JAMITA MINGGU, 20 PEBRUARI 2011: Lukas 17:7-10

Pangoloion na hombar di adopan ni Debata HATORANGAN NI JAMITA MINGGU SEPTUAGESIMA MINGGU, 20 PEBRUARI 2011 Jamita : Lukas 17:7-10 Sibasaon : 2Timoteus 4:6-10 I. Patujolona. Adong do piga-piga pangastuion ni “hata naposo” mangihutkon konsep Alkitabiah, bope di Parjanjian Na Honok sanga Na Imbaru.  (1)  Muda adong sada halak namarkarejo dibagas ni  sada halak na kayo sanga jadi parmahan ni biri-biri.  Bisa sajo do on hara na di upah mangihutkon aturan namasa hatiha i tapi laing bisa harani namanjual diri angke inda mampu ia mambayar utangnia,  tapi muda dung di tahun Jobel na di rayahon sanoli 50 taon angkon dibebaskon ma halahi  mangihut kon aturan ni si Musa  (basa Hamalimon 25 : 1 – 7)    (2)  Sada halak nadung pasahatkon dirinia laho markarejo di Porlak anggur ni Tuhan Debata, jana marpangoloion marhite kiasan : Madung gabe nampuna sanga Anak ni Debata ia  mangihutkon panghophop dohot pamioon ni Kristus (basa  Yakobus 1 : 1).    (3)   Kata ganti ni sada  halak muda mangkatai ia di jolo/ sanga di adopan ni pangarajai dohot pandohan “naposomon” harana merasa ia nada patut  laho mangkatai sanga patorangkon sesuatu mangihutkon hamenehannia  (basa Pamungkaan 44 :  24, 27, 30)                            II.  Hatoranganna :     1. Muda didok naposo dalam konsep kehidupan kemasyarakatan ni halak Yahudi, angka on ma na tergolong tu na so marpangkirimon, nada parjambar/pewaris, jana inda punya masa depan na jelas.  Tapi bolas dohonon laing marhauntungan dope halahi, harana adong  halak na ra manjagit halahi anso dapotan disipanganon dohot parabiton  Marpinda-pinda do inganan ni halahi markarejo di bagas ni halak, jana di perlakukan do halahi secara tidak manusiawi.  Harupe memang angkon karejo do halahi di siganop ari, tapi dalam kehidupan tugas diparumatanggaon, inda jungada halahi manjagit pemberlakuan na selayakna.   Marhite ayat sitangkasanta  hatihaon, dipatorang Jesus do songon dia pemberlakuan ni sada tuan maradopkon naposona.  Nada peduli tuan i sanga songon dia perasaan ni naposonia i  haru pe madung loja ia karejo sasadari.  Sungguh tau diri do naposo i,  angkon manghobasi do pe ia paradehon sipanganon ni tuannia, dung jolo paias dirinia ia parjolo, pada hal nada manjagit upa ia setimpal dohot karejonia.   Sadar muse do ia nada jagiton nia hata pandohan tarimokasi sian tuan i, angke napatuluskon kewajiban nia do ia antong maradop kon tuan i.  Muda dipahombar namasa i tu zamanta hatihaon, madung termasuk do on tu pelanggaran HAM.   Harana setiap pekerja layak menerima upah  jana berhak di berlakukan secara adil dan kebersamaan  isarana : UMR (Upah minimum regional), UMK (Upah minimum kota) dohot angka naasing.   Tapi harani madung tugas dohot tanggungjawab ni sada naposo do angkon patu jana unduk di adopan ni tuannia, laing songonima pangoloion ni naposo na pinatorang ni Tuhan Jesus di Jamitanta sadarion. Nada humin namangoloi sajo karejonia tapi angkon laing inganannia tuannia i hatiha mangan, jana angkon marpahean na ias.  Nada tola ia mangan muda so jolo sidung tuannia i mangan, astuanna  mutlak patuh disegala bidang.  2.  Muda tapahombar do turpukta hatihaon dohot panyarihonon ni sada tuan maradopkon naposonia na marnyae, jabat do kehe ia tumopotkon Jesus mangido pangurupion anso di pamalum naposo nia i, tontu sangat berbeda dohot natatangkasi hatihaon   (basa  Lukas  7 : 1 – 10) .  Harupe rupani taringot tu haporsayaan do naniondolkon di ayat on, tapi laing songononma nian napatut patupaon ni sada tuan maradopkon naposonia.   Dipatorang Jesus do secara khusus di jamita on naberbentuk umpama anso patar diastui sandok hajolmaon i   songon dia sasintongna kedudukanta di adopan ni Tuhanta.  Humin namangaloi  jana mang karejohon na patut sikarejohononkon do ulahononkon, jana i pe nada patut managam.hita di hata tarimakasi sian Tuhanta.  Marhite ayat on patut ma astuanta, nada dong hape na patut si hagodangkonon, nada dong alasanta sanga mambaen hita  paginjang roha, angke nada dong sihatarimaksihonon ni Tuhanta diganop parkarejoanta.  Angkon sadar ma hita humin mangka rejohon parenta ni namarsuru i do hita, laing suman tu pandohan ni Jesus : Nada mangkatai Au sian diringku sandiri, tapi hata ni namarsuru Au do i (basa  Yohanes  7 : 17 ;  16 : 13).. Tutu nada mararga hian hita, nada dong napatut siparbagaon sian hita, suman tu bangso na di habuangan i nada dong be haluaan, laing songon i ma hita  angkon mate dibagasan dosa.  Tapi sannari hara ni holong ni Tuhanta i madung gabe mararop ni roha namangolu hita, madung dibagasan hatorangan hita, angke dipio jana dioban Tuhanta hita ruar sian hagolapan jana masuk tu hatorangan (basa  1 Petrus 2 : 9 – 10)    III.  Aplikasina : -  Madung ditontuhon Tuhanta hita  gabe naposoNia, anso gabe sipangoloi na burju hita marhite-hite  hata dohot pambaenan.  Kedudukanta sannari nada songon naposo  na parjolo i be soada arop ni roha, tapi madung gabe naposo namanjagit pujian (basa Matius 25 : 21) -   Sannari madung  dipiohon Ia hita gabe anakNa, anso dohot hita parjambar manjagit tuku  nadung diparade Tuhanta di angka namangoloi Ibana (basa Epsus  5 : 8).  -  Anso tumbuk hita diadopan ni Tuhanta, marema rap patuluskon tona ni Tuhanta, marhite na dohot hita mambaritahon jamita na denggan i.                                                                                                   GKPA  Resort  Batam Pdt. H. Nainggolan,STh