Jamita Minggu, 24 Juli 2011: Johannes 1 : 35-42

MANJALAHI AHA DEHE HAMU? HATORANGAN NI JAMITA MINGGU 5 DUNG TRINITATIS  MINGGU, 24 JULI 2011 JAMITA            : Johannes 1 : 35-42              SIBASAON : Mazmur 114:1-8 I. Patujolo Andorang di Betania (bariba ni Jordan) si Johannes Pandidi rap dohot dua siseanna ro do Jesus mangebati si Johannes Pandidi. On ma na padua halihon ro Jesus mandapotkon si Johannes. Na parjolo ditikki ma padidihon diriNa tu si Johannes. (Mat.3:13-14;Mark.1:9-11;Luk.3:21-22;Joh.1:31-34). Haroro ni Jesus mandapotkon si Johannes ima patuduhon serep dohot unduk ni roha dohot pangoloionNa, songon patujolona paradehon dalan sidalananNa laho papatarhon : Hasosonggop Harajaan ni Debata tu portibion”. (Kunjungan atasan tu bawaan/koordinasi pelayanan Kasih Agave). II. Hatorangan ni Jamita Nada adong tugas na umborat sian haradeon ni roha pasahathon inganan na parjolo na jungada di nikmati tu halak na asing jana mambuat inganan na paduahon gabe gontina. Tapi anggo si Johannes Pandidi di karejohon ia do tugasna songon i. Dung ro Jesus mandapotkon si Johannes manigor dipasahat ia do siseannia na dua i tu Jesus. Gabe ditinggalkon siseannia na dua i ma ia jana diihutkon ma Jesus sian pudi. Manaili ma Jesus tu pudi, jana diarahon Jesus ma halahi manghatai. Artina, Jesus manjagit jana mangalehen kemudahan tu halahi, diungkap Jesus do pintu anso mura halahi masuk. Marhite tindakan ni Jesus on dapot hita ma sada symbol inisiatif  Ilahi, Debata do tongtong mangambil langkah pertama. Tikki pikiran ni jolma i mulai manjalahi Debata jana rohana mulai malungun tu Debata, ro do Debata nada holan sekedar mangurupi tapi manjalo dohot paradehon na porlu, bahkan ro Ibana mandapotkon hita. Agustinus mandok, bahwa kita tidak pernah akan mulai mencari Allah kecuali kalau Allah telah menemukan kita lebih dahulu. Muda tajalahi Debata berarti hita manjalahi na paintehon hita, bahkan Ibana na parjolo ro mandapotkon hita di pardalananta. Dimulai Jesus ma panghataionna dohot sisean ni Si Johannes na dua i ninna Jesus ma,”Manjalahi aha dehe hamu ? Sada hal na sangat relevan do sapa-sapa ni Jesus on pada masa i harana bahat sajo halak manjalahi na dianggap ni halahi porlu. Bahat halak manjalahi hasangapon dohot kuaso songon halak Farise. Bahat muse manjalahi Tokoh Politis Ilahi Pemimpin militer na mampu manaluhon kekuatan penjajah Romawi songon na diulahon ni angka Zealot. Tapi bahat muse do na di bagasan toruk ni roha manjalahi lomo ni roha ni Debata. Hitape porlu do marsapa tu dirinta sandiri, aha do satutuna na hita jalahi? Aha do maksud dohot tujuanta dingolu on? Bahat do halak na manjalahi ketentraman, kedudukan yang aman, hepeng na bahat, harta benda, hidup santai. Muda angka nasongon i dohot mangarahkon parngoluonta. Harana diparngoluon na torus muba-uba nada jungada dapot ketentraman na mapan. Aha do alus ni sisean ni si Johannes i tu Jesus? Giot botoon ni halahi didia do Jesus maringanan. Nada ra halahi manghatai rap dohot Jesus holan di dalan harana manigor salpu do i, giot lolot do halahi marsaor dohot Jesus manghatai persoalan dohot kesulitan ni halahi. ”Beta ma ligi hamu” ninna Jesus, nada holan na giot manghatai halahi diarahon Jesus tapi anso ro halahi gabe jumpang na di jalahi ni halahi jana holan Jesus do na bisa patuduhon. Diparngoluon saonnari on bahat dope halak naso sungguh-sungguh marsaor dohot Kristus marhite na mambege HataNa (Jamita) songon i partangiangonna do ngolu siganup ari harana talu dibaen angka na masa dohot modernisasi gabe Kristen na mangorbit salolot di ngoluna songon pesawat antariksa naso jungada landas tu sasaran/pajumpang dohot Jesus gabe nada jungada manyaksihon, “madung marsuo hami dohot Mesias i, madung hutanda jana rade au mamorsan silangki laho mangihutkon Jesus” Tolu noli si Andreas (Jolma na parjolo mamaritahon Barita nauli tu keluargana/ angkangna) maroban halak na dewasa dohot dakdanak tu Tuhan Jesus, i ma angkangna Simon Petrus.Joh.1:41, dung i dakanak na maniop ihan dohot 5 roti.Joh.6:8-9, dohot halak Gorik namalungun marsuo dohot Jesus.Joh.12:20-22. Bia do hita halak Kristen  dohot ruas ni Parlagutan na dung matoras, piga halak ma dadaboru, halaklahi, namagodang dohot dakdanak na dung taoban pajumpang dohot Jesus, tardidi jana porsaya harani hasaksianta, Jamitanta dohot parsaoran marhite parangenta/pangalahonta? Manang sadia bahat ma halak sundat ro tu Jesus manang nada ra taoban harani hatanta dohot pangalahonta? Manang…mungkin hita sandiri pe naso jungada dope pajumpang dohot Jesus harupe nadung lolot hita gabe Kristen. Halak Kristen na tutu pajumpang dohot Kristus dingoluna nada sonang rohana muda so disaksihon Kristus i tu haholongan ni rohana (Mat.10:32). III. Sipahusor-husoronta Ngolu ni halak Kristen di portibion sarupo do i songon Astronout namangamudihon pesawat Antariksa maninggalhon portibi hageduhon na gok kepalsuan  on mangorbit tu angkasa luar sahat tu bagas ni Damang na di surgo i laho pajumpang dohot Jesus nadung hita tanda, hita saksihon jana na hita haholongi. Amen. Pdt. Bintang O. Lubis, STh Pdt.GKPA Resort Batangtoru