Selasa, 04 Januari 2011

BACAAN MINGGU, 9 JANUARI 2011: Yesaya 42 : 1 – 7

widgeo.net
PANURIRANG NABURJU NA NIBAGAHON NI DEBATA
   


HATORANGAN NI SIBASAON

MINGGU EPIPHANIAS

MINGGU, 9 JANUARI 2011

Jamita : Mateus 4 : 12 – 17
Sibasaon : Jesaya 42 : 1 – 7

I.  Patujolona :

Muda nigoaran Panurirang namarastuanma i sada bayo namarkarejo ditonga-tonga ni habanan sanga  bangso laho mambaritahon hata ni Debata. Sada Panurirang nada jungada i mangkatai sian rohana sandiri tapi domu tu karejo nadung nipalalu ni Tuhan tu sia do. Jana keabsahan sanga hasintongan ni sada Panurirang i ma, muda sandok nanilumbahon nia i tulus sanga nyata.  Domu tu si ma, ia si Jesaya digoaran ma ia sada Panurrang namarkarejo ditonga-tonga ni halak Israel na adong di tano habuangan Babel.  Dilumbahon ia ma na giot ro ma Naposo ni Debata i ma Mesias, ia  ma manobus bangso ni Tuhan marhite hatotopak  dohot  hamamateNia.   Dibagasan tondi do si Jesaya hatiha nanisuru ni Tuhan ia laho pasa hatkon  hata apul-apul tu bangso na dihabuangan i. Patar do dipatorang si Jesaya  hagogoan dohot hagodangan ni kuasa ni Tuhan, jana dipaingot do bangso i anso marojahan dingolu  haporsayaan  tu Debata, angke Ibana ma napaluahon jana maroban halahi mulak muse sian tano Babel.

II.Hatoranganna.
1. Ligima naposongki, nahutogu i, nahupuldit i, hasudungan ni rohangku.  Dilumbahon si Jesaya do taringot tu Mesias na giot ro i, na angkon sinondang muse di angka bangso na tinggal dibagasan hagolapan.  Ia do muse naangkon maniop sandok harajaan bope na di banua ginjang dohot na banua tonga jana angkon marsomba tu sia sandok na adong.  Patorangon ni Panurirang i ma songon dia hagiot ni Debata, bia  anso jolma i mangolu dibagasan hasintongan.  Di tangan ni Mesias na giot ro i ma hagogok ni karejo maradopkon bangso Israel, angke madung ditontuhon humani do Ia sian na  robi  gabe pardengganan marhitehite  haporsayaan  (basa   Roma  3;25).  Ia ma panggomgomi ni angka bangso jana padalanaon Nia ma uhum marhite hatigoran dohot hasintongan, artina nada sian roha Nia sandiri Ia muda  pe mandalankon paruhuman

2.Marulak-ulak do si Jesaya  patorangkon taringot tu  pandohan Naposo ni Tuhan, jadi mambaen tubu sapa-sapa  ise do Naposo ni Tuhan i.
- Mangihutkan anak sisean ni Tuhan Jesus didok :  Dia adalah seorang untuk orang-orang lain, artina jolma do Ia tapi  asing sajo do Ia sian jolma, harana nada sian portibi on anggo haroroNia tapi sian banua gnjang do.
- Dia adalah seorang yang bekerja untuk orang lain, artina nanisuru do Ia patupahon  karejo ni namarsuru Ia, jadi nada sian roha rohaNia sandiri Ia mangkuling, tapi  Dia benar-benar sebagai unsur pengganti bagi orang banyak (basa  Matius 3 : 17)           


Suman tu bangso Israel nadung ditodo ni Debata sian mulana i, laing songon i muse ma naposonia dipuldit namambaen job ni rohaNa sian pamungkaan lopus tu ujungna  (basa Matius 3:17). Pataridahonon ni Naposo ni Debata ma halambohon marhite, nada ra ia marsurak  patubegehon soarana, angke nada nagiot manjalahi parbadaan ia ro tu portibi on, jana hamesiasonnia pe nada umumkononnia sembarang boti paima so ngot ia sian na mate.
(basa  Matius  17:9)
Harupe madung layas sajo bangso Israel di adopan ni halak na asing, jana nada  mungkin be halahi ruar sian tano habuangan tapi dibagahon Debata do nada padiaronna sumbu na midop-idopi mintop boti, tapi sarihononNia do bangso i jana obanonNa mulak.

3.Dihapapatar ni naposo ni Tuhan i, pahotonniama uhum, jana markarejo ma ia di bagasan hatigoran harana inda mardia imbar jolma i diadopannia.  Dihalungunkon bahat halakma ia di tanoon angke mangajari ia antong nalobi lambok sian na nibaen ni si Musa tu halak Israel.  Sian parbaritaannia dohot pambaenannia tangkasma astuan ni halak nasintong jana nabadia do Debata harana sude pangoloionnia maradopkon halak na pogos, nalayas jana natarasing mambaen roha ni halahi  mangastui  panghaholongion ni Tuhan.  Sanga aha nadung ditontuhon ni Debata sian mulanai, patuluson ni naposonai ma i marhte-hite roha halambohon dohot hasintongan.  Nada tarambati sanga ise sangkap ni Debata, jana angkon tulus ma obanonna muse bangso Israel ruar sian Babel, harana nada manongtong muruk ni Tuhan muda marhaubaan jolma i, jana taruli dipasupasu do halak na olo mangoloi tonaNia. Hombar tu sangkap haluaan na sian Tuhan, pataridahononnia ma hatigoran, artina urupan ni Tuhan ma angka namardangol hinorhon ni ketidakadilan, hajongjongkononnia ma uhum tu sandok halak anso gabe haputusannia mardalan patigorkon hajolmaon.  Marhite karejo nadung pinatupa ni NaposoNa i,  ungkap ma roha ni jolma manjagit Tuhan na marmamulia angke marnida ma mata ni halak na mapitung, malum ma angka na marnyae, na pogos dapotan sipanganon, malua halak natarkurung, mandapot keadilan halak na tarsisi.  Sude na pandohan on pataridahon sada haimbaruon ma i ditongatonga ni hajolmaon, haranamadung ro Tuhan  marsaor dohot jolma.  

III. Aplikasina :     
- Hatotopak ni Kristus/Mesias nadung tarayahon i, Ia mada sinondang na manorangi sandok jolma bope  Jahudi sanga Junani (basa  Yohanes 8 : 12)  
- Sanga ise na olo mangihutkon sinondang i, nada di hagolapan be ia tapi na mardalan ma ia dompak surgo, songon pardalan ni Israel na ni uluhon ni ombun dohot api manuju tano Kanaan (Haruruar 13 : 21)            
- Antong mangolu ma hita dibagasan bisuk, tatinggalkonma hagiot ni portibi, jana taoloi ma Debata songon na bianen ni Kristus baen hasangapan ni Amana (Pilipi  2 : 7 – 8)  
                                                                                                      
GKPA  Resort Batam
Pdt.H.Nainggolan, STh

Tidak ada komentar:

Posting Komentar