JAMITA MINGGU, 13 PEBRUARI 2011: Markus 1:9-15

Jesus dipandidihon si Johannes, Jesus di Uji sibolis dohot panghobasion ni Jesus di Galilea HATORANGAN NI JAMITA MINGGU 5 EPIPHANIAS MINGGU, 13 PEBRUARI 2011 Jamita : Markus 1:9-15 Sibasaon : Masmur 99:1-9 Patujolo :             Jamita on mencakup tolu judul tapi dohot caritona pa-asing-asing,tapi bope songoni na saling berkaitan do na sada tu na asing. Dipandidion ni Jesus i sandiri ima na pabotohon sada tanda/makna sian pengesahan bahaso Jesus ima Debata na Badia. Jana marhite pandidion i, mijur ma tondi parbadia tu sia songon sada darapati. Dungi tarbegema sada sora sian langit na mandok “ Ho do Anak haholongan ni rohangKu, Tu Ho ma jop ni rohangKu”. Biasi dohot Jesus di Unjuni sibolis? Inda nagiot bercokol hita hum sapa-sapa i, tapi biado ujungna dung di uji si bolis i Jesus ? Jesus manaluhon huaso hagolapan na sian Sibolis, nag pe dung 40 ari Ia puaso, inda mangan, minum dohot inda modom secara lahiriah / pardagingon, tapi monang do Ia manaluhon huaso ni hagolapan na sian Sibolis i. Dompak di pangunjunan i, sikap ni Jesus umbahat do Ia pasif mangkohom muda di bandingkon hatiha dung di pandidihon Ia, Jesus lebih aktif tapi totop do Ia dipimpin di togu-togu Tondi Parbadia. Painte so patupahon panghobasion/pelayanan Jesus di Galilea, disangkap rohani Jesus do giot menentang bope mangalo nasa huaso no Sibolis i, musuh angkon di taluhon jana angkon monang do hatiuron i, anso sude jolma na porsaya tu Ibana ra mangihutkon dohot mangoloi Ibana. Tafsiran Ayat 9 – 11 di Didi si Johannes ma Jesus. Jadi ro ma hatiha i Jesus sian Nazareth na di luat Galilea, dung i di Didi si Johannes ma Ia di Batang Aek Jordan, ima na mangoloi hagiot /parenta ni Debata. Dung di Pandidihon Jesus, haruar ma Ia sian Batang Aek i, di ida Ia ma mungkap langit. Sada peristiwa na godang tarjadi hatiha i, dung i mijur ma Tondi Parbadia tu sia songon sada darapati. Dung i tarbege ma sora sian langit mandok “ Ho Do Anak Haholongan ni RohangKu tu Ho ma jop rohangKu”. Parnidaan i hombar ma i tu hataridaan ni hasitolu sada on na digoaran Trinitatis/Tritunggal (Debata sitolu Sada). Debata marhite soara sian langit, Jesus Kristus manjagit pandidion dohot burung darapati na mijur tu abara ni Tuhan Jesus ima na gabe gombaran ni Tondi Parbadia. Ayat 12-13  Di Uji Sibolis Jesus Dung i torus ma dioban Tondi i Jesus kehe tu halongonan, Opat pulu ari di patupa bagi aha tarsongon pelayanan, tapi bahatan mangkohom do Jesus. Boti inda mangan, inda minum, inda modom (pasif) sajo. Hal na songoni pe nada adong jolma sahalak pe na bisa patupahon si songon i. Angka binatang riar pe bahat do na rap dohot ia disi, jana ro do angka suru-suruan mangoloi Ia. Kesempatan ima na diligi ni sibolis sada kesempatan na denggan giot mangunjuni Tuhan Jesus, hatiha esus male, manguas, pamatang na gale harana muse inda tarpoodom sampitpit pe. Berusaha do torus sibolis i anso monang laho mangunjuni Tuhan Jesus, jabat tolu noli, tapi monang do Jesus manaluhon sude pangunjunan ni sibolis i. Ayat 14-15 marjamita Jesus di Galilea (Panghobasion) Dung tarhurung si Johannes, kehe ma Jesus tu Galilea mardalan ma Jesus manopi-nopi dano Galilea di topi ni pantai/dano Kapernaum, Ima daerah Zebulon dohot Naftali (Jes 8 : 23). Taringot tu haroro ni Sipalua i dohot panghobasion Na di portibion madung lolot do di hasusirangkon (dipabotohon) Panurirang Jesaya, bahaso sude bangso na adong di luat ni portibion na angkon marnida si nondang ni Jesus Kristus i. Jana Jesus mamulai panghobasionNa di huta Galilea. Aplikasi (penutup) Jesus manjagit pandidion i sian si Johannes Pandidi bukan do hara na mardosa Ia, Jesus memang ro (sorang) di portibion na gabe jolma tapi Jesus ima Debata na Badia na so mardosa. Harana barang isepe na dipandidihon di Aek Jordan i, angkon jolo mangoku sude dosa-dosa na, tapi marasing do sian hajolmaon i,  Jesus inda mangoku dosa Ia, angke Jesus inda pardosa, saotik pe nada adong dosa di karejohon Tuhanta Jesus na badia i. Hita jolma, angkon rade do hita mangoku dosa–dosanta tu adopan ni Tuhanta i, anso disesa Ia sude dosanta jana ulang be hita datdati mardosa. Hita tinggalkon ma sude pangalaho na so di halomohon Debata, tongtong ma hita mangolu di bagsan Tuhan i jana Tuhan i mangolu di bagasan hita marhite parange, manang pambaenan, anso jop roha ni Tuhanta i di hita. Tuhan Jesus i sandiri anakni Debata diunjuni sibolis i do, mur ma hita jolma on. Jotjot do gale pamatangta, male, manguas....apalagi ma muda gale haporsayaanta. Harani ima anso tongtong hita mangolu hum mangasahon Debata na mangolu i jana parholong roha i,anso ulang monang sibolis i tapi angkon talu do sibolis i na laho mangunjuni hita. Tuhanta ima marhite hatana na gabe sinjata na ampuh di hita. Tongtong ma hita jonggor/waspada di rumang ni pardalanan ni ngolunta on, angke bisuk do sibolis i laho mangagohon rohanta sian ibana ima Tuhanta i.madung ditaluhon Jesus do sibolis i, inda adong hatiha/kesempatan saotik pe di lehen Tuhanta Jesus tu sibolis i,hita pe mampu do mangalo hagiot ni sibolis i asalma tongtonghita mangolu di bagasan Tuhanta i. Hamonangan ni Yesus nada lepas sian kepatuhan ni Ibana sian debata Ama dohot marhite-hite panogu-nogu on ni Tondi Parbadia i. Madung ro be sinondang i tu portibionna laho manyondangi rohanta ganup.Asalma ra hita manjagit. Amen. Pdt.DRP.Hutabarat,S.Th Pendeta Resort Aek Bingke