Jamita Minggu, 21 Juni 2015: 2 Korintus 6 : 1-13

ULANG PARSAYANG HADENGGANAN NI DEBATA Jamita : II Korintus 6 : 1-13     Sibasaon : Job 38 : 1-11 Minggu 21 Juni 2015  (Minggu III Trinitatis) A. PATUJULO S ada penelitian jungada dibaen laho menganalisa aha do umbahen nada dumpang hasonangan/keberhasilan  jolma i  dibagasan ngoluna ? Sada faktor penyebab situasi i  ima harani nada malo jolma i laho mampargunahon  angka kesempatan/hatiha na adong di ngoluna. Muda so diargahon do angka hatiha na  adong laho paradehon bope pasingkopkon na porlu tu ari accogot  tontu taboto do aha na masa haduan. Misalna muda so dipersiapkon do pengajaran dohot pendidikan tu angka daganakta sannari tar bia ma masa depan ni halahi cogot ? Muda so marusaho/ karejo hita mengula nasa ulaon sian nasa gogonta dohot ringgas mangido tu Debata tar bia ma   keadaan/kemajuan ni ngolunta ? Artina dibagasan ngolunta bahat do hatiha na sayang boti na so tapargunahon dohot denggan. Hapengani tung mansai arga situtu do hatiha (waktu)  angke asi ni roha ni Debata doi.  Laing songoni do marhite turpuk on diajari do hita anso mangargahon angka hadengganan ni Debata (Tidak menyia-nyiakan kasih karunia Allah). Ngolunta on ima hatiha/kesempatan laho mamaritahon haluaon/Keselamatan nadung singkop di bagasaan Kristus. Tapi bahat angka jolma i na so mangargahon haluan i angke mangolu mangihutkon hagiot ni daging, jana dirajai angka parbinotoanna be. Hum  na mangkaringkotkon arta/mamon, parbinotoan-pengetahuan/Gnosis, dohot kesenangan hidup/Hedonis.  Marhite turpuk disosoi angka na porsaya anso mampargunahon ngolu i dohot denggan i ma mangolu  mangihutkan hagiot ni Kristus. I ma na gabe jamita dohot hasaksian na be. Bope  bahat hamaolon jana parhancitan na borat situtu tapi dibagasan Kristus i do  jop ni roha  dohot hasangapan. B. Hatorangan ni Turpuk 1.Ayat 1-3 : Marsitutu mangihutkon Kristus ima nadung manjagit hadengganan ni Debata Dipaingot Paulus anso marsitutu ganop angka halak na parhobas/pelayan mengulahon ulaonna ditonga tonga ni parlagutan i ( agar teman-teman sekerja melayani dengan sungguh-sungguh) Angke sada hadengganan ni Debata do i muda dipake angka na porsaya i gabe parhobas di tonga tonga ni parlagutan (Merupakan karunia yang besar  jika diberi kesempatan menjadi seorang pelayan). Dibagasan tradisi Jahudi angka parkarejo/parhobas/imam mempunyai kedudukan na istimewa do on, kelas tersendiri (eksekutif), cara dan pola hidup selalu jadi perhatian ni masyarakat.    Apalagi kekristenan merupakan sada ajaran/ugamo na baru do on angkon berbeda dohot ugomo na dung parjolo adong. Perbedaan i dipatuduhon marhite angka hadengganan / keteladanan na dipataridahon angka halak na porsaya na dung dipilih gabe parhobas. Harani i do dipaingot si Paulus anso sangap jana manat angka parhobas i manghobasi anso ulang targora tohonan i jana baen batu partuktuhan (batu sandungan) 2. Ayat 4-7 : Marjop ni roha di angka hamaolon ima nadung manjagit hadengganan  ni Debata. Songon sada halak nadung mengelehen dirina gabe pangoloi ni Debata, disadari si Paulus do angka hamaolon bope parhanciton na angkon adopan/jagiton.  Muda ra ia gabe pangoloi ni Debata na angkon rade do ia manjagit resiko sian pangoloion na i (Setiap orang percaya harus siap menerima segala penolakan dan penderitaan oleh karena kesaksiannya). Nada hum parhancitan secara fisik marhite angka loncing-loncing, dihurung , didege, jotjot inda modom jana inda mangan/kelaparan na diadopan nia. Tapi dohot do parhancitan secara sosiologis ima penolakan marsaor dohot halak na asing, dihosomi, dimusui, dimarginalkan (disingkirkan,dimiskinkan,  tidak mendapat tempat). Secara manusia di situasi on  kehidupan psikologis pasti do  terganggu. Tapi hinorhon ni  pangoloion tu  Debata di ajari Tondi Parbadia do halahi anso dibagasan habuluson ni roha,parbinotoan bope hasobaron dohot holong ni roha na ias. Hatigoran ( kebenaran) i do na gabe sinjata ni angka na porsaya laho mamaritahon barita taringot tu Kristus i. Angka on ma na gabe parbedaan nang keunggulan ajaran hakaristenon sian ajaran na asing na angkon dihangoluhon angka na porsaya i. 3.Ayat 8-10 : Tongtong mararop ni roha ima nadung manjagit hadengganan ni Debata Di parungkilon na marragam i laing dipangkilalahon dope jop ni roha. Bope bahat angka hamaolon dohot parhancitan tapi kuaso dohot gogo ni Debata laing tongtong do markarejo laho mangelehen kuaso anso ulang mandele,marsak jana marnaloja hita mamaritahon barita haluaon i.  Bisa dope manjagit hasangapon bope laing bahat halak na palayaskon, manjagit pujian bope bahat na pabilehon, didok halak na tigor bope laing bahat na mandok patrgabus, ditanda bahat halak bope laing bahat na so mananda, bisa marjop ni roha bope diarsahi, didok halak na pogos tapi satutuna inda ungada hurangan. Angka on ma jop ni roha na so bisa diastui jana dijagit halak na so mananda Kristus. Na marnida lapatan ni ngolu hum dietong sian hasangapan, dohot sinadongan. Tapi di angka na porsaya ngolu na marlapatan  ima ngolu na mangulahon hagiot ni Kristus  na mangalehen haluan i. 4.Ayat 11-13 : Sai tongtong manogihon halak  tu  hadengganan ni Debata Haluan na sanggam (keselamatan yang sempurna) i do na dioban jana  dilehen Kristus tu portibion. Rade do haluaon i di ganop halak na manjagit jana manghaporsayai huhut manghangoluhon haporsayaan na i. Haporsayaan di Kristus mangagohon haporsayaan di angka debata na asing, angka hasipelebeguon, hahodaron, dohot angka rumang-rumang ni portibi na mangagohon. Dibagasan holong ni roha barita haluan i dibaritahon si Paulus anso ulang mago jana mate angka jolma i dibagasan dosana. Anso diungkap angka jolma i rohana jana manjagit barita haluaan i. Songon sada ama na mandok hatana tu daganakna do dietong si Paulus ia. Lapatanna pasti do hadengganana  hata na nidok ni sada ama  na i anso marhasonangan jana marhauntungan anak na i di ngoluna. Hadengganan dohot hauntungan i ima Kristus na maroban haluaon dohot hasonangan   na sanggam. Nada bisa i dibanding kon dohot hasonangan na dijagit jolma i hatiha di portibion. C. HAHONAAN a.Kristus na dibaritahon si Paulus di hatiha i, laing Kristus i do na tabaritahon di jaman sannnarian. Tapi na berbeda motivasi jana semangat ni si Paulus hatiha i nada dapot hita be di jaman sannari. Hape tugas dohot missi na sarupa do na taulahon lopus tu sadarion. Sada faktor sian bahat ni ragam penyebab menurun/rendahnya  semangat missi/penginjilan ima nada siap hita/mabiar hita manjagit penolakan, parhancitan, hamaolon na taadopi. Hape madung didok Yesus disuru do hita songon biri biri tu tonga-tonga sorigala ( Mat 10 : 16). Di sisi na asing  bahat do halak na porsaya gabe partuktuhan dihumaliangna. Na so ra mardame jana mardenggan,  na sai mangkalomohon parbadaan, dohot ang na asing.  Angka on ma gabe mambaen targora hakaristenon ta i na  justru gabe mandao halak sian hita. Hape sasingtongna ngolunta i do sarana hasaksionta laho patandahon Kristus tu bahat halak. Songon sada surat  na  mangolu nisuratkon ni Tondi Parbadia na bisa botoon jana siseon ni sude halak ( II Kor 3 : 2-3).  Ngolunta i ma na gabe langgatan parjamitaanta be. b.Ulang ma jolo tabandingkon tu partinaonan ni angka rasul na jolo  na mate martyr harani hasaksianna, di hita angka parhobas jotjot hum harani membege hata-hata  sian angka donganta sahaporsayaan/saparlagutan ra do manigor sumurut pangkobasionta. Hum harano saotik hamaolon, masalah, perbedaan ide, pendapat, pandangan  ra do marsoal/persoalan na berkepanjangan. Madung bahat kasus  na terjadi di parlagutan di angka parhobas na mundur/manadingkon/cuek/tidak mau tahu jana nada mangkarejohon ulaon tohonanna. Sai adong  parhobas di tonga-tonga ni palagutan  na mandele jana inda siap marmahani angka ruasna. Angka on ma mambahen nada adong pertumbuhan/perkembangan dohot hamajuan di tonga tonga ni parlagutan, gariada mur murak do angka ruasna. Hara ni marhite hata ni Debata sadarion dihobasi hita (tarlumobi dongan parhobas) anso memiliki semangat dohot pengabdian na togu. Adong  3 prinsip na angkon tahangoluhon ima :  1.      Memandang Tugas Pelayanan sebagai Panggilan Kudus dan mulia  (Yoh 15:15-26) Angkon arga do tabaen ulaon dohot pamioonta songon sada parhobas angke  pamion ni Debata do i   di hita be. Muda arga do di hita pamioon i takarejohon do oi sian nasa gogo  nang rohanta. 2.      Membuat Yesus sebagai  standart  pelayanannya (I Petrus 5:2-3) Muda pe tung bahat angka hamaolon di na mangulahon ulaon tohonanta i, taingot ma  Tuhan Yesus na manghophop hita jana sanggam do haluaon i sahat tu hamamateNa. 3.      Pengharapan akan mahkota kemuliaan yang di dapatkan  di bumi dan di sorga   (I Petrus 5: 5)  Nada hum carito sanga baga-baga hata on, tuku dohot upa ni angka ulaonta i jagitonta  do i. Sannari hatiha di portibion hita jana  di surgo di hatiha na. Amen. Pdt Darwin Butarbutar M.Th KP.GKPA