KATA-KATA BIJAK

KASIH ADALAH SESUATU YANG TIDAK HANYA DIDIFINISIKAN.NAMUN KASIH HARUS DIWUJUDNYATAKAN. ORANG YANG HANYA BERTEORI TENTANG KASIH ADALAH PEMBUAL BESAR. TETAPI ORANG YANG MEREALISASIKAN KASIH ADALAH ORANG YANG BERPENGARUH BESAR DALAM KEHIDUPANNYA

SELAMAT DATANG

HORAS MA DI AMA/INANAMI

SELAMAT DATANG DI BLOG “MARSIRUPAN ANGKOLA-MANDAILING”

“MARSIURUPAN” ARTINYA SALING TOLONG MENOLONG

“ANGKOLA-MANDAILING” ADALAH KAMPUNG HALAMAN

BLOG INI DIUPAYAKAN UNTUK MAMPU MENOLONG SESAMA PELAYAN, WARGA JEMAAT DAN SAHABAT LAINNYA DALAM TUGAS PELAYANAN DI KELUARGA, GEREJA DAN MASYARAKAT


ASI NI ROHA DOHOT HASONANGAN NA SIAN DEBATA AMANTA DOHOT NA SIAN TUHAN JESUS KRISTUS MA MANDONGANI HAMU! AMEN (1KOR.1:3)



KASIH KARUNIA DAN DAMAI SEJAHTERA DARI ALLAH, BAPA KITA, DAN DARI TUHAN YESUS KRISTUS MENYERTAI KAMU! AMIN (1KOR.1:3)


Kamis, 02 September 2010

JAMITA MINGGU, 5 SEPTEMBER 2010

INDA MARDIA IMBAR DI DEBATA

HATORANGAN NI JAMITA

MINGGU XIV DUNG TRINITATIS 
MINGGU, 05 SEPTEMBER 2010






Jamita : BA RASUL 10 : 28 – 34
Sibasaon : PAMUNGKAAN 21 : 22 – 34


Baenon ni Angka Rasul on bolas do dohonon tarsongon buku lanjutan ni Injil Lukas. Harana na manulis sejarah barita nauli on pe si Lukas do. Na mamaritahon taringot tu parkarejoan ni Tondi Porbadia di bagasan diri ni Jesus dohot di bagasan diri ni angka Rasul (Kis.16:7). Jadi satutuna tulisan Lukas dohot buku Baenon ni Angka Rasul inda patorangkon carito pambaenean ni jolma (rasul), tapi parkarejoan  Tuhan  Jesus do na markarejo di bagasan Tondi Parbadia.

Di buku on pasal 1-12 taringot  tu parkarejoan ni si Petrus, dung i pasal 13-28 taringot tu parkarejoan ni si Paulus dina laho mamaritahon hata ni Debata. Si Petrus dicaritahon rasul na markarejo di kalangan halak Jahudi tapi anggo Paulus dicaritahon rasul na markarejoi tu luar ni halak Jahudi. Tapi haru pe songon in khusus pasal 10 on dipataridahon parkarejoan ni Rasul Petrus tu halak luar Jahudi i ma tu si Kornelius dohot keluargana (perwira Roma).

Ay. 28-29. Si  Petrus ro tu bagas ni si Kornelius, harana opat ari na salpu disuru Tondi Parbadia do si Kornelius anso mangundang si Petrus tu bagasna. Dung lalu si Petrus di bagas i didok ma : “Diboto hamu do, na so tola do halak Jahudi hara ni ugamo ni halahi mardongan dohot angka bangso na asing sanga masuk tu bagas ni halahi. Tapi madung dipatidahon Debata tu au, na so tola dokkononku hodar sanga haram sanga na ise pe”. Dungi di uduti ia “Memang tutu do inda tola masuk halak Jahudi tu bagas ni halak kafir, tapi inda berlaku be i di angka na porsaya tu Jesus”. Pandohan ni si Petrus on tontu gabe sada si jop ni roha do di halahi, angke nada adong parbedaan ni jolma di jolo ni Debata. Nada be alangan halahi tu si Petrus halak Jahudi i madung tola rap mangan, sude marnida angka dongan jolma sebagai haha-anggi (saudara). “Harani i do inda kaboratan au di pio hamu tu son”. Tradisi ni halak Jahudi na mambedahon angka jolma madung diterobos Injil Kristus.

Harani i taboto do, kesulitan utama laho mamaritahon hata ni Debata i ma hara ni parbolat-bolatan na adong ditonga-tonga ni jolma i sandiri. Parbolat-bolatan ido na diterobos ni Jesus. Diterobos Ia do parbolatan ni jolma dohot Debata, songon i muse parbolatan ni jolma dohot donganna sandiri anso gabe sada halahi laho mamuji Debata di bagasan keragaman ni latar belakang dohot ngolu na be.

Ay. 30 – 32. Dungi dipatangkas si Petrus, aha do maksud ni si Kornelius mangundang ibana tu bagasna. Jawaban ni si Kornelius tarida hita dison jelas madung gabe halak na porsaya do ibana tu Jesus, tapi segan dope ibana laho pajonokkon dirina dohot halak Jahudi nadung porsaya tu Jesus, hara ni latar belakangnia dohot keluargana inda halak Jahudi. Dungi dipatorang ia songon dia Tondi Parbadia marsuru anso mangontang si Petrus tu bagasna di hatiha martangiang di ari nasalpu. Jana alus ni tangiang i didok suruan i, sombana tu Debata madung di jagit, jala disuru anso di alap si Petrus tu huta Yope anson dipatorang ia hata ni Debata tu halahi.
Ay. 3 “Sannari madung di son hami sude diadopan ni Debata, jara rade mambege aha do na di parentahon ni Debata tu hami”. Jeges sajo pandohan i : “ma dison hami di adopan ni Debata” pandohan on pataridahon hadirionna dohot sude na adong di bagas i, sian awal madung mempersiapkan diri manjagit dohot mangoloi sanga aha pe na dipasahat ni Debata marhite si Petrus. Dihaporsayai ia do bahaso aha sajo na dipalalu ni si Petrus tu halahi na sian Debata do i. Dungi didok muse “aha do na ditonahon Debata tu hami”. Dianggap ia do si Petrus utusan ni Debata na pasahatkon tonaNa tu halahi. Harani i sebelum ro si Petrus madung bahat dipapungu ia jolma di bagasan bagasna na berlainan bangso dohot latar belakang anso dohot halahi mambege tona na giot palaluon ni si Petrus i.

Ay. 34. Dung i mandok hata ma si Petrus, “Saonnari tangkas ma huastui, na sarupa do hape sude jolma di ida Debata”. Parlagutan ni angka jolma na marlatarbelakang berbeda rap mampangkilalahon parkarejoan ni Tondi na mamunculkon pangakuon bahaso Jesus do Tuhan. Jala mur tangkas tarida kebebasan ni Debata laho mangalehen pasupasuna tu sude angka bangso. Perbedaan Jahudi dohot na so Jahudi inda porlu diadopan ni Debata, harana tu sude bangso madung ditawarkon haluaan na di bagasan goar ni Tuhan Jesus. Jesus gabe Tuhan ni sude bangso.

Parbatu ni Tondi i, madung mulai dirasahon di hatiha ra jolma i manjagit Jesus gabe sipalua di ibana. Jana i muse do na markarejo di bagasan parpunguan ni halahi. Sada parmulaan na di bagasan tondi nuaeng mulai marsaksi di bagasan roha ni halahi be, gabe tarbuka roha ni halahi tu hasintongan hara ni barita na di palalu ni si Petrus i. Dungi marparbatu ma tondi i di bagasan ngolu ni halahi be (bnd 1 Kor. 12, 1 Kor. 14, Gal. 5 : 22 – 23)

Harani i marhite turpuk on tarida hita bahaso Tondi Parbadia i “memimpin” jolma sian sude latar belakang gabe angka dakdanak ni Debata. Harani i ma pararat hata ni Debata sebagai sarana kesaksian ni halak Kristen inda bisa didok sebagai hasil karya ni jolma, tapi hasil karya ni Tondi di bagasan hadirion ni jolma i sandiri. Kesimpulan on mangandalhon bahaso kesaksian inda produk akal budi, materi, strategi organisasi dohot kreatifitas ni jolma tapi karejo ni Debata di bagasan diri ni halak na porsaya. Ido muse do na markarejo di hadirion ni si Petrus, Kornelius dohot angka dongan ni halahi di bagas ni si Kornelius i.

Sarupa do hita dohot si Kornelius na manjagit haluaan sian Jesus marhite barita na di palalu ni angka naposo ni Debata. Sekalius muse do hita gabe Petrus masa kini na martugas mamaritahon haluaan di bagasan Jesus Kristus marhite pikiran, hata dohot pambaenanta be, na gabe sorminan karejo ni Tondi Parbadia di bagasan dirinta marsada-sada. Harani i jagit ma tondi i markarejo di bagasan pikiran, parhataan dohot pambaenanta anso monang hita  mandalani ngolunta  jala marsangap Debata marhite – hite hita.

Sorminan :
Disada hatiha adong ma sada ina na mansai tobang jana pogos situtu, madung rambon parnidaanna, tapi haru pe songon i naringgasan do inanta i laho mamaritahon hata ni Debata. Asal mangkatai dohot halak inda lupa ia laho manggomoskon pinomatna sada ayat hata ni Debata. Topet di samping bagas nia i maringanan do muse sada ina na mabalu na bahat dapotan tean-teanan sian sinondukna. Jotjot do nian inanta naburju on pasaharkon hata ni Debata dohot paingotkon anso unang lupa mar Tuhan Jesus dohot tu gareja, jana didok do “sumurung do pasu-pasu tu namabalu”. Asing do alus ni namabalu i, anggo so hugos-goskon tangankon aha do panganon ni anakki, harana sigop do dialap Tuhan i amangna. Jana gabe didok do inantai na pabadia-badiahon.

Di ari poken kehe ma inanta i tu poken, jongjong ma ia di jolo ni toko pakean, di ida ia ma sada dadaboru disi torus matua jongjong, inda mangkuling. Didok rohana ma, “kesempatan ma di au on laho pasahatkon pinomatna saotik hata ni Debata tu inanta na sai jonjong on, harana muda huida cara parkebaya na i Karisten do inanta on”. Dungi dipangkulingkon ia ma inanta i jana dipasahat ma piga - piga ayat hata ni Debata. Inda diboto ia na patung do hape na jongjong di jolona harana tung mansai rambon parnidaanna harani tobangna.

Kabotulan lewat ma ina namabalu tetanggana i, mangincahi ninna ma “oppung, ma piga noli hudok muda mar Tuhan Jesus ulang pabadia-badiahon gabe songon halak na rittik, indi ma bo patung pe ma dohot di jamitai ho”. Sobar do inanta na matobang i mangalusi haru pe songon na dangol pangkilalaanna, ninna ma “gumonan dope au mamaritahon hata ni Debata tu patung bisu, daripada au sandiri bisu inda ra pasahatkon dohot mangkarejohon hata ni Debata”. Inda sadia honok nari, bangkrut ma sude usaho ni inanta na mabalu i, inda adong haporusanna anggo so holan Tuhan Jesus, ujung na gabe rap ma halahi sapartinaonan.
Harani i adong dope dilehen Debata sinaloan, hatiha dohot gogo di hita sonogon si Petrus, ta baritahon ma hata ni Debata marhite sasude panggulmiton ni ngolunta.

Pdt. GP. Simbolon, S.Th
Resort Labuhan Batu

Tidak ada komentar:

Poskan Komentar