Bacaan Alkitab Minggu, 10 Mei 2015: Mazmur 22:25-31

DENGAN KUASA ROS KUDUS MEMULIAKAN ALLAH Mazmur 22:25-31                                  Minggu Rogate                                                   Minggu, 10 Mei 2015 PATUJOLO D i tingki kuliah hami, adong sada sapa-sapa nasai tongtong hami ingot, sapa-sapa nanilehen ni dosen psikologi. Sapa-sapaon singkat dan jelas holan dua kata do nian, tapi maol mura do alusna, jana disuru do hami merenung sampe sadari holan manjawab sapa-sapaon, sapa-sapana ima: SIAPAKAH AKU?.  Ise do hita jolma namangoluon? Adong do jolma sai mamingkiri haiseon ni dirina (panandaion diri) tapi adong do naso pola diparsapahon taringot tusi namandok: loja mahita mamikiri i, tadalanima songoni ngoluon, ai ngoluon songon aek na mamolus sambingdo. Latar belakangni turpuk on disapai pemazmur do hadirionna di adopan ni portibion maradopkon angka musuna. Adong dua panandaion ni Pemazmur taringot tu dirina: 1.      Dilemastis do pemazmur mananda dirina, harana disada tingki diida ibana dirina sai songon nani tinggalhon ni Debata ibana, tangkas tarida dianggukna sarupa songon anggukni Tuhan Jesus ditingki hayu parsilang namandok Ale Debatakku-Debatakku biasi tinggalkononMu au? hape di na asing di akui ibana do na tangido Tuhan di pio-pio ni angka naporsaya. 2.      Digambarhon pemazmur do dirina nadung songon goya nada jolma ( ayat 7). Sian panandaion di dirina sandiri, sian hasaksian ni ngoluna jana sian bahatni pasu-pasu ni Debata mangadopi angka ragam ni musuna sudenai Debata do namargogoihon ngoluna. Di turpukuhon mangalehen tu hita haimbaruon, biado halak naporsaya mangantusi dalan ni Debata jana aha ende naimbaru di ngoluni angka naporsaya. marnida panandaion di Debata naso jungada manadikkon ibana, Debata natama si pujion ni sandok bangso. Debata natinanda ima Debata nasolider tu angka na dangol. Debata naso layas rohana tu angka nadangol, nada ditabunihon bohina maradopkon jolma, ditangihondo anggukna. Di ida pemazmur nada holan di bangso Israel dohot haha anggina mamuji-muji Debata tapi dapot do tingkina haimbaruon di portibion. Harani i harajaon ni Debata nada holan baga-baga sambing. Pemazmur marnida paboa sogot sai mangando na dangol jala butongan, mamuji-muji Debata do angka na jalak-jalak di ibana. Sude halak na jukkat marsomba tu Sia, sandok bangso ni jolma mangundukma tuSia. Oloan ni angka sundut na mangihut tu TUHAN, marsundut-sundut Ibana mamaritahonna, tu bangso na umpudi tubu paboaonna do barita" Madung dipalua Tuhan BangsiNia) Sian Parbatu ni haporsayaan ni pemazmur di ngoluna naengma nian di hita taruli kesadaran naimbaru, paradikma naimbaru di ngolutta. 1.      Porludo hita mananda dirinta di adopan ni Debata, isema au diadopan ni Debata? 2.      Porlu do hita mangarimangi aha do nadung tajagit sian Debata. Aha nadung dibaen Debata tu au? jana aha nadung hubaen tu Debata? anso mur mandok tarimakasi hita tu Debata 3.      Muda dung tabolus, jala taboto haluaon nadung tajagit marharoroan sian Debata, taingotma Debata na tatanda Ia ma Debata naso si ida bohi, naso ra padaohon bohina sian angka na dangol. Ditatap do angka nadangoli. Harani i tanda ni halak naporsaya hita di Debata tagararma utangta tu Debata marhite mambuka rohatta manatap/mangaligi angka donganta napogos, natarsosak sanga pe nadangol. Muda dung dipalua Debata hita sian hapogoson, sian utang, sian ragamni pardangolan, nuaengma tingkina hita mangalehen rohatta mangurupi donganta na dangol, nasa na tabaen tu angka donganta na dangol na tu Debata doi. (Matius 25:40). 4.      Ungkapma rohanta na mamaritahon haluaan na sian Tuhani, nada holan Tu punguanta, tu Hurianta, tapi ingkon tu sude lingkungan tarlumobi tu angka sundut naumposo/ianakkonta anso di ingot halahi bahaso Debata do Sipujion dingoluna. Amen Salam Kasih Diak. Merni Pakpahan Panti Asuhan Debora