KATA-KATA BIJAK

KASIH ADALAH SESUATU YANG TIDAK HANYA DIDIFINISIKAN.NAMUN KASIH HARUS DIWUJUDNYATAKAN. ORANG YANG HANYA BERTEORI TENTANG KASIH ADALAH PEMBUAL BESAR. TETAPI ORANG YANG MEREALISASIKAN KASIH ADALAH ORANG YANG BERPENGARUH BESAR DALAM KEHIDUPANNYA

SELAMAT DATANG

HORAS MA DI AMA/INANAMI

SELAMAT DATANG DI BLOG “MARSIRUPAN ANGKOLA-MANDAILING”

“MARSIURUPAN” ARTINYA SALING TOLONG MENOLONG

“ANGKOLA-MANDAILING” ADALAH KAMPUNG HALAMAN

BLOG INI DIUPAYAKAN UNTUK MAMPU MENOLONG SESAMA PELAYAN, WARGA JEMAAT DAN SAHABAT LAINNYA DALAM TUGAS PELAYANAN DI KELUARGA, GEREJA DAN MASYARAKAT


ASI NI ROHA DOHOT HASONANGAN NA SIAN DEBATA AMANTA DOHOT NA SIAN TUHAN JESUS KRISTUS MA MANDONGANI HAMU! AMEN (1KOR.1:3)



KASIH KARUNIA DAN DAMAI SEJAHTERA DARI ALLAH, BAPA KITA, DAN DARI TUHAN YESUS KRISTUS MENYERTAI KAMU! AMIN (1KOR.1:3)


Sabtu, 14 Mei 2011

Jamita Minggu, 2 Juni 2011: Yohannes 12 : 32 – 35

widgeo.net

JESUS MANAEK TU BANUA GINJANG

HATORANGAN NI JAMITA

MINGGU HANANAEK NI JESUS 
KAMIS, 2 JUNI 2011

Jamita : Yohannes 12 : 32 – 35.
Sibasaon : 1 Raja-raja 8:22-28.


PATUJOLO

Bagian Kitab Johannes on ma bagian na pasambilankon  di panghobasion pelayanan ni Tuhan Yesus ima Penutup na  umun di Jerusalem.
Di Yoh 12 : 27 – 50 ima Kesaksian / hataridaan tu Banua Ginjang. Di ganup jolma na porsaya jana satia tu Debata, manjangit jambar ima ngolu na manongtong di Surgo Hasonangan i.
Hananaek ni Tuhan Jesus tu Banua ginjang ima Nagiot paradeon Inganan tu Jolma haholonganNia. Hombar tu Hangongot ni Tuhan  Jesus sian hamatean i, na dohot do ngot sanga hehe angka jolma nadung mate sian Hamatean na ngot jana manaek tu Banua Ginjang rap dohot Tuhanta Jesus . Hananaek ni Tuhan Jesus tu Banua Ginjang  ima nagabe mambuka dalan/perintis dohot paradehon inganan hasonangan tu jolma manisia i.

Di pahombar  do diri ni Yesus na gabe sinondang/hatiuron i. Tapi dung manaek Tuhan Jesus tu Banua Ginjang, nada adong be Hatiuron i. Ayat 35....Satongkin nari sajo noma hatiuron i ditonga-tonga munu.” Tapi nada di padiar Yesus anggo jolma i mangolu di bagasan hagolapan, tapi dilehen ia do tondi parbadia nagabe pangurupi di hita anso margogo hita di ngolunta on.

Tafsiran

Ayat 32-35 Yesus di Patugincat

Jesus di patugincat astuanna manaek tu Banua ginjang ima na laho paradehon inganan hasonangan di jolma nasai tongtong porsaya jana satia tu ibana salolotna. Maol do diastui jolma na bahat i taringot tu hananaek ni Tuhan Jesus tu Banua ginjang. Didok halak na bahati tu sia : “Anggo mangihutkon buku tona ni ugamonami, salolot lolotna do mangolu anggo Kristus i. Biasi do didokhon Ho patunginjangon di ginjang tano Anak ni jolma i. Ise lakna Anak ni Jolma i ?”

Anak ni jolma i ma Mesias jana Jesus sandiri do i na dimaksud. Nada taringot roha ni jolma nabahat i sitaonon dohot hamamate ni Tuhan Jesus, apa lagi diparsilangkon. Dialusi Jesus ma, “ Satongkin nari sajo noma hatiuron i di tonga-tonga munu. Jadi dalani hamu ma sidalanan munu salolot laing adong na torang i anso ulang ditutupi nagolapan i hamu. Sanga ise na mardalan di nagolap nada diboto ia sanga nagiot tudia ia kehe. Haporsayai hamu ma hatiuran i, salolot laing di hamu, anso gabe halak ni hatiuron hamu. Jesus memang madung manaek tu Banua ginjang, tapi sude pangajaranNia i, totop do tinggal rap dohot jolma na sai tongtong porsaya di Ibana, jana Satia sahat tu ujung ni ngoluna nada di loas Jesus hita punjung, tapi dilehen ia do Tondi Porbadia di hita gabe pangurupi dohot margogoihon hita di portibion.

Aplikasi/Penutup.

Hamamate  ni Tuhan Jesus dohot hangongot jana hananaek Nia tu Banua ginjang sapaket do i, inda terlepas na sada tu na asing. Manaek tu Banua ginjang i ma sada bukti bahaso Jesus anak ni Debata na gabe jolma. Paradehon inganan Hasonangan/ngolu na salolot-lolotna di ganup nadigoaran dakdanak ni Debata dakdanak ni Hatiuron. On ma na gabe jaminan di hita anso unang ragu be hita laho manghaporsayai Ibana. Na marasal sian Banua ginjang angkon mulak do tu Banua ginjang. Amen...............

GKPA Resort Aek Bingke
Pdt.DRP.Hutabarat,STh

Tidak ada komentar:

Poskan Komentar