Jamita Minggu 04 Maret 2012: Markus 8:31-38

“Porsan ma parsilangmu, ihutkon ma Jesus” Jamita Minggu 04 Maret 2012 Markus 8:31-38 I.Patujolona Turpuk on ma na patorangkon taringot tu sitaonon ni Jesus sa tangkas-tangkas na. Jotjot do dipatorang Jesus taringot tu sitaonon na giot boluson Na, tapi inda songon na adong di turpuk on hatorangan na. Muda ta basa di Yohannes 2:19; Johannes 3:14; Matius 12:40; Markus 2:20 dohot di Johannes 1:29 ; 6:51, dipatorang do disi taringot tu parhancitan, hamamate dohot hangongot ni Jesus, tapi sude na i di patorang marhite umpama, kiasan dohot syarat. Nada tangkas di astui halak na bahat bope angka anak sisean ni Jesus taringot tu sitaonon na giot boluson na i. Tapi dung adong pangokuon ni si Petrus taringot tu hadirion ni Jesus (Markus 8:27-30) dipaboa Jesus ma dohot torang taringot tu sitaonon dohot hamatean Na na marhaujungan di hamonangan (HangongotNa). Biasi luai songon i lolot na anso dipatorang Jesus dohot na sa tangkas na tu sisean i? Alasan na, haru pe ma lolot anak sisean i rap dohot Jesus, nada tangkas dope panandaion ni halahi tu Jesus. Dung pe di ujung ni pelayanan ni Jesus tangkas ma di patorang, paboa Jesus angkon manaon parhancitan, ingkon mate humongkop jolma pardosa jana agot sian na mate,manghamonangkon hajolmaon dohot na gabe hamuliaon Na. II.Hatorangan Dung tangkas dipaboa Jesus taringot tu sitaononNa i, didok Ibana ma tu anak sisean na i : “sanga ise na giot mangihutkon Au: 1.Soadahon ma dirimu. Biasi luai di situasi dung tangkas di paboa taringot tu parhancitanNa, baru didok ihutkon hamu ma Au? Dison ma di uji Jesus anak sisean i dohot halak na bahat sanga na tutu do halahi setia mangihutkon Jesus. Na sa honok na on, laing adong do harapan ni angka anak sisesan i, bahaso Jesus giot pajongjongkon Harajaon, jana arop do roha ni sisean i gabe dapotan kedudukan/jabatan ma halahi di Harajaan i. Jadi gabe di pangido Jesus ma, anso sude halahi nagiot mangihutkon Jesus, nada na gabe dapotan kedudukan/jabatan, tapi gabe parjambar di sitaonon ni Jesus, i ma mamorsan silang jana huhut mansoadahon diri (penyangkalan diri). Nasa na giot mangihutkon Jesus angkon pamatehon sikap na mementingkan diri (bnd Galatia 5:17 ; Roma 8:6 ; kolose 3:8 ; I Petrus 2:11. Mansoadahon diri (penyangkalan diri nada na marsuru anso manyiksa diri, tapi laho mangalo hagiot ni pamatang/portibi do, anso dapotan ngolu ni tondi marhite na mangihutkon Jesus. 2.Porsan ma parsilangmu    Mamorsan silang i ma kebenaran na ni ligi sian sudut pandang positif. Nangkin didok mansoadahon diri, on ma na nigoari kebenaran na ni ligi sian sudut pandang negatif. Sudut pandang positif dohot negatif na ni patorang dison martujuan, anso sude na giot mangihutkon Jesus, botul-botul rade dohot rela laho manguhutkon Jesus, tung pe i angkon mamolus sitaonon. Angkon adong do prinsip na togu haru pe angkon masuk tu pandugaan. Dipatorang Jesus do tangkas, bahaso portibi on inda manjagit Ibana, jana laing songon i muse ma dohot angka na mangihutkon Jesus nada dijagit portibi on. (basa Yohannes 17:14;I Johannes 2:15). Jadi persyaratan na mutlak do muda giot mangihutkon Jesus, angkon mamorsan parsilang jana di hagigihon portibion. 3.Lehen ngolumu tu Jesus Bahat do halak na mangihutkon Jesus hum mengharapkan parlaboan tu diri na sandiri (bnd. Yohannes 6:26). Di paingot Jesus do pangalaho na songon on, angkon ra do berkorban muda mangihutkon Jesus. Hara ni i do didok Jesus, sanga ise na giot mampartahankon ngoluna  gabe agoan ngolu do. Porlu do tiruonta hadirion ni si Paulus na mangalehen  motto kehidupan na mandok songon on: “Aku suka mengorbankan milikku, bahkan mengorbankan diriku untuk kamu” (bnd. 2 Kor 12:15 na mangikut didok Jesus do di turpuk on. 4.Apa gunanya seseorang memperoleh seluruh dunia tetapi ia kehilangan nyawanya? Halak na sial do hita muda hum na di tanoon pangunsandean ta. Parsatongkinan do anggo portibi do hamoraon na. Tapi anggo na hot ima ngolu di bagasan Jesus do. Antong pasahat ma ngolumu tu Jesus, anso ibana paturehon dohot pataruhon ho tu na dumenggan. III.Pangujungi ni Jamita. 1.Ta ingot ma denggan basa ni Debata na di pasahat tu hita marhite haroro ni Jesus tu portibion na gabe sipatorkiskonta. 2.Mangihutkon Jesus berarti rade mangharkari ihot-ihut dohot hagiot ni portibi sian ngoluna, jana manyolukkon ngolu na rade  berkorban demi kebenaran dan kehendak Tuhan. 3.Ulang lalap hita hara ni arta portibi, porsan parsilangmu, ihutkon ma Jesus, angke Ibana do mual ni arop ni rohanta. Kantor Pusat