Jamita MINGGU, 25 Maret 2012: Johannes 12 : 20 -33

JUDIKA Odingi au ale Jahowa MINGGU, 25 Maret 2012. Evangelium: Johannes 12 : 20 -33 Epistel: Masmur 51:1-12. Patujolo Dohot Hatorangan: Damang-dainang na nihaholongan dibagasan holong ni Tuhan Jesus Kristus ! Laho mampamanat turpuk jamitanta sadarion dumenggan do basaonta sian ayat 20 lopus tu ayat 36a. Marhite perikope on bolas ma idaonta boa-boa ni Jesus sandiri salaho tu partinaonan na giot bolusonNa lopus tu hamatean jana ujungna dipatuginjang jana dipasangap Debata. Muda tapamanat mamungka sian ayat 20 lopus tu ayat 22 bo halak Jahudi songon i dohot halak Yunani sedang mempersiapkan diri salaho tu ari Pesta Paskah na bolas dohonon menjelang Pesta Paskah sanga Pra-Paskah. Khususna diturpukta on taida sian horong ni halak Yunani marpor ni roha giot marsuo dohot Mesias i ima Jesus Kristus Tuhan i. Arop ni roha ni halak Yunani i dipabolkan si Pilipus dohot si Andreas do i tu Jesus. Hara ni i ma umbahen na ni dok ni Jesus: "Madung dapot hatihana pasangapon Anak ni Jolma i." Pandohan ni Jesus on sada tudu-tudu ma i tu na giot masa salaho tu diri ni Jesus sandiri na ingkon bolusonNia pardangolan, partinaonan, lopus tu hamatean jana ujungna tu hasangapan ni Debata. Adong piga-piga hal na porlu sipamanatonta sian pandohan ni Jesus salaho tu turpuk jamitanta sadari on, isarana: 1. Muda so nisuan tu tano jana mate same i, laing tinggal sangkibung i sajo do i. Tapi muda mate same i, baru pe anso bahat erne diparbatuhon (Ayat 24). Pandohan ni Jesus on tudu-tudu do i salaho tu hamateanNa dohot hangongotNa muse sian hamatean. Sekaligus do on na gabe tiruan tu angka Anak SiseanNa, na ingkon toktong setia lopus tu ujungna natape ingkon bahat mamoius pandugaan, parhancitan, bahkan lopus tu hamatean. Astuannaingkon boluson ni Tuhan Jesuss do pardangolan, parhancitan lopus tu hamatean di hayu parsilang. Songon sada erne na ni suan tu tano jana ingkon jolo mate baru pe anso bahat erne martubuan sian i; tapi muda nada jolo mate jana nada di suan tontu nada adongnmarparbatuhon angka erne na asing sian i, laing sangkibung erne i sajo do i. Suang songon i ma angka halak kristen si ihutkon Kristus bo para missionaris dohot para martir na ingkon do bolusonna angka pandugaan parhancitan lopus tu hamatean, bolas do i idaonta pengorbanan si songon on na gabe marparbatuhon isara di luatta i ma marhite pengorbanan ni si Munson dohot si Lyman,Nommensen, Heine, Klammer, Betz, Van Assel dohot angka na asing i. Bahat do tantangan dohot rintangan na nibolus ni halahi bahkan ingkon mamoius hamatean, tapi tongtong do halahi hot marhaporusan tu Jahowa jala diondihon dohot diondingi Jahowa do halahi, songon goar ni Minggunta sadarion Judika astuanna " Ondingi au ale Jahowa". 2. Sanga ise namanghaholongi ngoluna na di tano on, agoan ngolu na so mantak ma halahi. Tapi sanga ise na so mampardulihon ngoluna na di tano on, na mangarade tu hangoluan na so mantak ma halahi. Pandohan na koras do pandohan ni Jesus on nalaho paingotkon saluhutna jolma na sai mabiar di ngoluna hara ni pangayahayahon, parhancitan, magoan jabatan bahkan agoan ngolu harani na sai tongtong setia tu Tuhanna. Sabalikna di janjihon Tuhan Jesus do barang ise namagoan ngoluna harani namangkarejohon hasintongan dohot namangoku Jesus gabe Tuhanna, tu halak si songoni lehenonNiama ngolu na manongtong. Di ayat 24 nangkin madung dipabotohon songon sabiji same/eme na ni tanom tu tano ingkon do jolo mate sian i muse gabe tubu jana mangolu huhut mamparbatuhon bahat erne. Laing songon i ma gambaran ni halak na mate martir jana na tongtong setia tu Kristus di bagasan panghobasion / peleyanan laho mamaritahon barita na uli i, lopus mamoius hamatean jagitonniama tuku hangoluan na salolot ni lolotna. Tapi dipudian ni arion muda tapamanat sai adong do halak napaula-ula setia tu Kristus, tapi pelaksanaanna asing. Sai toktong do ia lebih mementingkan diri sendiri, gariada mengorbankan sesamana demi kepentingan diri sendiri. Tu halak sisongon on didok Jesus gabe agoan ngolu. Bolas do idaonta pengalaman sisongon on songon na nipatupa si Judas Iskariot tu Tuhan Jesus; hara ni hagiot ni dirina sandiri, dijehehon ia do Tuhan i, gabe agoan ngolu ma ibana, jana parmatenape sungguh sangat tragis. Dipudian ni arion ma mur tangkas tarida hidup keegoisan ni jolma i na holan mementingkan diri sendiri jana nada be parduli tu halak na asing, bila perlu menghianati dongan pe bahenon ma asalma denggan tu dirina sandiri. Pandohan ni Tuhan Jesus di ayat 25 on porlu sajo do on ondolkononkon demi harararat ni Barita na Denggan i. Markarejo jana melayani pe hita bahen harararat ni Barita na Denggan i ma jana tau hasangapan ni Debata, nada gabe hasangapon ni jolma. Angke taingotma, jagitonta be do upanta songon parbatu ni angka karejonta i. 3. Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangolio Au sanga didia pe Au. Jana pasangapon ni Damang muse ma sanga ise na mangoloi Au (ayat 26). Muda tapamanat pandohan ni Jesus on jana tapahombar muse tu Johannes 13 salaho tu na saling melayani jana patutoru diri, tangkas ma taida diujungna gabe hasangapon ma jagitonna sian Damang Debata na di Banua Ginjang. Jungada do binege pandohan ni halak Batak na mandok "Tampal marsipagodangan." Molo dirajumi astuan ni pandohan on, ra muda so sala iba mangastuisa bolas do dohonon saling menghargai, menghormati dan saling melayani di dalam kasih. Nada na laho pagodang diri sanga menyombongkan diri, tapi saling patutoru diri dan saling menghargai menghormati dan saling melayani. Muda tapasangap donganta, taoloi/talayani harani Kristus, dipasahat Jesus do sada jaminan di hita namangkarejohon i gabe jagitonta ma hasangapan na sian Debata, nada hum na sian jolma na di tano on. 4. Muda tapamanat mamungka sian ayat 27 lopus tu ayat 33 tarida hita disi partinaonan na giot boluson ni Jesus lopus tu ujung ni ngoluNa hanya demi menjalankan apa yang diperintahkan BapaNya kepadaNya (Bnd. Joh 3:16). Dilehen la hosaNa/ hamateanNa gabe taruli ma jolma i ngolu na manongtong. Hara ni i do laing dipabotohon Jesus nada sadia honok nari be ingkon tarjadi ma sasudena i. Angke satongkin nari sajo noma hatiuron i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagplapan i hamu. Angke tangkas ma boto hamu sanga ise na mardalan di na golap, nada diboto ia sanga na giot tu dia ia kehe. Astuanna dibaritahon, ditonahon jana ditugaskon Jesus do tu sude si ihutkon la, tarlobi angka partohonan di ParlagutanNa i anso tongtong mambaritahon Barita Haluaon, Barita Na Uli i. Bolas dohonon mumpung masih ada kesempatan, beritakanlah Kabar Suka Cita, Kabar Keselamatan itu bagi dirimu sendiri, bagi keluarga bahkan bagi seluruh makhluk milik dan ciptaan Tuhan (Bnd. Markus 16 dan Mat 28 :19 - 20). Pangarimpunan Jana Sipahusor-husoron: Damang nang nainang na nihaholongan ni Tuhan Jesus Kristus I Dibulan Juli taon na salpu tangkas dope diparningotanta na marhorja godang hita di Tano Barmen na di Parau Soratna diluat Sipirok, ima na tarayahon Syukuran marningot na dung 150 taon dung dipandidihon angka para Missinaris halak Batak na gabe siihutkon Kristus. Dibagasan perayaan i diturihon do tu hita saluhutna angka pardalanan ni para missionaris na parjolo, bope bahat tantangan dohot rintangan gariada na ingkon bolusonna hamatean tapi Injil Kristus dengan semangat dan kesetiaan harus diberitakan. Songon same/eme i ingkon do jolo mate, ditanom jana sian i muse gabe tubu ma angka erne na imbaru jana mur unbahat muse parbatuna. Kesetiaan ni para missionaris suang songon i nang hita na porsaya jana na tongtong setia tu Tuhan Jesus, iatung pe bahat tantangan dohot rintangan", pandugaan, parhatcitan bahkan lopus tu na mate hita hara ni Kristus. Ingot ma jagitonmu ma lobi sian i sian Debata, hasonangan dohot hangoluan na manongtong. Unang mandele, jana ulang lari sian adopan ni Debata tapi gorahon ma JUDIKA = Sai ondingi au ale Jahowa laho mamoius saluhutna na masa on; ondingan jana ondihonon ni Jahowa do hita gariada jagitonta ma upa na dumenggan sian Debata ima hasonangan dohot hangoluan na manongtong. Unang ma nian hita mula-ulaon di tonga ni parlagutan i hum hara ni upa di portibion (unang hara ni gaji) tapi hara ni hasangapan ni Debata ma saluhutna taulahon ulaonta i. Angke di dok do di buku 1 Korintus 15:58: "Harani i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan i, angke diboto hamu do, sude na nikarejohonmunu di Tuhan, nada sayang boti sudena i." Antong Tuhanta ma na mamasu-masu hataNa di hita saluhutna,,, Amen...!!! Pdt. Laorensus Pasaribu, S.Th