Khotbah Minggu, 19 Desember 2010: Sefanya 3 : 9 – 13

HONA UHUM JANA DIPALUA YERUSALEM HATORANGAN NI JAMITA MINGGU ADVENT IV MINGGU, 19 DESEMBER 2010 Jamita : Sefanya  3 : 9 – 13 Sibasaon : Lukas 1 : 46 – 55  Patujolo Nabi Jefanya i ma sada keturunan ni raja Hizkia, na markarejo di tingki masa kerja ni raja Yosia markuaso di Yehuda (1:1) andorang so terjadi dope reformasi Yosia thn 622 seb. M. Cara berpikir ni nabi Jefanya hampir sarupa do tu nabi Amos. Dilumbahon ia do taringot tu haroro ni Ari Ni Tuhan na manghorhon parngoluon di bagasan hagolapan ni bangso Yehuda. Nang pe songon i koras ni nubuatan ni nabi Jefanya laing tong do dilumbahon ia muse taringot tu haluaan ni bangso Israel  muda terbuka roha dohot pikiran ni halahi tu haubaan ni parange, marhite na padonok dirina tu Debata. Astuanna bahaso adong dope tingki parasian di angka jolma pardosa laho mangubah haporsayaanna naso tangkas di jolo ni Debata. Cemburu do Debata marnida bangso Israel na kehe manyomba debata gana-ganaan (1:4), singkat ni na manyomba gana-ganaan i dok si Jefanya bahaso paiason ni Debata noma bangsoi jala ingkon mulak noma halahi marsomba hum tu Debata ni Israel (3:9). Sisa ni bangso na dipaiasNa i paluaon ni Debata ma sian ragam ni angka parhancitan dohot pandugaan (3:11-13). Koras do barita nubuatan na di pasahat ni nabi Zafanya tu halak Yahuda, nabi na tergolong aktif, berperan besar laho paubahan sikap, mental ni bangso Israel. Nada ra ia songon nabi na asing naterikat tu sistem sanga pe lembaga pemerintahan, lembaga kerajaan na sedang berkuasa. Harana muda terikat do ia tu sistem si songon i nada bebas be ia mangkarejohon otoritas ni hanabion nia khususna laho manghatahon barita hasintongan di tonga-tonga ni negara. Otik do nabi nasa rombang dohot ia sebalikna bahatan do angka nabi na paihotkon hanabianna tu sistem na berlaku di tonga-tonga ni pemerintahan, kerajaan, penguasa di tingki i sehingga jotjot do pengalaman ni nabi na gabe madabu tu na tarpangan tanggo-tanggo sehingga nada mambaritahon barita hasintongan na sian Debata be dikarejohon halahi. Tapi gabe manjamitahon barita hum si jop ni roha ni penguasa noma dikarejohon halahi. Berangsur-angsur gabe humurang noma hatajoman ni pandangan, tingkat kritis  ni halahi laho marnida angka perubahan naso marpihak tu rakyat na menek. Nada gabe na kritis be halahi marnida perubahan na dikondisihon ni penguasa na manguntungkon dirina dohot dongan kolusina di bidang ekonomi, politik, sosial, dohot na asing na i. Isi/Bohal ni Parjamita Ayat 9-10:  Debata ni Bangso Israel Muda sai dipadao sian hagiot ni Debata gabe marragam ma na masa di bagasan parkarejoan ni angka jolma, masa ma disi parkarejoan na mambaen hancit ni roha ni jolma dohot roha ni Debata. Musim ma na marsipisatan jolma tu jolma di inganan parkarejoanna, masa ma pamimpin na marroha-roha tu bawahanna, masa ma hakim na hum manyincop mudar ni angka na marpogos manggadis hasintongan saarga ni rupiah, muncul ma panurirang sanga imom sigadis hata ni Tuhan dohot arga ni rupiah. Sikap ni bangso Israel lumobi angka pamimpinna na si songon i dipatudos doi tu singa na marngaur-ngaur hara ni na malean, lahap tu si panganon tapi lupa tu tanggungjawabna i ma na paulihon angka kesejahteraan ni rakyatna, malim ni halahi pe manghodari habadiaan noma karejona. Marnida sikap sisongon i sude sogo ma roha ni Debata jala hara ni sikap ni angka pamimpin na mengecewakan sisongon i ma mambaen turun tangan Debata laho paulihon marhite-hite cara na mangaroncohon angka bangso na maninggalkon Tona ni Debata. Bangso Israel sebagai bangso pilihan ni Debata suman tu angka bangso naso mananda Debata do angka pangalahona na manghorhon hahaila ni Debata hara ni pangalahona naso suman sebagai anak hasian ni Debata. Harana lumobi dope tehe jahatna sikap ni halahi sian sikap ni angka bangso na asingi (3:7). Tu situasi sisongon i ma dilumbahon si Jefanya ancaman bahaso ro ma ari hagolapan manimpo halahi singkat ni angka pambaenanna naso suman songon sada anak ni Debata. Marsangkap ma Debata laho papunguhon bangso-bangso na asing anso marhite-hite halahi usehonon ni Debata ma rimasNa tu bangso Israel. Tujuan ni Debata anso marhite-hite penjajahan ni bangso na asing i gabe terproses ma haporsayaan ni bangso Israel menuju tu na lebih sempurna manghaporsayai Debata. Dihirim Debata do anso hum tuSia sajo noma bangso Israel marsomba, martangiang. Malah di luar ni bangso Israel pe dihirim roha ni Debata do anso marsomba tu Debata, donok tu Debata dohot tu Yerusalem isarana angka bangso-bangso na humaliang ni Israel, sian sude desa naualu naung marserak hara ni parpiarpiar ni muruk ni Debata na hinan tu halahi. Lam tangkas do i diattusan sian pandohan ni Debata na mangkirim bangsona na maringanan di Kasdim anso ro padonok dirina tu Yerusalem  marsomba tu Debata ni Israel. Ayat 11-12: Nada denggan maila Debata na sun margogo do Debata ni Israel, tuk do hagogoonna mangastui sude angka na masa hara ni ragam ni pergumulan na menyentuh tampuk ni pusu-pusu ni angka jolma. Ise na dorgak pardalanna jala na gakgak panailina diida Debata do i. Sabalikna ise ma na maheu dohot na maila pardompahanna hara ni na manyolsoli dirina di angka pambaenanna naso tama di jolo ni Debata tangkas do i ditanda Debata. Astuanna dibangun Debata do semangat hidup ni angka bangso na porsaya tu Debata huhut na mananda dirina jala didok Debata anso ulang pola maila halahi maradophon Debata. Dijanjihon Debata do bahaso sada bangso na toruk  rohana marhite nasai ro mangido pangurupion ni Debata na gabe pewaris dolok habadiaon ni Debata muse. Astuanna muda pewaris habadiaon ni Debata martujuan do i sebagai bangso na di parorot ni Debata, bangso na dimiyahan ni Debata sijagit pasu-pasu ni Debata. Ayat 13: Bangso na malua Tujuan ni Hata ni Debata na mandok bangso na malua, i ma manuju tu pasi-pasi ni bangso Israel di tingki diusehon murukNa marhite-hite bangso-bangso na gogo laho mamorangi bangso Israel adong do tutu na tinggal sian halahi i ma na didokNa pasi-pasi ni bangso Israel. Biasana angka jolma na padonok dirina do halak on tu Debata, jolma na marhaposan hum tu Debata. Halahi ma na didokna di ayat 13 on sebagai bangso na malua sian pisat-pisat ni bangso suruan ni Debata. Sikap ni halahi pe sai patuduhon dame, bersikap ramah dohot rukun tu angka donganna jolma, nada ra margabus huhut pasipi-sipi hasintongan ni Hata Ni  Debata, nada ra berhianat tu Hata ni Debata. Sebalikna jolma na so mabiar be halahi  sanga tu ise, nada jolma na trauma tu hajahaton ni bangso na humaliang harana jolma parroha dame do halahi di baen Debata. Mangihutkon pangalaman ni angka na porsaya tu Hara ni Debata pasu-pasu na godang do i muda sai mian dame di roha ni angka jolma maradopkon donganna jolma. Pangarimpunan  Muda naung tangkas do tajagit Debata ni Israel di bagasan Tuhan Yesus Kristus na gabe sipalua hita sian ragam ni parmaraan portibi lalu tu Banua Ginjang ulang be antong tajalahi gogo ni debata na asing, debata sileban. Parhancitan do hinorhon ni na mardehatahon debata sileban. Muda dung ta undukkon do Yesus Kristus Anak Ni Debata Sipalua hita sian ragam ni hadosaon tajagit ma pasu-pasu roha Dame sian Ibana harana Sioban Dame do Ibana, Sioban Jop ni roha, Si palua hita sian sorot ni hamatean, dipangolu Ia hita sapanjang di Surgo hasonangan i rap dohot Ibana. Mangolu manang na mate pe hita hot ma haporsayaanta di Bagasan Goar Ni Yesus Kristus Anak Ni Debata. Pematangsiantar, 05 Maret 2010 Pdt. Adolv Bastian Marpaung, MTh. Pdt.GKPA Resort P.Siantar