Jamita Minggu, 27 Nopember 2011: Wahyu 5 : 1 – 14

Parmonang  jana pargogo sian pomparan ni si Juda Hatorangan ni Jamita Minggu Adven I Tanggal 27 November  2011  Jamita  :  Halumbaan 5 : 1 – 14 Sibasaon : Zakaria 9 : 9 - 14 I. Patujolona. Muda dihataan taringot di habangsa, manigor do targambar dibagasan roha sada inganan harajaan, namarsangap jana marmulia, Seolah-olah paingotkon hita do inganan i, hum tu angka nabadia sajo do i, dohot di anak ni Debata.  Sian parmulaan ni buku Halumbaan on manigor do ditaringoti habangsa, laing songon i muse dohot di ujungna, sian ayat on ma tarpahombar hita bahaso inganan parmianan situjuon ma i di sandok hajolmaon (basa  psl.  1 : 4 ; 22 : 3).  Mangihutkon panulis ni buku Ibrani, habangsa do inganan ni angka na badia jana tarbaen halahi ma ro tu si hara ni parasinirohaan ni Debata (basa Ibrani 4 : 16) Di ponggol  4 : 3  didok, dihaliangi halibutongan do habangsa i, jadi ligion songon zamrud sanga permata na marwarna ijo songon lumut. Markesinambungan do ponggol opat dohot ponggol lima, jana bolas dohonon merupkan sada diskripsi sanga pe carito singkat do dipatorang, i ma taringot tu nagiot masa di ari naparpudi.  Laing songon i muse nada tarpisahkon hatorangan ni buku Halumbaan on dohot sebagian isi ni kitab Daniel bope Jeheskiel, harana dibagasan buku na dua i pe dipatorang do taringot di keadaan balunan ni karotes nadung nicap (basa Daniel  12 : 4 ;  Jeheskiel  2 : 9 – 10). II. Hatoranganna 1. Di bagasan gomgoman ni Tondi Parbadia do si Johanes hatiha mangaligi namasa on, harupe tingk i hona rante do pamatangna.  Diligi jana dibege ia do sude pandohan on hatiha tarkurung  ia di Pulau Patmos, disuratkan ia ma anso jadi pasu-pasu dohot pangajaran di Parlagutan na pitu na di Asia kecil bope ditonga-tonga ni sandok bangso nadung manjagit Kristus do Tuhan jana Sipalua.. Adong do dengganna muda tabasa hinan jolo Jeremia 32 : 1 – 15, anso ummomo astuanta taringot tu jamita on.  Di ayat on dipatorang do na angkon tobuson ni si Jeremia tano ni koum sisolkotnia angke ia ma antong nadumonok tu si.  Laing songon i musema dohot balunan ni karotes na marcap natiniop ni na juguk di habangsa na tumimbul i, jadi sada transaksi ma di tano na angkon tobuson sian kuaso ni si bolis, na dung pinasahatNia na jolo tu jolma na di Porlak Eden (basa Pamungkaan 1 : 26 – 28). Ise ma napatut martobus jana mambuka Balunan ni karotes nadung marcap na pitu i?  Ternyata nada sembarang tarbaen mangungkapna, angkon di tinaju do sian segi sudut kelayakan  a.l. :  Habadiaan, kuaso, arga ni partobusan, paneanan, nampunasa, dohot pemerintahan.  Nyatana inda adong natarbaen manjagitsa termasuk dohot surusuruan.  Muda pe taparhagiot keadilan, kemakmuran, hadamean songon naparjolo i, angkon dipajolo ma dohot panobuson/pembersihan.   Madung  dipatupa angka raja-raja portibi naparjolo do mangungkap rahasia taringot tu na giot masa, hape nada marhasil halahi angke humin sada do na patut mangkarejohonsa.   Didok “tumatangis” ma au :.  Muda di banua ginjang  istilah on bisa do merupakan ungkapan dalamnya kerinduan laho manyaksihon hagogok ni halumbaan bope uhum maradopkon halak na jahat, haimbaruon ni Israel dohot harajaan ni Kristus.  Lungun ni roha/karinduan ni surusuruan dohot si Johanes mulai terjawab, adong arop ni roha dohot pangapulion  angke ro ma sada nasanggup mangungkap jana mangaligi tu bagasan ni balunan i. 2. Singa na sian horong ni si Juda. Dihatahon si Jakob do sanga songon dia hagodangan ni si Juda  di Parjanjian na Honok i.  Didokkon ia ma, pujion ni angka kahanggimu ma ho, jana manungkap ma sandok kahanggimu di jolomu nada dong tarbaen sanga ise pe manaluhonsa angke songon singa do ia jana ditangannia do antong tungkot harajaan (basa Pamungkaan 49 : 8 – 10 ; Yesaya  11 : 1, 10) Ia do pomparan ni dadaboru nadung dilumbahon i, na angkon mangaropukkon ulu ni ulok, i ma si bolis (Pamungkaan 3 : 15). Singa na sian Juda laing nigoaran musema i, tunas sian tungko ni si Isai  jana hapapatarna dibagasan hadirian ni Tuhan Jesus.  Ia do  Anak ni biri-biri naparadehon diriNia gabe haul pardengganan, panean di habangsa habadiaan, jana Ia ma na tama mambuka cap na pitu i jana mangungkap gulungan ni buku i.  Angka opat (4) sada gambaran sian  4 unsur ni bilangan portibi antara lain mata angin, (basa Yeheskiel  psl. 1 ; 10) Pitu tanduk lambang ni hagogoan, kuaso ni habangsa banua ginjang (basa Ulangan 33 : 17 ; 1 Samuel 2 : 10)  jana  madung adong ma i ditangan ni Kristus.   Pitu mata, on ma napataridahon kesempurnaan, habadiaan, kuaso, parbinotoan dohot hagogoan.  Hatiha ditobus Tuhan sandok pangisi ni portibi jana dimasuhi Ia harajaanNa singkop ma i dipatupa marhite parbinotoan dohot kuaso.  Jadi dibagasan panghophopon i, adong tolu kualitas ni hasangapan dipataridahon :  Parjolo , Habadiaan ni Anak ni Biri-biri,  Paduahon,  Hagogoan ni Singa na sian Juda, Patoluhon, Parbinotoan dohot bisuk ni Tuhan.  Sandok halak na porsaya mamuji jana mangendehon hasangapan ni Debata.  Parendean ni halahi laing nigoaranma  ende misioner harana nada adong natarbaen be mangambati pamujian maradopkon Debata. III. Sipahusorhusoron. - Jagitontama panompaan na imbaru diharoro ni Kristus Jesus paduanolihon, nada humin margoar warga harajaan sajo be hita, tapi jadi parsidohot mamarenta rap dohot raja banua ginjang. -  Patarma kuaso dohot hagogoan ni Kristus di banua ginjang bope di portibi on, jana sude jolma nadung ditobusNia mamuji-muji rap dohot sude surusuruan (basa Matius 28 : 18) - Hatiha haroro ni Kristus paduanolihon i, sangap jana nipujipuji ma Ia nadung dilayasi na jolo.  Sanga ise napasangap Tuhan, laing dipasangapma ia muse, antong tapungkama sian hatiha na adong sannari (basa 1 Samuel 2 : 30).           GKPA  Resort Jakarta I Pdt.H.Nainggolan,STh