KATA-KATA BIJAK

KASIH ADALAH SESUATU YANG TIDAK HANYA DIDIFINISIKAN.NAMUN KASIH HARUS DIWUJUDNYATAKAN. ORANG YANG HANYA BERTEORI TENTANG KASIH ADALAH PEMBUAL BESAR. TETAPI ORANG YANG MEREALISASIKAN KASIH ADALAH ORANG YANG BERPENGARUH BESAR DALAM KEHIDUPANNYA

SELAMAT DATANG

HORAS MA DI AMA/INANAMI

SELAMAT DATANG DI BLOG “MARSIRUPAN ANGKOLA-MANDAILING”

“MARSIURUPAN” ARTINYA SALING TOLONG MENOLONG

“ANGKOLA-MANDAILING” ADALAH KAMPUNG HALAMAN

BLOG INI DIUPAYAKAN UNTUK MAMPU MENOLONG SESAMA PELAYAN, WARGA JEMAAT DAN SAHABAT LAINNYA DALAM TUGAS PELAYANAN DI KELUARGA, GEREJA DAN MASYARAKAT


ASI NI ROHA DOHOT HASONANGAN NA SIAN DEBATA AMANTA DOHOT NA SIAN TUHAN JESUS KRISTUS MA MANDONGANI HAMU! AMEN (1KOR.1:3)



KASIH KARUNIA DAN DAMAI SEJAHTERA DARI ALLAH, BAPA KITA, DAN DARI TUHAN YESUS KRISTUS MENYERTAI KAMU! AMIN (1KOR.1:3)


Selasa, 04 Januari 2011

JAMITA MINGGU, 6 PEBRUARI 2011: Matius 8:5-13

widgeo.net
Haporsayaan na pangoluhon



HATORANGAN NI JAMITA

MINGGU 4 EPIPHANIAS
MINGGU, 6 PEBRUARI 2011

Jamita : Mateus 8:5-13
Sibasaon : Rom 1:14-17


I.Patujolo

Adong do 3 bagian besar ulaon ni Tuhan Jesus songon pangkobasion/pelayanan hatiha di portibion. Naparjolo ima : Mangajari/mengajar/didakhe  na di patupa Jesus  marhite na marjamita di tonga tonga ni bahat halak (pengajaran yang bersifat secara verbal/melalui kata kata). Misalnya jamita di dolok Mat 5 sanga jamita-jamita  umpama/perumpamaan.  Napaduahon pengajaran marhite pambahenan (sikap nyata/act)  na tangkas ligion jana mengelehen parsiajaran tu bahat halak aso mur adong sikap na  manghaholongi dongan,kepedulian,solidaritas dohot angka na asing  misalna Dilehen Jesus mangan 5000 halak,Yesus pabadiahon bagas joro,dna. Napatoluhon : Ima marhite na patupa hahomion/muzizat  marhite ma mangusir angka setan (exorsist)  pangoluhon na mate dohot  na pamalumkon angka na maryae songon turpuk hatiha on. Sasudena i laho patuduhon kuaso ni Kristus songon Anak ni Debata,Holong ni roha Nia tu hita jolma harani i  umbahen dipamasa sude angka  hagodangan i. Secara khusus Ponggol 8 on marisihon angka hagogoan na dipatupa Jesus di kota Kapernaum marhite angka na mangalehen hamalumon tu angka na maryae dohot na patuduhon kuasona maradopkon gogo ni portibi .

II. Hatorangan ni Turpuk :

Kapernaum ima sada kota di topi pantai barat laut Laut Galilea (Bhs asli  “ kefar nakhum” = desa dari Nahum. Berhubungan pe on tu panurirang  Nahum nada pola diboto tangkas. Tapi sada kota na strategis do Kapernaum termasuk pusat perekonomian dan perdagangan  jana sanga do menetap do Jesus di kota on. Kapernaum kota ni angka pamungut pajak/pemungut cukai,pusat militer do kota on harani i do adong do pos militer Romawi jana bahat na parpangkat tinggal ni kota Kapernaum.
 
i. Ay 5-7 : Tung mansai bahat do halak na sai paima imahon haroro ni Jesus tu sada sada luat. Angke bahat do halak na mananda Jesus hara ni angka poda  dohot angka jamita tarlumobi ma mangelehen hamalumon tu angka na maryae.Tapi menarik do turpuk on angke na ro mangido pangurupion i ima sahalak  tentara na marpangkat harani sada naposona/hamba marnyae di bagasna. Jana somalna halak Rom/Romawi do muda na na berkedudukan  songonon (Luk 7 : 1-10) Sada “ keunikan ” do on angka nada somal halak Romawi mangido pangurupion tu halak Jahudi. Angke biasana angka parpangkat do halak Rom jana memiliki “ kelas/derajat” baik sian segi ekonomi,sosial na gumicat sian halak Jahudi. Sada habileon do on muda adong halak Rom na mangido pangurupion tu halak Jahudi. Tapi nada pola gabe halangan i disia mandapotkon Jesus tung pe halak Jahudi Ibana. Jana  nada dietong Jesus i songon sada persoalanan  tapi manigor di respon Jesus do i bahaso ro pe Jesus laho pamalumkon naposona i. adong 2 hal si parsiajaran sian sikap ni parpangkat on :

1. Tung pe so halak Jahudi ibana tapi tung mansai tangkas do ditanda ibana Ise Jesus i. Nada pola dipandang ia pendapat di halak na bahat muda ro ia tu Yesus mangido pangurupion aso malum naposona i. Jana nada pola merasa turun “ harga diri/derajat ”na muda ro ia mandopotkon Jesus. Sandok adong kenyakinan bahaso Jesus MAU JANA MAMPU  pamalumkon naposo na i jana i do na unringkot di ibana.
2. Holong do rohana di naposona i do umbahen ro ia tu Jesus. Bope halak parpangkat ibana tapi inda lupa ia di angka naposona/hamba. Somalna inda pola ra angka parpangkat/majikan/tuan marlojo loja/sibuk hum harani angka naposona sanga inda pola adong hatiha ni halahi laho mamingkiri angka naposona. Muda marsahit sanga pe inda bisa dipake gogona bisa do manigor dipakehe sang ape di gadis tu halak na asing. Tapi halak parpangkat on adong do sikap kepedulian/solidaritas na tinggi tu donganna na dipatuduhon do usaha laho manjalahi hamalumon tu naposonai. 

ii. Ay 8-9 :   Adong dope sada nari “keunggulan ” ni parpangkat i ima toruk ni roha maradopkon Jesus   dohot haporsayaanna di gogo ni Tuhan Jesus. Sada parpangkat do ia jana disegani di kehidupan masyarakat tapi disadari ia do bahaso nada marlapatan pangkat nang hasangaponna i dibandingkon dohot hasangapon ni Jesus. Pabiletu/merasa tidak layak do parpangkat i manjagit Jesus di bagasna tung pe parpangkat Ibana. Nada harani keadaan ni bagasna na menek sang ape na hurang godang laho manjagit Jesus harani pasti do jeges bagas ni parpangkat i. Tapi “ hasangapon/pangkat/kedudukan “ ni Jesus di ginjang di hasangapon na adong di portibion nada tarbandingkon dohot pangkat/kedudukan na adong disia.  I do na umbaen merasa bile ia manjagit Jesus tu bagasna. Jana pos do rohana  di gogo nang kuaso ni Tuhan Jesus hum sahata sajo pe didok madung malum ma naposona i. Pola do digombarkon ia i songon “ garis komando ” ima  sada kepatuhan/mutlak harus dilakukan  angka perintah ni komandan na guminjat angkon do dioloi dohot diulahon angka na ditoruna. Bukti  sada haporsayaan na togu do na dipatuduhon parpangkat on  nada adong keragu raguan di ibana. Porsaya do ia hata ni Jesus margogo/berkuasa laho pamalumkon naposona na maryae i dohot margogo  di ginjang ni sude kuaso na adong di portibion.

III.Ay 10-13 : Gabe homang/heran do Jesus umbege  angka alus ni parpangkat i. Angke  marhite angka alus i pabotohon bahasa tangkas do diboto parpangkat i ise do Jesus . Bia do kuaso dohot hagogoanna maradopkon portibion nang angka isina pe. Tangkas do diauhon ibana sangap/wibawa dohot kemampuan ni Jesus diginjang ni sude kuaso na adong. Muda jolma humin tu jolma na asing ma bisa mangelehen parenta tapi muda Jesus nada hum tu jolma tapi tu hagogoan ni portibi pe masa do parenta na i.  Jana harani i gabe tubu do sada haporsayaan di parpangkat i. Togu  do haporsayaan  ni parpangkat i jana nada  adong dope haporsayaan na songon i di tonga tonga ni halak Israel/sangape halak Jahudi songon horong/suku  ni Jesus  (ay 10). Sada parsiajaran dilehen Jesus bahat do halak na merasa madung manjagit haluaan i angke halak Israel do ibana. Jana mangolu do halahi mangihutkon aturan  ni ompu ni halahi ima ompu ni  angka na porsaya ima Abraham, Ishak dohot Jakob. I do na gabe dalan madung dijagit halahi hangoluan i jana parjambar halahi di Harajaan ni Banua ginjang. Hape nada haluaan na dijagit halahi tapi sebalikna ambungkononkon ma halahi tu hagolapan. Angke na dikarejohon ni halahi  nada marojahan tu haporsayaan tapi marojahan tu aturan ni portibi dohot hasomalan adat istiadat bope na manjalahi sangap/kehormatan sian jolma. Kemampuan laho mengkarejohon hukum Taurat dohot kesempurnaan mandalankan aturan-aturan na adong dianggap gabe dalan asa taruli jolma i haluaan dohot hangoluan na manontong. On do na ditentang ni Jesus angke nada na maroban haluan angka na songon i  hum marhite haporsayaan do jolma I manjagit haluaan. Manjagit Jesus dohot manghaporsayai sian nasa roha sian i do tubu  haporsayaan na maroban  haluaan.   Pangastuion on do na adong di parpangkat i  harani haporsayaanna tu Jesus gabe tulus angka na dipangido ni rohana ima hamalumon ni naposona i.

IV. Hohanaan ni turpuk
1.    Toruk ni roha/kerendahan hati ima dalan aso tatanda jana taligi hagodangan nang kuaso ni Debata di ngolunta. Jotjot do di ngolunta on inda tatanda jana tapangkilalahon gogo ni Debata harani merasa do hita mampu laho mangkarejohon jana pasidungkon sude angka ulaonta. Tapangasahon gogonta, bisuk, pangkat nang hasangaponta tarlumobi  nang angka sinadonganta laho manjalahi solusi/jalan keluar ni angka permasalahan di ngolunta. Parpangkat di turpuk on mangajari hita aso patutoruk diri di adopan ni Tuhan jana sian nasa haporsayaanta pasahat tu Ibana angka lungun ni rohanta i. Mungkin nada nyae na gabe parsoalanta, sanga pe mungkin nada pamatangta na marnyae tapi rohanta do na marnyae, sanga pikiran, sangape ekonomi, sanga ngolu ni pardakdanakon, sangape hasomalan na hurang denggan (Parminum, parjuji, dosa-dosa seksual, parhata-hata, dohot na asing) Nada adong na gumogo sian “haporsayaan” na tubu sian panandaon di Kristus. Di bagasan  haporsayaan i do taruli hita gogo laho paubahon roha jana marhite haporsayaan i do tarpatupa hahomion di ngolunta. Angke haporsayaan ido jojahan  tu angka na niarop ni roha jana dibagasan haporsayaan umbahen adong kepastian tung pe so taida (Ibrani 11:1) Bahaso haporsayaan nada marguru/tergantung  tu keadaan/situasi ni ngolunta tapi hot do I jana manontong diganop situasi. I do na angkon taparayak di ngolunta ima “ stabilitas” ni haporsayaan (stabil = hot/inda muba uba)         

2. Nada cukup hum na margoar kristen sajo merasa hita nadung manjagit haluaan i. Nada cukup hum na merasa hita bagian sian pompar ni Abraham, Ishak dohot Jakob madung parjambar hita di harajaan ni banua ginjang i. Nada cukup hum na marminggu i sakali saminggu,partangiang,dohot mandohoti angka ulaon di tonga ni parlagutan merasa hita bagian sian pangisi ni surgo i. Ulang ma taetong muda dung takarejohon sude angka tona jana mangolu hita mangihutkon angka aturan/hasomalan adat istiadat cukup i na gabe bohalta laho manopot habadiaan ni Tuhan i di hatihana. Denggan jana ringkot do i si ulahononkon tapi na rumingkot sian i angkon adong sada keputusan iman /sikap na tubu sian nasa roha jana dipatuduhon marhite pambahenan (iman harus ditindak lanjuti dengan perbuatan). Pos ni roha di gogo nang kuaso ni Tuhan Jesus i do umbahen na tulus pangidoan ni parpangkat i. Laing songon i ma di ngolunta be muda adong pos ni roha di gogo dohot kuaso ni Tuhan  dipatama jana dipatumbuk do na dumenggan di hita be. Amen.

Pdt Darwin Butarbutar,STh
Pdt.GKPA Res.Psp.Tenggara

Tidak ada komentar:

Poskan Komentar