i nada pola haru bahat komentar ni si Laban.

Biasana angka hambeng na bontar gale do pamatang ni i, sebalikna angka hambeng na lom-lom lebih bertenaga do i. Harana ingkon dao do si Jakob muse menempuh perjalanan maninggalkon tulang nia i sian Haran membutuhkan tenaga na cukup prima do antong agia angka pahan-pahanan pe ido gabe dipili ia ingkon hambeng na lomlom ma na gabe bagian nia. Boti muse malo do ia mambaen hambeng na bontar hian gabe turihon sanga anso gabe lomlom laho patoropkoh etongan ni artania. Bahat ma tutu pengalaman ni si Jakob na bisa parohon hamoraonna dohot na manguntungkon dirina sian habanan ni pahan-pahanan ni tulang nia i.

Sian cara berpikir na asing bisa do dohonon nada parcuma halojaon nisi Jakob na cukup serius marmahani pahanpahanan ni tulang nia i saleleng 14 taon. Bahat dapot ia ilmu taringot tu perawatan ni pahan-pahanan na manguntungkon tulangna dohot na parohon pasu-pausu hamoraon tu dirina sandiri.

Pangarimpunan ni turpuk

Sada tiruan do tutu semangat dohot keseriusan kerja ni si Jakob on jala gabe jamita do i tu angka dongan na markarejo di sude inganan parkarejoan anso dilehen rohana laho menguasai lapangan parkarejoanna. Muda tung pe nada sagiro dapotan hasil namaksimal sian parkarejoan i ulang pola manigor mandele angke bahat do muse cara pakeon ni Debata laho mangalehen pasu-pasu di nara marsitutu mangkarejohon parkarejoanna.

Jolma napistar jala na bisuk do si Jakob, malo mangakali amangna, abangna dohot tulangna. Matung lengkap sisi ni kehormatan di batis-batis ni paradaton ha Jahudion sanga pe muda di Habatahon na di akal-akali ni si Jakob i. Tapi sasintongna masuk tu horong ni habisuhon do ulaonnai angke nada adong disi upaya na mematikan, hosom sanga pe gutgut.

Marhite pengalaman ni si Jakob on tangkas do binoto ia hamoraon i nadikojar doi dohot keseriusan holan i ulang gabe manyegoi tu angka ruhut-ruhut ni uhum na berlaku harana nyawa do taruhan ni i.

Hapistaran dohot habisuhon ni jolma dipake Debata do i na gabe dalan habaoran ni pasupasuNa huhut laho patangkaskon hasintongan ni janjiNa tu angka jolma na marsigantung tu hakuasoonNa. Hara ni i nada tardodo bagas ni pamikirion ni Debata  laho patuduhon hamoraonNa tu angka jolma na bisuk, na toruk rohana, na serius markarejo di inganan parkarejoanna.

Sandok berusaha ma hita manjalahi na dihita mardongan bisuk na sian Tuhanta i anso marhite-hite habisuhon i lam marsangap goar ni Debata di bagasan parkarejoanta. Debata do mual ni habisuhon, Debata do mual ni hamoraon, Debata do mual di hasobaron na manghorkon keseriusan mangkarejohon karejo na dihaporsayahon tu hita ganup. Amin.

Pematangsiantar, 2 Maret 2010

Pdt. Adolv Bastian Marpaung, M.Min, MTh

Pdt.GKPA Resort P.Siantar