Kamis, 11 November 2010

Cerminan: HORSIK DO MULANA

widgeo.net
HORSIK DO MULANA




Pandok ni baritai, di sada hatiha di andos potang di topi ni laut murngisurngis ma sada anak ni korang tu inangna.didok inangna i ma, biasi murngisurngis ho uncok, na male doho amang sanga na adong do nahancitmu?ning ia manyapai mardongan taroktok namardosar angke asing dirasahon ia urngis-urngis ni anaknai.Mardongan ilu dialusi anakna i ma: inda hoboto inang, infda tardokkon au,harana sude do barnit hulala saonnari pamatangkon,manyihit hulala inang lalu tu ate-atengku.....tolong majolo inang...tolong majolo ning ia mardongan ilu namarabur.Ditailihon inang na i mada pamatang ni anaknai...ma lombam jana banggor mohop dirasohon ia pamatang nai,mardongan ilu didokkon ia tu anak nia i.....ille amang hasianku..indibo horsik do nasolot dipamatang mi, biama baenonku amang?so adong tangan ni inang, biama baenonku manjumput i? Cubo ma jolo marguling-guling betak bia ra taldus ning ia mada mardongan ilu namatudotdot.Marguling mada anak nai i tu jae tu julu...tu dolok tu toruan tapi mur manyoncon do ate-atena, angke mur solot jana bagas do horsik i pantom manombus pamatangna.Marpikir ma inang nai, bianoma baenon tu dia noma paubathonon ning ia huhut res pahae res pahulu harani pultol ni rohania.Inda diboto ia tu dia tondongon na.Anak nai pe inda margeldok be,hosa-hosa solot di toru ni batu i.Mangingking ma pangkilalaan ni inang nai garse harani marsak ni rohana.Tep ninna mamolus ma sada tobang-tobang mandehem mambaen tarhalak halahi nadua tapi matondo harani poranna arsak dohot hancit nanitaon ni inang dohot anak nai.Biasi songon i hamu nadua inang? Songon namarsak do hamu huida?iale amang...indon bo si uncok...masuk horsik tu pamatang nia,inda huboto bia baenon...ma hami sapai tu jae tujulu,marragam rupo patunjuk na dilehen ni dongan,tapi inda adong nabisa pamalumkon,nada huboto beda amang tu magon noma mate au anso ulang hupaida-ida partinaonan ni anakkon.Marputor noma dilala amanta on mambege carito i.Tep ning ia ma mangalusi : au pe inda sipangubati au inang, inda bisa hubuat horsik nadipamatang ni anak mi,tapi bia diho uncok, ra do ho hudokkon?Songon naso porsaya anaknai dialusi ia....ra do au tulang. Antong songononma:Nada pola jalahan ta bayo datu laho pamalum ho...ho sandiri ma bere mangubati ho..jagit mai gabe songon sada takdir diho, ulang ho malingkas tu,marasok asok balut ma horsik i dohot gota ni pamatang mi...songon ima baen tolu noli sadari, asok-asok rohai,tapi nada manigor mago nahancit i,torus ma songon i baen,porsaya ma ho malum do i haduan.Au pe kehe ma au angke adong karejongku dibaribaan.Dung kehe bayo i jana holip sian panatapan ni halahi, ning ia ma tu anak nia i: bia narohamu uncok, masuk diakal dehe i?Inda huboto inang tapi hucubo pe....res burangkit ia jana dipapayak ia tu tu bariba di lambung ni batu karang narimbun i,dibaluti ia asok asok harupe manyiak lain dipupu ia ganop ari...mur lolot..mur songon na lumambok dilala ia harupe sasanoli laing barnit pangkilalaanna.Huhul songon namarnipi...dirasohon ia mur so taraso be....inang nai pe jop jana moga rohana,angke mur godang-godang ancimun anaknai harupe jotjot tarsongon na munggaluanggal parlangena angke huhul manyontung do dilalaia sian bagasan.Nasopamotoan nia hape madung margonti horsik i gabe mutiara na jeges jana na arga situtu.Tudosan do pangalaho on domu tu angka na taadopi dibagasan parngoluanta be,angke bisa do masa dibagasan ngolunta pangalaho nasongon i,bahat do arsak dohot boban na taparsiranggutkon dibagasan ngolunta.Songon sumbia napantom manyusuk ate-ate dohot rohanta....songon duri nasolot diantara ni sisilonta mambaen mangingking pangkilalaanta.Marsapa hita dibagasan rohanta : “ Sian dia do ro pangurupion di au”jotjot nada adong alus....muda pe adong alus, nada nada murmalumbang pangkilalaanta...mur manyosak..mur mayoncon tu ate-ate mabaen sosonang hita mandalani ngolu on.Marragam rupo namanyosak...marragam rupo namambugangi...nada podo malum hancit nasada maro manyosak hancit na asing, gabe jotjot tadokkon “iale bagiankon”.Dongan nadua tolu na dijae dohot nadijulu, bisa do ra amang tabaen bage sorminan anak ni korang i,angke taboto jana tahaporsayai do dilehen jesus do gogo dohot kuaso di hita marhite-hite Tondi Porbadia anso margogo hita mardongan haporsayaan laho mambaen arsak gabe jop ni roha,hangaluton gabe andung,sumbia gabe ende dohot pesta.

Suang songon i do na tarjadi dipengalaman nisi: Sidharta Gautama,Mahatma Gandhi,Abdul haris Nasution,Kim Dae Jung bope Nelson Mandela.Hasobaron,cita cita dohot pandang tujolo ni halahi asok do pardalanna tapi hasongtian jana diujungna gabe tarbonggal halahi gabe pribadi na unggul na di hormati.Dongan na dua tolu, ama ina,na poso nama tobang pe di sosohon pangalaho dohot tudosan ni korang i do nang tu hita; aha pe hangaluton hamarsahan i,andigan pei,biape mocomna songon na didok di buku ende i do “ taon ma,taon ma” angke hum sangonmbas doi..dihatihana mangarade ma ho gabe halak na luar biasa.Songon sada halak naporsaya tu Yesus pahibul ma rohamu taon ma..angke didok diYesus di Mateus 16:20 i di ujungna monang doho....gabe songon korang i...manguba horsik gabe mutiara na arga.Amin.

Tidak ada komentar:

Posting Komentar