Khotbah Minggu, 31 Mei 2015: Yesaya 6:1-8

MAHULIGIN DEBATA Yesaya 6:1-8 Minggu, 31 Mei 2015 Minggu Trinitatis (Minggu UEM) I.              PATUJOLO M arragam do cara ni Debata dinalaho patuduhon HadirionNa dohot pasahatkon angka sangkap ni rohaNa tu jolma na ditompaNa i. Tangkas do i hita ligi marhite ngolu ni angka nadipake Debata gabe panurirangNa. Adong do na dipio Debata hatiha marmahan, contohna Si Musa. Ro do Debata tu si Musa patuduhon diriNa melalui api jana disima dipio Debata si Musa di nalaho paboahon na giot paluaon ni Debatama bangso Israel sian tano Mesir (Haruruar 3:1-22). Hatiha disaba ro do Debata tu si Elisa marhite si Elia laho mamio si Elisa na gabe sada panuriang (1 Raja-raja 19:19-21). Tu Bangso Israel dipatudohon Debata do diriNa marhite tiang ombun dohot tiang api (Haruruar 13:17-22). Tu si Jesaya, dipatuduhon Debata do DiriNa marhite serafim namarjilam songon api. II.           HATORANGAN A.            Partingkian di pamion ni si Jesaya Si Jesaya ima halak Jehuda, markarejo do ia songon sada naposo ni Debata hira-hira 40 taon lolotna. Dimulai ma i sian masa akhir ngolu ni Raja Usia sampai tu pemerintahan ni Raja Yotam, Ahas dohot si Hiska. Menurut Sejarah bangsa Israel Raja Usia marujung ngolu ima di taon 740 SM. Sada bukti sejarah do on namandukung taringot tu peristiwa ni pamioon ni Debata tu si Jesaya bahaso na tutu terjadi ima di taon 740 SM. B.            Pangkobasion tu si Jesaya Dipatuduhon Tuhan DiriNa Dinalaho patuluskon sangkap na godang i ima paturehon ngolu ni Bangso Israel dijalahi Debata do halak na ra gabe naposoNa. Dipatuduhon ia do diriNa tu si Jesaya. Di na diligi ni si Jesaya Tuhan, dipajojor ia partondingna;" juguk do Ia diginjang ni habangsaNia na gincat jana marmulia. Di gohi ujung ni jubaNia i do bagas na badia i. Jongjong do humaliang angka serafim namarjilam songon api namarhabong onom be (ayat 2). Ima sada gombaran ni habangsa na so tarpatudos tu habangsa na adong diportibion. Harana na mangarajai ima Debata Nabadia. Debata tarsirang do sian jolma harani dosa, harupe songoni nada dipadiar Debata jolma i, sangape harana marsirang Debata sian jolma i gabe roha-roha ni jolma i mambaen angka na so pade. Justru habadiaon ni Debata i do namambaen jolma i tarpabadia. Nabadia, nasangap jana marmulia do TUHAN ima na di ida si Jesaya taringot tu hadirion ni Debata. Molo tapatangkas taringot tu kerajaan nadipimpin ni Raja Usia ima hatiha masa ningoluna tangkas do i dipanatapan ni si Jesaya bahaso kerajaan i gok hamuliaon dohot hasangapon, tapi dihatiha Raja Usia marujung ngolu tinggal do sudena i. Gabe marpanandaion ma si Jesaya hamuliaon niportibi marujung do i tapi hamuliaon ni Debata hot do salolotlolotna. Dipatangkas do i tu si Jesaya marhite-hite namarsipioan serafim i namandok:" nabadia, nabadia nabadia do TUHAN na Markuaso i, di gohi hamuliaon Nia do portibion". Ditanda si Jesaya dirina Sasudena na dung diligi si Jesaya ima taringot tu Debata digombaran Nabadia i, na juguk di tahta nagincat jana marmulia, jubaNa manggohi bagas nabadia, serafim manjago tahta i huhut manyomba Debata ima namambaen si Jesaya gabe sadar bahaso dirina ima jolma pardosa na tinggal di tonga-tonga ni bangso pardosa. Disadari si Jesaya do ringkot ni asi ni roha nara mangumpi ia harana madung di ligi ia Debata ima Debata Namarkuaso i. Manigor ditanda ia do dirinia. jolma pardosa do ia marhite-hite sude Tu si Jesaya. dipatuduhon Debata do DiriNa marhite serafim namarjilam songon api. Tangkas asi ni roha ni Debata di si Jesaya, tutu do i muda dibagasan dosa ngolu niba gabe magopo do ngolu niba i, angke upa ni dosa ima hamatean (Roma 6:23). Ro do sahalak sian serafim i maroban banggar na dibuat sian langgatan i jana dipadaiskon do banggar i tu bibir ni si Jesaya nagabe songon sada hataridaan na dung disesa Debata hasalaan dohot sude dosa nia. Ngolu ni bangso Israel pe tangkas di dipangaliginan ni si Jesaya na gok dohot dosa. Nada badia be bangso nadipili ni Debata i. Inda hara na so mayomba Debata halahi umbaen namardosa, harana sasude taringot tu aturan i dipatupa halahi do i. Tapi harana so ra do halahi mambege hata ni Debata (Yesaya 6:8-10). Tangkas do hagiot ni Debata tu bangso Israel ima hataridaan ni ngolu songon sada bangso nadung dipabadia Debata marhite pangalaho (Yes 1:16-17) Unsur-unsur ni ni ibadah tanpa pangoloion tu Debata nada adong arti ni i (Yesaya 1:11-15), gabe sisoada do i. Disadari si Jesaya do uhuman nada mambaen muba roha ni bangso i, hara ni ima gabe murtangkasma disia sangkap ni Debata ima nagiot paubahon ngolu ni bangso na i. Sangkap ni Debata ima aso muba bangso i marhite roha namarpangoloion tu Debata, mananda diri jolma nadung mardosa dohot ra manjagit haluaon na sian Debata ima nagabe landasan utama dibarita nagiot sipasahaton nisi Jesaya tu bangso i. Si Jesaya mangoloi Tuhan Dung dipabadia Debata si Jesaya dibege ia ma sora ni Tuhan namandok: " Ise do sisuruonKu? Ise do na gabe sioban barita sian hita?. On ma sapa-sapa namangharingkotkon ketulusan dohot keiklasan ni roha. Nada na so bisa Debata marsuru si Jesaya tapi dipangido Debata ulang ma nian hara ni na disuru ni Debata, tapi adongma nian roha namangharingkotkon napaturehon ngolu ni bangso i. Ima songon sada bentuk tanggungjawab bahaso songon sada utusan na maroban barita angkon marroha nadenggan ma ia. Molo dibahasa Indonesia didok namarintegritas. Nada holan mandongkon tapi pardalanan ni ngoluna manjadi barita nauli. Disapa-sapa ni Debata tangkas do alus ni si Jesaya namandok.," Dison do au, suru ma au. Ima sada alus napatudohon roha siap dohot marpangoloion. III.        PANUTUP Bahatdo ngolu ni jolma dibagasan dosa. Marminggu do nian dohot ringgas tu punguan tapi kosong do molo pangoloionna taringot tu namangkangoluhon hata ni Debata. Gabe adong ma istilah-istilah namandok Kristen 'Tomat' (Minggu Tobat, senin-sabtu Kumat), adong Istilah Kristen Martiul (Marminggu tingki ulaon; ulaon Pandidion, malua, pasu-pasu marbagas dll). Sarupa dohot sapa-sapa na tu si Jesaya:"Jotjot do satutuna disapai Debata hita; "Ise do si suruonKu? Ise do nagabe sioaban barita sian hita?. Dipatangkas Debata tu hita: ise do na ra paturehon angka Kristen na songoni? Tabege do sapa-sapai tapi jotjot do alusta mandok:"Di son do au Tuhan, tapi utusma na asing,"ima marhite pambaenan tadongkon inda sanggup au paturehon huria i, na asing ma. Taelakkon sangkap ni Debata dingolunta dohot angka dongantta marhite pambahenanta. Hape Debata Nabadia i marsangkap mambaen angka nadenggan di ngolunta. Ra do Ia patuduhon dirina tu hita harupe jolma pardosa hita. Badia do Debatama jana marmulia. Tangkas do i tarida dingolu ni si Jesaya. Nada holan Debata na badia tapi dipabadia ia do hita sude jolma. Hara ni ima molo ro sapa-sapa ni Debata rap alusima songon alus ni si Jesaya:" Dison do au Tuhan, suru ma au" Pdt. Take Sister Harianja, S.Th Pendeta Resort Simanosor