Jamita Minggu, 31 Juli 2011: Pangarataion 7:6-12

PANGALAHO NA DENGGAN MARADOPHON BANGSO KANAAN HATORANGAN NI JAMITA MINGGU 6 DUNG TRINITATIS  MINGGU, 31 JULI 2011 Jamita : Pangarataion 7:6-12 Sibasaon : Mateus 28 : 16-20 Patujolo Diuluhon Debata do bangsa Israel haruar sian tano Mesir menuju tano na gok susu dohot situak ni loba. I ma tano Kanaan. Bahat do parungkilon diadopi bangso i. Jotjot do sumurut haporseyaon ni halahi maradopkon Debata. Sipata do luntur kualitas ni hapolimon ni status ni halahi songon sada bangso na dipuldit ni Debata di jolo ni bangso na asing lumobi di jolo ni Debata. Humitir do halahi mangadopi angka bangso na sun margogo di tingki i angke nada tuk hamaloon, si naloan dohot bahat ni pasukan porang ni bangso  Israel laho manaluhon pasukan porang ni angka bangso na di adopan/na dilewatan ni halahi. Halak Het, Girgasi, Amori, halak Kanaan, halak Feris, halak Hewi, halak Jebus angka bangso na sun margogo ma on di antara di bangso na asing na di lewatan ni bangso Israel laho mangingani tano Kanaan. Bolas do dohonon ianggo bangso na 7 na digoaran na ni diginjang i na mewakili hagogoon manang simbol-simbol hagogoon ni angka bangso na asing ma i di na na laho manjuguhi tano Kanaan halahi. Nian di ayat 1 dipatorang do bahaso Debata do na maroban halahi laho masuk tu tano Kanaan. Hara ni i aha pe ragam ni tantangan na giot si adopan ni halahi di pardalanan madung parjolo Debata mamikirkon, mangatasi, mangusir musu sian jolo ni halahi. Isi / Bohal tu Parjamita: Ayat 6: Bangso na dipilih ni Tuhan Tuhan . Bangso na dipabadia ni Tuhan. Pandohan pamulditon di turpuk on nada ungkapan na parjolo be on dipalalu Debata tu bangso Israel. Muda tapamanat di Haruruar 19:5-6 madung dipasahat Tuhan Debata do hata si songoni tu si Musa di dolok Sinai. Hata i do muse, i do na dipatangkas muse tu bangso Israel. Tujuanna anso tongtong bangso Israel porcaya diri  sebagai bangso na di parbadia i ni Debata jala mamparbatuhon pamulditon i di bagasan parngoluanna. Nada pola diraguhon be bahaso tujuan pangguriton ulang tu sude sejarah pardalanon ni bangso Israel mamukka sian tano Mesir lalu tu tano Kanaan, tujuanna  ima na laho manjago habadiaon ni bangso Israel di jolo ni Debata. Biasi songoni? Alusna, baen bahat do bangso na margogo situtu humaliang bangso Israel na mangarongomi haporseaon ni halahi maradopkon Debata. Hara ni i dihaporluhon soso-soso na mansai tagkas antusan ni bangso i hombar tu situasina. Persoalan si songoni on lalu do tu zaman sannari on.Luar biasa do dokdok ni si taonon ni bangso na di parbadiai ni Debata di bagasan goar ni Tuhan Jesus. Menyangkut jaminan hidup, keselamatan jiwa secara pribadi, kelompok,dohot angka na asing. Harani i do lopus tu sadarion porlu do saling menyakinkan bahaso hita angka na diparbadiai ni Debata di bagasan Jesus Kristus angka jolma na dipilit ni Debata do hita. Bangso na dihaholongi jala di hopkop Debata, gari ada didok Debata tu si Musa bangso  kesayangan ni Debata do hita. Suman songon sada arta na dihaholongi ni tuanna na sai di ramoti jala di jagohon ulang sanga malutik, tergores, mago marpinda tangan sanga tuan. Ayat 7-8 : Nada hara ni bahat na Nada adong faktor pendukung mengangkat bangso Israel gabe diparbadiai, dihaholongi dohot diihoti Debata gabe sada bangso na badia di joloNa. Ia so hara ni holong satia ni Debata tu ompung ni bangso Israel si Abraham. Harana Debata madung mangihoti dohot janjiNa tu ompung ni bangso Israel (Haruruar 6:1-7) si Abraham. Di tingki di tano Mesir madung hea dipalalu si Musa tu bangso Israel janji si songon on. Tapi hara ni porhat ni parngoluon di habuangan i nada masuk tu roha dohot haporseaon ni bangso Israel hata i. Buku pangarataion na digurithon ni si panggurit tongon do di masa reformasi Josia hira-hira thn 722 BC. Diperkirahon di bagasan pergumulan na borat do bangso Israel, ingkon mangadopi angka tantangan haporsayaan sian parugamo na asing. Si saonnari pe bahat do ragam ni pergumulon ni halak Kristen di na mempertahankan haporsayaan tu Debata di bagasan Tuhan Jesus. Jumlah ni halak Kristen khusus di Indonesia sangat do otikna muda dipartimbangkon tu parugamo silom. Siingotonta laho paposkon rohanta mangadopi sude angka na borat i bahaso nada hum hara ni bahat na bangso Israel gabe di pili sanga dihamonangkon Tuhan Debata. Tapi hum hara ni holong ni rohaNa do dohot hum hara ni kesetia ni Debata tu janjiNa maradopkon ompung ni na porsaya i. Na he dohot do hita pahompu ni si Abraham, Ishak dohot si Jakub? Muda mangkilala do hita pewaris bonang merah haporsayaan ni si Abraham, Iskhak dan Jakub lalu tu Tuhan Jesus antong dohot do hita dapotan jaminan sian Debata nang pe kelompok minoritas hita di Indonesia on. Ay 9-10 : Parholong do Debata tu angka                  na manghaholongi IbaNA Hasatiaon ni Debata dipatuduhon Ia do dibagasan na patuluskon janjiNa sian sundut tu sundut angka anak ni bangso Israel. Angkup ni hasatiaon ni Debata i di igil Ia do anso di haholongi bangsa Israel Ia melalui na mangkarejohon angka uhumNia. Balik ni i uhumon ni Debata do angka halak na magigi tuSia. Ayat 11-12 : Mangoloi poda ni Tuhan Mangoloi poda ni Tuhan marhite-hite haburjuon manghangoluhon hombar tu ajaran-ajaran ni Tuhan. Haburjuon mangkangoluhon poda, ajaran, uhum ni Tuhan ima dalan ni Debata laho patuduhon holong ni rohaNa na manontong i maradophon bangso Israel nang maradophon hita jolma. Songon las ni roha ni sada ama muda dioloi angka dagdanaknado hata sipaingot sanga aturanna songon i do las ni roha ni Debata mida jolma namangoloi hataNa. Gari ada tehe nada tarbandingkon hita i gumodang dope holong ni roha ni Debata sian angkai sude. Pangarimpunan Jotjot do dipodahon hata ni Debata anso marsigantung tu hata ni Debata parngoluon ni halak Israel. Suang songon i do  tu hita halak Kristen angkon ngolu na marsigantung tu hasintongan ni hata ni Debata do hita di sude perputaran ni ngolunta di portibion. Usaha laho manyosoi anso tontong bangso Israel marsigantung tu hata ni Debata termasuk doi  di latar belakangi harani koras ni tantangan ni hapersayaan naro sian angka bangso parugamo na asing na gumogo dohot na umbahat sian bangso Israel. Angke bangso na tarosak-osak do halahi mamungka haruar sian tano Mesir jala luhutan ni na sun otikna muda diperbandingkon tu bangso na asingi. Muda so harani sikap nasetia tu hata ni Debata do ditiop bangso Israel momo do halahi mago sian adopan ni Debata Suang songon i do bangso ni Debata di bagasan Jesus Kristus, hita angka halak Kristen di portibi on. Menek do etonganta lumodi di Indonesia on muda so harani na mangansahon hasetiaonta mangangkupi hasatiaon ni Debata tu hita momo do ompashonon ni angka bangso dohot parugamo na asing hita. Hara ni i marsigogo tu hata ni Debata marhite Tuhan Jesus Kristus ma tabaen ngolunta on.Amin. P.Siantar 8 Maret 2011 Pdt. A.B Marpaung M.Min MTh