KATA-KATA BIJAK

KASIH ADALAH SESUATU YANG TIDAK HANYA DIDIFINISIKAN.NAMUN KASIH HARUS DIWUJUDNYATAKAN. ORANG YANG HANYA BERTEORI TENTANG KASIH ADALAH PEMBUAL BESAR. TETAPI ORANG YANG MEREALISASIKAN KASIH ADALAH ORANG YANG BERPENGARUH BESAR DALAM KEHIDUPANNYA

SELAMAT DATANG

HORAS MA DI AMA/INANAMI

SELAMAT DATANG DI BLOG “MARSIRUPAN ANGKOLA-MANDAILING”

“MARSIURUPAN” ARTINYA SALING TOLONG MENOLONG

“ANGKOLA-MANDAILING” ADALAH KAMPUNG HALAMAN

BLOG INI DIUPAYAKAN UNTUK MAMPU MENOLONG SESAMA PELAYAN, WARGA JEMAAT DAN SAHABAT LAINNYA DALAM TUGAS PELAYANAN DI KELUARGA, GEREJA DAN MASYARAKAT


ASI NI ROHA DOHOT HASONANGAN NA SIAN DEBATA AMANTA DOHOT NA SIAN TUHAN JESUS KRISTUS MA MANDONGANI HAMU! AMEN (1KOR.1:3)



KASIH KARUNIA DAN DAMAI SEJAHTERA DARI ALLAH, BAPA KITA, DAN DARI TUHAN YESUS KRISTUS MENYERTAI KAMU! AMIN (1KOR.1:3)


Sabtu, 22 Oktober 2011

Hatorangan ni Sibasaon Minggu, 27 Nopember 2011: Zakaria 9 : 9 - 14

widgeo.net
ObanonNia ma dame dohot hasonangan tu portibi
nanirajaan ni si bolis
 
Hatorangan ni Sibasaon Minggu Adven I
Tanggal 27 November  2011
Sibasaon  :  Zakaria  9 : 9 - 14
Jamita  : Halumbaan 5 : 1 - 14

I. Patujolona.

Hatiha halak Roma mangarajai diluat Palestina khususna ditongatonga ni bangso Israel, somal do dipatupa upacara laho manjagit haroro ni sada raja muda mulak sian parporangan namaroban  hamonangan. Acara na dipatupa nada sembarangan, angke sifatna dohot carana pe laing mangihutkon hagodangan ni harajaan i sandiri.  Muda dung monang sada harajaan maralohon panguaso na asing, patupaon ma pawai manghajobkon hamonangan i.  Pakeon ni raja i ma pahean na warna ungu, laing baenon muse ma sere songon hataridaan ni hamonangan, pajuguhonma ia di sada kudo  rap dohot podang ditangannia, tiopon ni raja i ma  tukkot harajaan namarhillong-hillong.  Tapi marasing sajo do kebiasaan ni halak Roma dohot hagodangan ni raja na giot ro mangarajai Israel dohot Jerusalem nanilumbahon ni si Zakharia.  Harana Mesias raja ni hadameon i, nada pataridahon kemewahan sanga hagogoan, tapi dibagasan halambohon dohot  toruk ni roha do.

II. Hatoranganna.

1. Pio-pio do Debata tu bangso Israel na sai tongtong mangolu mangihutkon hagiot ni rohana, seolah-olah madung lupa di asi ni roha, anso tangi jana tagam manjagit harororo ni sada raja nagiot manggomgomi jana paluahon halahi sian pardosaon.  Madung mulak bangso i sian habuangan, jana madung dipungka halahi musema mambangun bagas joro ni Debata, tapi tamba ni i, dipiohon Tuhanma marhite si Zakharia anso dipauba halahi rohana.  Marpardomuan do ajakan on dohot jamita ni si Johanes Pandidi namandok : Pauba hamu ma rohamunu harana inda lolot be, pungkaon ni Debatama padalankon pangarajaion-Nia (basa Matius 3 : 2).  Kondisi ni raja na giot ro i, nada songon hataridaan ni raja portibi natongtong  pataridahon hagodanganna, tapi sebalikna, mardongan hadameon,  asi ni roha.dohot haluaan.  Halumbaan na nipasaht ni si Zakharia marpardomuan muse ma i dohot cara na resmi napabotohon taringot di Mesias raja nanimiahan.  Ia ma nagabe pamimpin, panuturi, raja namarkuaso (basa  Jesaya  9 : 6).   Sangat marbeda situtu do pangalaho dohot penampilan ni raja portibi dohot raja na sian banua ginjang, anatar lain  songononma : - Raja portibi namarhamonangan i, pataridahon kuasona do marhite namangalombut kudo songon tanda ni kecepatan dohot hagogoon,  tapi raja  Mesias nagiot ro (jana madung ro) mangalombut sada halode jara-jara i ma songon tanda ni hadameon, pangoloion (penurut). Angka Hakim-hakim na parjolo pe madung mangalombut halode do secara  khusus hatiha ni hakim Jair, Abdon dohot na asing (basa  Hakim-hakim 10 : 4 ; 12 : 14).  

- Muda raja portibi mulak sian parporangan, sambuton ni angka tentara, bangsawan dohot  pangituai ma raja i dohot upacara kemiliteran, dilanjutkon muse dohot pesta pora, pesta godang hajojob ni roha, isara ni hita jolma pioon ma artis ibu kota sanga na piga-piga marendei ma sasaborngin.  Tapi muda raja banua ginjang, nada angka bangsawan na manjagitsa sanga tentara, tapi angka daganak na menek dohot angka partani jana na pogos do (basa  Mazmur  8 : 3)
- Maniop podang do raja portibi nadung monang , songon tanda ni namarkuaso do ia manggomgomi masyarakatna, tapi muda raja parbanua ginjang, roha na gok holong jana na  giot maringan di bagasan roha ni jolma do Ia.

2. Madung torang tarida songon dia perbedaan ni raja portibi dohot Mesias na sian banua ginjang i, nadigambarkon dibagasan hagogoon dohot hadamean.  Muda dung di maso ni Mesias nada porlu be sinjata parporangan, malah didok angkon segoan noma sudena  angke mamarenta ma pangarajai marhitehite hasintongan (basa  Jesaya  2 : 3 – 4).  Tapi angkon  tangkas do botoonta, halumbaan taringot di haroro ni Mesias,  laing marpardomuan ma i dohot parkancitan, halayasan,  na giot bolusonNia.  Ditaon Ia pe hapogoson anso laing mamora do hita di asi ni roha ni Debata, ditaon Ia halayasan anso gabe marsangap do muse hita di ari na parpudi.  Di tangan ni Mesias na giot ro i ma kuaso sapanjangna jana nada terbatas harajaanNia isara ni letak Geografis songon angka raja-raja na parjolo.  Murmabidangma harajaanNia sian laut tu laut, jana sandok angka raja pe marroanma masioban siluana laho marsomba tu Sia (Mazmur  72 : 8 – 11).   Obanon ni raja namarhasintongan i ma  haluaan dohot hadamean, jana sandok halak na porsaya pe obanonNia anso gabe marsada, lehenonNia ma silompit dua pasu-pasu songon nadung nijagit ni halahi humani.  Nada padiaron ni Debata halahi maila, sude angka arta naparjolo mulak muse mai jadi nampuna ni halahi, dohot hamoraan ni halahi pe jadi marlompit ganda baenon ni Tuhan  (basa  Jesaya 61:7). Muda taingot songon dia sonangna si Adam dohot si Hawa di porlak Eden andorang si madabu tu bagasan dosa, lobi songon i dope baenon ni Tuhan hasonangan di ganop na porsaya di Ibana.

III.  Hahonaanna.

1. Marjob ni roha ma hita, angke madung ro rajanta parmonang, na lambok roho jana na toruk do rohana.  Anso parguna jana mararti haroroNia i, angkon songon tangan na dua i ma hita rap marsipatomu-tomuan, Ia ro jana hita pe angkon ro.

2. Rade do Ia laho mangarajai roha dohot pikiranta, muda ra hita pasahatkon pamatang dohot tondinta.  PabangkitonNia ma hita gabe dakdanakna, jana parguna ma hita muse baenonNia  laho pararatkon barita hadameon dohot job ni roha.

GKPA  Resort Jakarta I
Pdt.H.Nainggolan,STh

Tidak ada komentar:

Poskan Komentar