HATORANGAN NI SIBASAON Minggu, 1 Mei 2011: 1Petrus 1 : 3-9

PANGKIRIMON, HAPORSAYAAN dohot HOLONG na MANONGTONG          HATORANGAN NI SIBASAON MINGGU QUASIMODOGENITI  MINGGU, 1 MEI 2011 Jamita : Johannes 21:1-14 Sibasaon : 1Petrus 1 : 3-9 Patujolo Surat ni si Petrus on ditujuhon tu halak kristen pangaratto na diluat Pontus, Galatia, Kapadokia, Asia na menek dohot Bitinia. Songon halak pangaratto targolong doi tu kelompok minoritas, sering dihalupahon di hak dohot kewajiban-kewajiban. Hinorhon ni i sangat di pentingkan do sada gambaran hidup na khusus, na berkualitas, na bisa sibasaon ni jolma di pergaulan sehari-hari. Harana idoma modal utama ni halahi laho mengangkat martabat, patuginjangkon harga tawar ni halaki anso gabe ditanda halak, dijagit halak halahi di sude lapisan pergaulan hidup ni halahi. Gambaran parngoluon na khusus di maksud terkait tu corak ni pangkirimon, haporsayaan dohot holong ni halahhi. Lapatanna muda so markualitas do pangkirimon, haporsayaan, dohot holong ni halahi maol do halahi menyatu di tonga-tonga ni masyarakat. Muda so kuat do halahi manarik simpatik ni angka jolma na asing momo do halahi tarsingkir, keluar sian parpunguan ni angka kelompok mayoritas na asing. Angke paisolat do halak kristen di luat i, tole muse sian sudut sosial ekonomi pe tergolong kelas akar bawah do halahi sude. Kelas sosial na mansai momo huiskonon ni halak angka na pis matana marnida halahi. Kelompok ni masyarakat na bisa di permainkan jala di haruarkon sian punguan, ima harani lemah ni hasadaon dohot jumlah ni halak kristen tingki i. Istilah teologi na tepat tu halahi ima paisolat (pangaratto). Astuanna nada mengakar, merasuk, terikat/mengikat dope halahi di masyarakat. Sandok nada memiliki hak na sarupa tu halak na asing apalagi tu masyarakat na asli putra daerah. Nada memiliki hak untuk memiliki tanah, rumah yang abadi, malah dianggap sarupa tu penduduk rumah liar, nada sebagai penduduk asli (home land). Kelompok ni halak si songon on termasuk kelompok ni halak na sun momona hona uhum, tertindas, nang pe so haru mardosa sanga pe marsala halahi. Tu angka persoalan, situasi, pikiran, sikap hidup si songon on di dokkon si Petrus bahaso adong do luat, tano na asing sian tano dohot luat na adong di portibion. Muda pe halak kristen na di parserahan i nada parnampuna di tano na adong di portibion nada pola manyusai i asal ma dapotan parbagian di tano na kokal di surgoi. Komunitas kelas bawah do tutu halak kristen na di suratan ni si Petrus. Sude do halahi menderita harani ha kristenon ni halahi. Astuanna, menderita do halahi harani haporsayaanna. Tu hal si songoni di dok si Petrus bahaso Tuhan Jesus madung parjolo menderita jala sude halak na setia tu Jesus ingkon mamolus dalan penderitaan si songoni do. Pangastuion tu teks Bohal ni Parjamita Ayat 3-5 : Tujuan di pangkirimon Hum hara ni holong ni Debata sajo tu portibion di lehen Ia AnakNa Jesus Kristus mate humopkop jolmai sian pardosaonna. Tanda na Debata do Jesus di hamonangkon Debata do Ibana sian gogo ni hamatean i, mulak mangolu muse Tuhan Jesus. Pangajaran ni si Petrus bahaso sude halak kristen na manderita harani Tuhan Jesus madung dohot doi rap mate dohot Tuhan Jesus jala dohot muse mangkamonangkon hamatean i marhite-hite haheheonna sian hamateani. Jala nada hum di haheheon i sajo tapi anso dohot do muse rap dohot Debata di surgo hasongan i. Ima tano na so ra salpu naso sarupa dohot tano na di portibion. Pangkirimon ni jolma nasetia tu Debata ima tano na di surgoi. Nada adong disi na hodar, hancit ni roha, parjahat na manggosa-gosa na gale, nada adong disi istilah paisolat, nada adong disi istilah masyarakat nomor dua, nada adong disi na mambedahon nasada tu na asing. Nada masa be disi perbedaan ni nadenggan ekonomina sanga status sosialna, dna. Gomos do di jamitahon si Petrus bahaso inganan naso ra segoi ima jambar ni angka jolma na setia tu Debata. Ayat 6 : Jamita ni si Petrus       Pokok penekanan penting sian surat ni si Petrus on anso tongtong do marjop niroha halak kristeni. Angke hum satongkin doi marimbangkon hasonangan nagiot si jagiton ni halak i di surgo tano inganan naso ra segoi.  Sugesti na cukup kuat do hata on sian si Petrus anso ulang gabe mandele, gale, male-malean pangkilalaan ni halak kristen na menderita tingki i hinorhon ni haporsayaanna. Anso cukup setia ma halahi mamperjuangkon haporsayaan ni halahi anso laing parjambar halahi di harajaon banua ginjang. Ayat 7: Pangkirimon na maroban Hapolinon ni Haporsayaan Jamita, apo-apo na sian si Petrus martujuan laho patandahon hapolinon ni haporseaon ni angka halak kristen nasetia tu Debata. Anso unang mago boti angka perjuangon ni hapersayaanna, anso marhite ketahananna mangadopi penderitaan i patubuhon hapolinon ni hapersayaan ni halahi ma i tu Debata. Suman songon sere na di tutung laho manjalahi hatulenon anso laing umharga sian benda na asing. Dung tarida kesungguhan ni bangso i mangihutkon Jesus gabe patuginjangon ni Debata ma halahi di haroro ni Jesus na padua halion. Cukup membanggakan do pangkilalaan ni halak kristen i di hakristenonna angke mansai tangkas do jamita ni si Petrus laho menguatkon pangkiriman ni halahi. Ayat 8 : Kristen na mangkaholongi Tuhan Jesus Secara fisik nada hea be tarida halak kristen Tuhan Jesus. Muda pe ditanda Tuhan Jesus marhite-hite haporsayaanna noma. Songon i do nang halak kristen di masa nisi Petrus. Tapi nang pe so ditanda Jesus secara pisik togu do haporsayaan ni halahi tu Tuhan Jesus marhite-hite kualitas haporseaon ni halahi. Jala sian haporsayaan na si songon i ma dapot parbatu ni haporsayaan. Amin. Kesimpulan Sude halak kristen naing ma satia tu Tuhan Jesus di bagasan haporsayaanna nang pe ingkon manaon di tonga-tonga ni portibion. Angke nada jambar diportibion na di jalahan ni  halak kristen tapi tano, inganan hangoluan salolot ni lolot na do nadihirim ni halak kristen. I ma banua ginjang. Surgo inganan ni angka halak naporsaya tu Debata di bagasan Tuhan Jesus Kristus.  Antong nang pe tarosak-osak hita angka halak kristen di portibion naing ma polin haporsayaanta tu Tuhan Jesus anso masuk hita tu harajaon banua ginjang. GKPA Res.Pematangsiantar Pdt.A.B.Marpaung, M.Min, MTh.