Bacaan Minggu, 24 Mei 2015: Mazmur 139:1-12

NADA ADONG NA BUNI DI DEBATA Minggu Pentakosta,                                                  Jamita         : B.A Rasul  2:22-38 Minggu, 24 Mei 2015                                               Sibasaon     : Mazmur 139:1-12    A dong do halak marpandapot taringot tu angka persoalan dosa marhite pikiran mandok “pikiran negatif yang melintasi benak manusia bukanlah dosa. Namun kalau kita memendam pikiran itu di dalam hati kita dan mewujutkannya dalam tindakan negatif maka muncullah dosa. Karena itu manusia perlu melawan pikiran negatif itu dan segera menyerahkannya kepada Tuhan”. Hape muda Tona ni Debata ma tangkas mandok “unang impor rohamu…” na marastuan bahaso hum dipikiran sajo pe giot mambaen na jahat anggo di jolo ni Debata madung saut jana madung gabe dosa. Adong do na jolo sada goar ni permainan ni dakdanak di Sipirok na margoar “marceknong/martabuni”. Uhuman tu na talu “marsuten” i ma manjalahi angka dongan na martabuni, ra do sampe loja iba manjalahi tu parik ni bagas ni halak, hape ma mulak angka na dijalahi tu pos. muda inda adong na dapot iba marlanjut ma muse uhuman i, hum na manjalahi sajo ma karejo lopus tu na mantak. Di hita halak batak pe adong muse do istilah na mandok “nada di ida mata di ida roha”. Ima kelemahan ni jolma, bahat do jolma marceknong/ martabuni dibagasan ngoluna laho mambaen dosa, bisa do mungkin di ida roha tapi inda bisa tartudu harana muda inda sintong gabe di dok halak “pitnah”. Tapi taboto do anggo di jolo ni Debata inda adong na buni. Salaho tusi do di dok si Pemazmur di bagasan turpuk on. Disadari ibana do hahurangan ni dirina na jotjot madabu tu bagasan pikiran-pikiran na jahat dohot pambaenan na sala, harupe inda di ida jolma tapi anggo di Debata patar sajo do hape (Kel.20:2-17, Gal 5:19-21). Hara ni i ibana maila jana giot mandao sian jolo ni Debata hara ni keputus asaan menguasai dirina (ay 11-12). Tapi di sisi lain di hadirion ni si Pemazmur tarida hita pemikiran na sabalikna, harana muda mandao sian Debata hara ni dosa inda penyelesaian na denggan, harana anggo di Debata parmulah ni parjahat i do na gabe si jop ni rohana…  Lobi sian i tu dia pe ibana martabuni tong do i di ida Debata jana inda bisa malua sian uhumNa. Mandao sia jolo ni Debata inda sada penyelesaian na denggan jala pasonangkon tondina tapi gabe dikojar-kojar halinuna sandiri. Jolma i nada bisa menghindar sian jolo ni Debata (Kis 17:28). Giot menghindar sian Debata tu langit na tumimbo sanga tu banua toru ni halak na mate sanga di ujung ni laut, di si do Debata (Job 17:13). Astuanna, Pemazmur manyadari tangan ni Debata tuk do laho manangkup tu dia pe jolma i kehe, bahkan tu portibi ni halak na mate pe (Job 26:6, Amos 9:2) disi do Debata. Muda ta pardiatehon angka na masa nuaeng, ma mur bahat jolma inda mabiar mangkarejohon angka dosa. Isarana korupsi mulai sian tinggkat masyarakat lopus tu paemerintahan na tumimbo merajalela. Bahkan na umborat adong muse do pe kasus di Gareja na manangko durung-durung. Maralo do nian tu taroktokna tapi hara ni na gumogo sibolis mamarenta dibagasan rohana nada parduli ia disi. Tapi anggo di jolo ni Debata sude nai sigop sangan leleng angkon dapaotan upana harana muda tasuan jelok angko jelok do antong siputihonta. Marhite turpuk on adong piga-piga na gabe ondolan tu Jamita : 1.      Bisa do jolma manabunihon hasalaanna di jolo ni angka donganna tapi anggo di jolo ni Debata patar do i sasudena (omni presence/Allah hadir di semua tempat dohot keadaan). 2.      Sikap sadar diri tu sude hasalaan songon hata ni pemazmur on porlu do i ta renunggkon dohot tatiru. Unang gabe tu hasalaan ni halak tajom panailinta hape hasalaanta sandiri do pe dao gumodang. 3.      Angkon sadar do hita di ketidak mampuanta laho mangadopi persoalan parngoluon, jana mangido gogo sian Debata anso dipatudu Ibana tu hita jalan keluar. Pdt.GP.Simbolon,S.Th Resort.P. Berandan