Jumat, 23 Januari 2015

Jamita Minggu, 15 Maret 2015: Ibrani 12 : 18 - 29






A. PATUJOLONA

Turpuk ima sada pangajarion namanyosoi, paingotkon parlagutan anso maribadah tu TUHAN dibagasan sikap pangoloion, hormat dohot biar mida TUHAN; jana mangangkat bandingan sian pengalaman ni halak Isarel hatiha mangadop Tuhan di dolok Sinai dibagasan biar na marsitutu. Jana dung dibagasan Jesus anso pangoloion, hormat dohot biar na padenggankon hubungan parsaoran dohot Tuhan di sude paribadatan.

B. IMPOLA JAMITA

Adong do dua bagian utama na gabe pokok simomosan marhite turpuk on, ima:
I.     Nada maribadah tu dolok sion be, tapi tu sion banuaginjang, kota ni Debata Jerusalem baru (ay. 18-24)
1.    Hatiha maribadah halak Israel di dolok Sion maradopkon Debata pola do dibagasan sikap na mabiarsitutu halahi umbege sora ni Debata, marnida sinondang hamuliaon ni TUHAN, humitir umbege angka Tona ni Tuhan jana masuk tu batas habadiaon ni kehadiran ni TUHAN (ay.18-20; Haruruar 19:16-19). Pola gabe humitir manyikur pangkilalaan ni bangso Israel harani sogenna mangadopi kehadiran ni TUHAN. Nada hum jolma na mabiar, tapi dohot do angka pahan-pahanan nada adong na barani manjonoki dolok sionhatiha i. Hatiha i ma dipasahan Tuhan parjanjian na honok dohot tona-Na nasampulu i nagabe aturan pedoman di pardalanan ni ngolu ni bangso-Na.    
2.    Hatiha dung ro Jesus Sipalua hajolmaon ma tarbuka pembatas namambaen mabiar jana humitir jolma mangadop tu TUHAN (ay.22-24).  Jesus do dalan napadomuhon parjanjian honok dohot naimbaru: gabe padomu parsaoran nadenggan maradopkon Debata (band.Yoh.14:6).  Haru songon i pe nada namandok gabe bisa hita bebas marroha-roha marsuo maribadah dohot Debata.  Angkon ma nian mur hormat jana dibagasan biar (pangargaion na gok) hita maradopkon Tuhan di sude paribadatan na tapatupa. Ulang nian harani kebebasan cara maribadah, gabe mangurahi pangoloion, penghormatan dohot biarta maradopkon Tuhan, anso ulang marlayas Ibana; tapi angkon tongtong ma marsangap.

ÆDison dipaingot hita anso tongtong marusaha padeggan dohot patota paribadatanta dibagasan hormat dohot biar di Tuhan, anso marsangap goarna marhite ibadahta jana taruli pasu-pasuhita mmulak sian paribadatan.
     
II.  Tangihon ma denggan suara ni Debata marhite Ibadah munu (ay. 25-29)
1.        Hormat dohot biar di namaribadah tu TUHAN angkon ma marudut tu pangoloion na denggan di hata dohot tona ni TUHAN. Nada songon biar marnida angka habiaran portibi, najotjot gabe di hindari/ di pasiding. Tapi biar mida Tuhan mandorong hita mur pasolkot diri dohot parsaoran maradopkon ibana.
2.         Hasolkoton di parsaoran tu Tuhan di paribadaton manghasilkon pangoloion na marsitutu di hata dohot tona-Na napadenggan panrngoluon di angka nporsaya. Pongoloion ima muse dipasu-pasu Tuhan gabe marparbatuhon pambaenan na denggan tu angka jolma humaliang dohot marobanhasangapon di goar ni TUHAN.
ÆDibagian na paduahon on mur tangkas di hita udut ni hormat dohot biar di na maribadah angkon tarida marhite angka pangoloion di hata dohot tona ni Tuhan; gabe manghasilkon hadengganan di hajolmaon jana maroban pujian hasangapon di Tuhan.
                            
C. HAHONAAN NI JAMITA
01.Saonnari lalu ma sapa-sapa tu hita : biado sikap dohot tindakan paribadatanta sahonok naon ? Tapelihara do rasa hormat dohot biar mida Tuhan di angka ibadah na tapatupa ?
02. Dia ari naparpudi on mur bahat do halak na menyukai model sanga tata cara ibadah ‘gaya bebas’ alias mengalir tanpa tatanan kendali.  Na gabe sapa-sapa biado luai tongtong dope terjaga sanga terpelihara rasa hormat dohot biar mida Tuhan merhite ragam ni model ibadah i ? Sian turpuk on mur tangkas ma taboto bahaso porlu do tongtong tajago, tapeihara rasa hormat dohot biar mida TUHAN di sude peribadatan tapatupa.
03. Songon naposo ni Tuhan dohot halak nadung honok marhaporsayaan tu Tuhan Jesus angkon manian terpancar sondang dohot parbinotoan di hita di hamuliaon ni Tuhan di ngolu on. Na margogo mangajak halak naporsaya gabe ro marhaporsayaan tu Tuhan. Ulang gabe beralih funsi ibadah pasonangkon dohot mengagungkan manusia, lumobi muda gabe pasego hasangaponni TUHAN.
04. Antong tahangoluhon jana ta amenkon ma hata ni Tuhan on, anso gabe pasu-pasu di hita dohot maroban hadengganan di ngolu paribadatanta.         Amen.

Horas ma,

Pdt.B.Nainggolan, M.Th
     Ka. Biro I - GKPAwidgeo.net

Tidak ada komentar:

Posting Komentar