Bacaan Minggu, 7 Agustus 2011: Masmur 119:9-16

TAKAREJOHONMA PANGAJARAN NI TUHAN  ANSO DOHOT HITA MARHASONANGAN HATORANGAN NI SIBASAON MINGGU 7 DUNG TRINITATIS  MINGGU, 7 AGUSTUS 2011 Jamita : Yohannes 6 : 30 – 35 Sibasaon : Masmur 119:9-16 I. Patujolona. Muda diistilah olah raga, sering do muncul pandohan, adalah lebih susah mempertahankan dari pada merebut.  Pandohanon pasti adong kebenaranna, tapi laing bisa  juo keraguanna, harana  muda mempertahankan, hum sada klub sanga sada Negara do, tapi muda merebut tontu umbahat jana sama-sama berjuang anso dapotan.  Anso bisa bertahan, tontu angkon berusaha do manjago, terus menerus melatih diri, meningkatkan disiplin, waspada di angka tantangan sanga hamaolon na ro sian luar sanga sian tongatonga ni punguani sandiri. Sarupo ma i dohot menjaga kesehatan, mangan taratur, tidur yang cukup, senantiasa menjaga kebersihan, harupe songoni kadang laing tong marnyae.  Laing songonima namarsiajar jana patuluskon hata ni Debata, angkon terus menerus di dasari dohot  haburjuon. II. Hatoranganna. 1. Haburjuon sanga pe pangoloion merupakan hal na mutlak do di hajolmaon maradopkon Debata. Mungkin adong do jolma mangoloi hum di hata sajo, tapi nada ditindaklajuti ia, adong muse songon na so parduli ligion, hape ia ma naumburju mangkarejohon.  Bagi na songon dia pe sikap parduru ni pamatangta, na penting di ujungna pataridahonma pangoloion.  Laing taoku do bahaso bahat tantangan siadopanta namungkin berusaha mangambati hita laho patuluskon hagiot ni Debata. Bisa do marharoroan sian angka dongon niba sandiri, diela-ela halahi hita anso ulang pola tapahombar dirinta dohot hagiot ni Debata, harana merasa halahi nada tarbaen mardomu natorang dohot nagolap.  Terkadang ra do si bolis na gabe pangambati, harana nada giot rohana marsangap Tuhan baenon ni hajolmaon.  Disituasi nasongononma sapa-sapa roha ni Pemazmur jadi didokkon ia ma : Aha ma baenon manjagohon diri anso laing ias sian pangalaho na hodar?  Aturan sanga anggaran rumahtangga ni hajolmaon do?  Undang-undang sanga Surat haputusan? Muda namarharoroan sian hajolmaon, jotjot do disalah gunahon sanga beda prediksi  jana akibatna inda jungada memuaskon jawaban sian hajolmaon.  Domu tu keadaan nasongononma, Pamazmur patorangkon : Tarjagohon hita do dirinta sian hahodaron, jana tarpartahankon hita do dirinta anso marpangalaho na ture, i ma muda tahangoluhon hata ni Debata dipardalananta siganop ari.   Raja Salomo mandok : Ale anaha, ingotma sanga aha nadung huajarkon tu ho. Sanga aha pe sikarejohononmu patulusmai dibagasan ngolu na sintong  anso dapotan pasupasu ho sian Debata   (basa  Amsal  1 : 1 – 10) Angkon laing marulakulak do paingot-ingoton hata i, laing songon na manyimpan hata sipaingot di bagasan roha. 2. Barangkali angkon laing taparkatutu do na  jotojot hita songon sada dalan pamulusan sajo dihata ni Debata. Tabasa, tabege, jana tapaihut-ihut do pandohan ni angka parjamita, tapi humin santongkin sajo do bisa martahan. Laing sarupo tu umpasa ni Tuhan Jesus taringot tu ragam-ragam ni hatubuan ni same.  Adong na madabu di pinggir dalan, jadi dipangan angka pidong, adong na tubu di ginjang batu, hara tipis sajo tanona jadi momo malos, adong na tubu ditonga ni duri, jadi nada magodang harana tarkapit, tapi na tubu di ginjang tano najeges, magodang jana marparbatu marlompit ganda hasilna (basa  Matius  13 : 1 – 8)  Napinangidohon ni Tuhanta di son, angkon tasimpan do pangajaran i sadenggan-dengganna, tapadiar murmartamba, anso nian mur dao dosa sian hita  jana mur badia hita sian ari tu ari.  Taingot do si Maria hatiha umbege hata ni angka parmahan dung sorang Tuhan Jesus, angke dicaritohon halahima taringot tu dakdanak i.  Tapi didok : Anggo si Maria disimpan ia do sudena i dibagasan rohana, jana dipikiri ia ma aha do arti ni sasudena i (basa Lukas 2 : 17 – 19 ).  Jadi bagas sajo do astuan ni namanyimpan, nada humin sekedar ditangihon, tapi laing tong do angkon dipahusor-husor, dirimangrimangi, anso jadi arga situtu pangajaran i. 3. Pangidoan anso diajarkon Tuhan sandok hatontuanNa namarondolon do on taringot di hinaarga, hinaporlu ni pangajaran na marharoroan sian Debata.  Si Musa sandiri pe dipangidohon ia do tu Debata anso nian diajari Debata ia mamake jana mamilangi angka ari-ari na nilehen ni Tuhan di sia (basa  psl. 90 : 12).  Terkadang laing tabaen do istilah au guru di au, pada hal na sasintongna nada au guru di au, Jesus do nampuna au, maksudna laing jotjot do hita mambaen haputusan sandiri, tahatahon hagiotta sandiri, hape nian madung adong do haputusan namardomu tu pardalanan ni ngolunta na angkon si baritahononkon.  Sering do hita maranggapan seolah-olah arta portibi noma naumporlu, naummarga, bahkan namanggohi rohanta, pada hal adong do pe nalobi arga sian sudena i, i ma hata ni Tuhanta. Pemazmur mandok, Na sintong jana haposan do hata ni Tuhan, ummarga muse ma i pado sere na polin jana tumonggi sian angka situak ni loba (basa  Mazmur  19 : 9 – 10). Harani napatut siparsiajaran, jana siajarkononkon do hata ni Debata, angkon haporluhonokon ma i anso jadi martua jana marjob ni roha hita mandalani ngolu parsatongkinan on. III.  Sipahusor-husoronta. - Taharingkotkon, taharinggasonma laho marsiajar jana patuluskon hata ni Debata anso tutu hita dakdanak sipangoloi di adopan ni Tuhanta.  Tujuan ni pangoloion i nada humin sekedar anso dapot pujian hita, tapi anso dapotan job ni roha dohot hadamean na sian Tuhanta do. -  Muda tahaholongi do Tuhan sian nasa roha gogo dohot pikiranta, angkon tapataridahon ma i marhite – hite haradean ni rohanta mangajarkon bope tu anggota keluarganta dohot angka dongan nahumaliang hita (basa Pangarataion 6 :  4 – 9) Pdt. H. Nainggolan, STh Pdt. GKPA  Resort  Batam