Khotbah Minggu, 10 Mei 2015: Kisah 10:44-48

DENGAN KUASA ROH KUDUS MEMULIAKAN ALLAH Baenon ni Angka Rasul 10:44-48                                  Minggu Rogate                                                   Minggu 10 Mei 2015 PATUJOLO D amang dainang nadihaholongan, madung tarayahon sada pesta na godang ima pesta hangongotni Tuhanta Jesus Kristus sian hamatean harani dosa ni angka jolma. Jana opat ari nai tarayahon ma muse ari hananaek ni Tuhanta Jesus Kristus tu surgo nalaho paradehon inganan tu hita angka naporsaya, udutni i tarayahon muse ari haroro ni Tondi Parbadia,  jana jamitaon manyungguli hita songon dia do peranan ni Tondi Parbadia i tu hita angka jolma. HATORANGAN 1.             Tondi Parbadia Pasadahon Angka namarragam-ragam Diadopan ni Debata, sarupa do sude jolma sanga songon diape status sosialna, ahape bangsona, naso ditanda hian gabe ditanda, gabe sada jolmai dame tarpasu-pasu nada mardia imbar. Tapi nataligi kenyataan bahatdo penggolongan di baen angka jolma di masyarakat di sandok portibion, termasuk mai pengelompokan agama, najotjot gabe manyegoi angka parsaoran di hajolmaon. Suang songoni do namasa di ayat sebelum turpukon, diantahido anso unang mardongan angka halak Jahudi dohot naso Jahudi, harani i gabe muruk do angka dongan ni Apostel Petrus di nakehe ibana tubagas ni si Kornelius. Mansai menarik do dialog ni Apostel Petrus dohot si Kornelius (ayat 30-34) harani angka ragamni perbedaan na adong di halahi. Ternyata terbuka do halahi manaringoti taringot tu angka nadiantusina dohot tu angka nanihaporsayaan ni halahi, digambarhon maon songon angka pangalaho nadung dewasa, mangargahon perbedaan. Tapi sudena on bisa terjadi harana adong pengalaman partondion sangape tondi porbadia markarejo di Apostel Petrus dohot si Kornelius, on ma manandahon bahaso Tondi Parbadia pasadahon angka namarragami. 2.             Tondi Parbadia Saor tu angka na Porsaya Dinamakkatai dope Apostel Petrus saorma Tondi Parbadia tu angka naumbegesa, tu sude jolma na tangi di hatani Tuhan nani pasahatni Apostel Petrus, tangi jana porsaya do halahi di nanipasahat ni Apostel Petrusi. Dison tarida bahaso Tondi Parbadia saor do tu sude angka naporsaya, tanpa memandang statu sosial, suku, agama dll. Jana jabat do longan halahi mangaligi namasai harana dinasalelengon bahat do sian halahi na selalu membenarkan dirinabe, dison dipatuduhon Debata bahaso tu sude jolma holong do rohana, nada mardia imbar dibaen holongnai tu jolma. 3.             Marhite Tondi Porbadia  mur bahat halak na porsaya mangaligi namasai heran do halahi jana murbahat angka naporsaya tu Tuhan, jana dipandidihon dibagasan goar ni Jesus Kristus, Porsaya tu Jesus jana mangihutkon Jesus, di angka namasai gabe marmuliama Tuhan. APLIKASI/PENUTUP Damang dainang nanihaholongan, penggolongan-penggolongan na tarjadi di tingki on na da hal na asingbe di hita jolma, nada holan status sosial, agama, suku, tapi ma dohot antar gereja. Sai adong na merasa bahaso holan garejana sambing na di gohi Tondi Parbadia, holan pamujianna nadijagit ni Tuhan, holan tangiangna naditangihon Tuhan, onma na mambahen parsaoranni gabe sego na gabe tubu persaingan, muda tung  adongpe songonon di tonga-tonganta, naengma nian hita na gabe sioban hadamen, pasadahon anso gabe marmulia Tuhan diportibion. Tahaburjuhonma manangihon hatani Tuhan songon angka namanangihon hata nanipasahat ni Apostel Petrus. Tangima hita di suara ni Tuhan na namarsuru hita nalaho mamaritahon hatana, mamboan jolma tu hasadaan nang hadameon. Mandok tarimakasihma hita tu Tuhan di nadung ditongos tu hita Tondi Parbadia, nalaho mangajari jana mamboan hita tu mur tudengganna anso marbatu tondi di hita (Galatia 5:22). Amen Salam Kasih: Diak. Merni Pakpahan Panti Asuhan Debora