JAMITA MINGGU, 19 SEPTEMBER 2010

Bisuk na marharoroan sian Debata

HATORANGAN NI JAMITA

Minggu 16 Dung Trinitatis

Tanggal 19 September 2010

Jamita  : Poda 23 : 22 - 26

Sibasaon: l Johanes 2 : 11 - 17

I. Patujolona.

Umpasa ni hita hatak batak mandok : Nitampul bulung sihupi niparsaong bulung siala, ulang hamu sumolsol dipudi, nada sipaingot nasoada. Pandohanon manggambarkon, songon dia porlu ni sipaingot namarharoroan sian halak nabisuk, laho manogu-nogu angka jolma anso mampu mambedahon na dia ma hagiot ni Debata dohot naso hombar tu lomo ni rohaNia. Bahat do huhul pade sajo mangihutkon pandangan haportibion, tapi muda ni paadop dohot hata ni Debata justru sangat berlawanan. Anso marhataridaan hasintonganna, porluma pakeonta bisuk na sian banua ginjang anso ulang sala mangalangka hita di napatut sidalananta dohot sipasidingonta. Jotjot do dipahombar hata Poda dohot peribahasa, i ma napataridahon persamaan dohot perbedaan, harana hampir sude do isi ni buku poda on merupakan ilustrasi, napataridahon kenyataan dasar ni parngoluon gabe sada sipaingot dohot parsiajaran.

II. Hatoranganna.

1.Bisuk pada dasarna, dibagi menjadi dua bagian. Naparjolo i ma bisuk ni Debata namarastuan: sifat mutu sanga keunggulan ni Debata dalam menciptakan langit, bumi dan segala isinya. Napaduahon i ma bisuk ni hajolmaon sanga keunggulan ni jolma laho mangastui jana menikmati silehen-lehen ni Debata marhite-hite sude natinompaNa. Lobi sian nadua on berarti haotoon namarharoroan sian si bolis. Jadi bisuk ni hajolmaon nada berdiri sendiri, tapi laing marpardomuan dohot Debata na sun markuaso sitompa sandok nasa na adong. Bisuk ni Debata parjolo sanoli tersalurmai marhite halak nadung dipulditNia, nadipioNia jana dimiahiNia laho pararathon dohot mambaritahon hagogoon ni Debata.

Kelompok nasongononma napantas jana layak mandok: Oloi ma amangmu. Nada namaol nian muda humin na mandok sanga marsuru sajo. Tapi angkon laing parrohahononkon do ise ma napatut marsuru jana ise masisuruon. Pardalanan ni kekeluargaan/rumahtangga merupakan parsikolaan naparjolo do on di angka daganak. Sanga aha na diligi ni halahi nabinaen ni kedua orangtuana, angka i ma naparjolo karejohonon ni daganakna. Muda sipartangiang do amangna dohot inangna, besar kemungkinan laing partangiang do angka daganakna. Muda parbada-bada do kedua orangtuana, daganak ni halahi pe kemungkinan besar laing parbada. Pandohan ni angka natobang-tobang taringot tu angka sifat turun temurun didok : "Nada dao tubu tubis sian bonana". Jadi inda mungkin sada ama mangalehen parenta tu daganakna muda ia sandiri nada pataridahon sifat sebagai penurut. Inda mungkin sada ama mandok tu daganakna ulang ho manangko, pada hal ia sandiri panangko, sanga mandok ulang margabus, tapi ia sandiri pargabus, kehe hamu marsikola minggu ninna hape ia sandiri pe nada margareja. Secara umum ganop halak Kristen didokma i Reproduksi Kristus, sanga sitiru Kristus. Laing songon i muse ma angka daganak, merupakan reproduksi ni amangna dohot inangna. Mangihutkon teori Tabularasa naniajarkon ni si John Luch, didokkon ia songonon: Seorang anak dilahirkan ke dunia sama seperti kertas yang putih, bersih. Jadi warna apa yang ingin ditorehkan oleh yang punya, itu akan nampak di atas permukaan kertas. Songon i ma ning ia keberadaan ni sada daganak, sanga aha nanituturkon ni ama, ina ditonga-tonga ni keluargana laing songon i juo ma pataridahonon ni daganakna maradopkon jolma nahumaliangna. Terkadang memang adong do sifat/karakter ni sada halak lebih banyak dipengaruhi oleh keadaan luar, mungkin dipaenjeng ompungna, nada tola muruhan daganak i haru pe madung sala d.n.a. laing umbahatan do parrohaon ni amana/inana diwarisi sada daganak. Jadi anso arga hita di angka daganakta, tapataridahonma parjolo roha pangoloion di Tuhanta.

2.Ganop orangtua do mararop roha anso nian gabe sipangoloi angka daganakna, anak siparbagaon, sioban goar songon hata ni ende namasa hatiha on. Tapi kenyataanna bahat do angka daganak ni halak Kristen dung gabe hasaya lupa di hormat nia mamatobang. Mangihutkon etika Kristen, orangtua adalah wakil Allah, silehen-lehen ni Debata napagodangkon daganakna. Jadi napatut dihormati lobi sian angka halak na asing na adong di sandok tano on do orangtua. Malah muda mangihutkon tona napalimahon, diparbaga Tuhan do tu ganop halak lehenonNa umur na ginjang muda pantun daganakna maradopkon amangna. Tapi sabalikna sanga ise halak namangincahi amangna sanga inangna, angkon turbingon ni pidong sigawak matana, jana panganon ni pidong rajawali muse bangkenia (basa Amsal 30 : 17) Arga do tona dohot pangajaran ni Tuhan, malah muda di Psl 8 : 11 didok : Ummarga do "habisuhon" ulang pado sere dohot perak, jana muda di angka namabiar mida Debata, i ma natumimbo sian napinarhagiot ni jolma (basa 1 Raja-raja 4 : 29 - 30). Muda pe didok napatut tabusan. nada namarastuan i adong tempat khusus di halak manjual habisuhon (isara ni konter) sanga na mungkin gadisonta muda dung dapotan hita, tapi na di maksud disi, jalahi ma, pangidoma, padonok ma tu Debata, taoloi ma hatana, anso dilehen Ia di hita halobian laho manimbangi nadenggan dohot najat. (basa Matius 7 : 7 - 11).

3.Muda taingot do ende-ende ni parsinetron keluarga Cemara na dibintangi ni Adi Kurdi didokhon ia di si: Harta yang paling berharga adalah keluarga, Istana yang paling indah adalah keluarga, Puisi yang paling bermakna adalah keluarga, Mutiara tiada tara adalah keluarga. Sada si Job ni roha situtu do di angka orangtua muda sude nian angka daganakna si oloi ajar, sopan, jana mabiar mida Debata. Tutu ringkot do nian dirohanta sude daganakta i berhasil di bidang pendidikan, parkarejoan, bermasyarakat. Tapi biasona bahatan do napahancit roha muda humin dibidang haportibi on berhasil daganak. Jadi anso bisa tercapai na dua hal on, jana gabe dapotan job ni roha angka simatobang, angkon pungkaon ma sian hatiha namenek dope daganak i mamemehon hata ni Debata. Angkon rap ingotonta ma bahaso bagasta i ma inganan parsamean/latihan laho menciptakan hubungan na denggan, antara lain situasi na bersifat naturalis, memiliki rasa ketulusan/kejujuran.

4.Sai pajop roha ni amangmu/inangmu ma ho nian. Relatip do memang namargoar pajop roha, adong do na berpikir si pajop roha i muda dapotan wessel ganop bulan sian daganakna, muda martelpon ganop manyogot daganakna, manyapai hobar ni orangtuana. Tapi na dimaksud di hata ni Tuhanta taringot na pajop roha, angkon sipangoloima di Tuhan dohot orangtua, parhata na sintong jana mangihutkon aturan naberlaku. Bertindaklah adil, ulang adong borat sabola, tapi marsitiopan di habonaran na marojahan di hata ni Debata.

III. Aplikasina.

- Di ari parpudi on madung mursumurut do biar ni jolma maradopkon Debata. Di bahat inganan madung tarbege barita pembunuhan, perampokan, pemerkosaan. Sudena i pataridahon nadung murjahat hajolma on, agoan di bisuk na sian Debata.

- Nada tarbaen anak mambalos holong ni orangtuana. Ende ni parsikola mandok: Kasih ibu kepada beta, tak terhingga sepanjang masa, hanya memberi tak harap kembali, bagai sang surya menyinari dunia. Jadi songon dia ma napatut baenonta maradopkon orangtuanta? Tontu humin pangoloion di hata dohot pambaenan.

- Orangtua (amang-inang) do napagodangkon hita di pardagingon dohot partondion. Secara biologis, inda mungkin adong hita muda nada adong halahi. Tapi angkon laing ingotonta ma kedua orangtua i pe, (karunia) silehen-lehen ni Debata do di hita laho manogu-nogu hita tu dalan hasintongan. Jadi pangoloion maradopkon orangtua angkon laing tapahombar juo ma dohot pangoloion tu Debata (Basa 1 Johanes 4 : 20 – 21 : 1 Korintus 1 : 24)

GKPA Resort Batam

Pdt.H.Nainggolan,STh