Hatorangan ni Sibasaon Minggu, 15 Maret 2015: Bilangan 21 : 4 - 9

Hatorangan ni Sibasaon ”MARIBADAH DI BAGASAN HORMAT & PANGOLOION TU TUHAN.” MINGGU LETARE=Marjop ni roha ma hamu. Minggu, 15 Maret 2015 Nats Jamita Sibasaon : Bilangan  21 : 4 - 9                                Nats Bandingan : Ibrani  12 : 18 - 29                A. PATUJOLONA Perikop ni  turpuk on mancaritohon sada bagian pegalaman ni bangso Israel na sai marungut-ungut di pangiring panogu-noguon ni TUHAN di na haruar sian tano Misir manuju tano parjanjian Kanaan. B. IMPOLA JAMITA I.     MARUNGUT-UNGUT DI PANOGUON NI TUHAN (ay. 4 - 5) 1.      Bangso namarungut-ungut di panoguon ni Tuhan marhite kepemimpinan ni si Musa maroban bangso Israel haruar sian tano Misir (ay.4). Digohi rasa naso sabar dohot naso puas di pardalanan na di adopi. 2.      Bangso na mangido mulak tu parhatobanan ni tano Misir (ay.5). Gumonan mangankon na dipatupa ni hasil kerja rodi sian na ni patupa ni TUHAN roti manna dohot unggas tanpa halojoan. Gambaran ngolu hajolmaon na manghasonangkon na so denggan dohot na sala.  ÆDison taida sada sikap hatangkangon ni bangsa Israel na hurang mangargai pambaenan ni Tuhan di pardalanan ni ngoluna.       II.  DIUHUM PARUNGUT-UNGUT NA MANGALO MARADOPKON TUHAN (ay. 6 - 7) 1.    Uhum ni Tuhan tu bangso na marungut-ungut naso manghajopkon panoguon-Na (ay.6). Gabe di sarbut ulok na marbisa ola bahat na marmatean. 2.      Uhuman na maroban panyoraion dohot haubaan ni roha (ay.7). Manyadari dosa dohot ungut-ungut namangalo Tuhan jana mangido partolongan sian Tuhan. ÆDibagian na paduahon on tarida do dampak ni uhuman na nipatupa Tuhan tu bangso Israel na marungut-ungut mangalo Ibana, gabe marpanyoraon jana mangido pangurupion ni TUHAN. Dioloi Tuhan do pangidoan i marhite naposo-Na si Musa napatupahon bentukan ulok tumbaga si tatapon ni na giot dapotan hamalumon.  Haubaon ni roha namardut tu pangoloion di partongan na nipatupa ni TUHAN. III.    DIPATUPA TUHAN PARTOLONGAN TU NAMUBA GABE MANGOLOI IBANA (ay.8-9) 1.      Rade manatap ulok tumbaga na dipajpngjong ni naposoNa si Musa (ay.8) 2.      Sude na mangaligi ulok tumbaga i gabe malum sian bisa ni lok uhuman ni Tuhan (ay.9). ÆSude on patangkaskon haubaon dohot pangoloion namaroban hamalumon sian TUHAN. Paingotkon hita anso ulang marjogal rungkung mangalo parenta dohot hagiot ni Tuhan naraoban uhuman dohot hamatean. C. HAHONAAN NI JAMITA 01.Dung tapaihut-ihut jamita on dohot tabandingkon tu pengalaman ni ngolu pangkobasion sanga ngolu haporsayaanta: biado jana torang do sondang dohot parbinotoanta di hamuliaon ni Tuhan di pardalanan ni ngolunta saidanna on ? Sanga betak na sai adong dope na manggupgupi parnidaan dohot haporsayaanta sahonok na on. Porlu do hita mambuka diri sian ihot-ihot panggupgupion dohot angka pangambati di namarhaporsayaan tu Tuhan jana mangido pangurupion-Na laho manggotapkon saluhutnai. 02. Secara umum jotjot do hita terpukau jana terkesan di angka parjamita na malo mambaen partataan dohot memikat pendengar. Tapi denggan do tatangkasi biado penyatuan ni Jamitana dohot Tuhan na di jamitahonna. Margogo do laho mangalehen pangastuion dohot panandaion nadenggan mambaen murtogu haporsayaan jana marnida hamuliaon ni Tuhan na marsinondang ? 03. Songon naposo ni Tuhan dohot halak nadung honok marhaporsayaan tu Tuhan Jesus angkon manian terpancar sondang dohot parbinotoan di hita di hamuliaon ni Tuhan di ngolu on. Na margogo mangajak halak naporsaya gabe ro marhaporsayaan tu Tuhan. 04. Antong tahangoluhon jana ta amenkon ma hata ni Tuhan on, anso gabe pasu-pasu di hita dohot maroban hadengganan di ngolu ni jolma humaliangta.    Amen. Horas ma, Pdt.B.Nainggolan, M.Th      Ka. Biro I - GKPA